അപ്പച്ചെമ്പ്

പലഹാരങ്ങൾ നീരാവിയിൽ വേവിക്കുന്നതിന് ഉപയോഗിക്കുന്ന ഒരു അടുക്കളപ്പാത്രമാണ് അപ്പച്ചെമ്പ് .

ചെമ്പു കൊണ്ടുള്ള അപ്പച്ചെമ്പ്

ഘടനയും ഉപയോഗവും

വെള്ളമൊഴിച്ച് തിളപ്പിക്കുന്നതിനുള്ള പാത്രത്തിന്റെ പകുതി ഭാഗത്തായി സുഷിരങ്ങളോടുകൂടിയ ഒരു തട്ട് ക്രമീകരിച്ച് അതിലാണ് വേവിക്കുന്നതിനുള്ള ഭക്ഷ്യപദാർത്ഥങ്ങൾ ക്രമീകരിക്കുന്നത്. മൂടികൊണ്ട് അടച്ച് ഇഡ്ഡലി, കനത്തപ്പം, നൂൽപ്പുട്ട്, ചക്കയപ്പം (ചക്കമൂട), ചെമ്മീൻപത്തിരി , നെയ്യട , ഉപ്പുമാവ് തുടങ്ങിയവ ഇങ്ങനെ വേവിക്കാം. പുട്ടുകൂറ്റിയില്ലാതെ തന്നെ പുട്ടുപൊടി വേവിക്കുന്നതിനും അപ്പച്ചെമ്പ് ഉപയോഗിക്കാറുണ്ട്.

നിർമ്മാണ വസ്തുക്കൾ

ചെമ്പ് കൊണ്ടുള്ള അപ്പച്ചെമ്പാണ് മുൻകാലങ്ങളിൽ ഉപയോഗിച്ചിരുന്നത്. ഇപ്പോൾ, അലൂമിനിയം, സ്റ്റീൽ എന്നിവ കൊണ്ടുള്ളവയാണ് കൂടുതലായി ഉപയോഗിച്ചുകാണുന്നത്.

ചിത്രശാല

• 
  അടപ്പോടുകൂടിയ അപ്പച്ചെമ്പ്
• 
  അടപ്പ് മാറ്റിയ അപ്പച്ചെമ്പ്