അപനതി
ഭൂമിയുടെ ഉപരിതലത്തിൽ ഉത്തല കമാനങ്ങളുടെ (convex arches) രൂപത്തിൽ മടക്കപ്പെട്ടിട്ടുള്ള അവസാദശിലാശേഖരത്തെ അപനതി അഥവാ മേൽമടക്ക് (anticline) എന്നു പറയുന്നു. ഈ ശിലാശേഖരത്തിൻ്റെ പരിച്ഛേദം കൂട്ടായോ അടരുകളായോ കാണപ്പെടുന്നു.
-vector.svg)
പ്രത്യേകതൾ
തിരുത്തുകഒരു അപനതിയുടെ പാർശ്വങ്ങൾ അക്ഷത്തിന്റെ ഇരുവശത്തേക്കുമായി ചരിഞ്ഞിറങ്ങുന്നു. തിരശ്ചീനതലവുമായുള്ള ചരിവുകോണാണ് നതി (dip). ഇരുഭാഗത്തെയും നതികൾ തുല്യമാകുമ്പോൾ അതിനെ സമമിത അപനതി അഥവാ സമമിത മേൽമടക്ക് (symmetric anticline)[1] എന്നു പറയുന്നു; നതികൾ വ്യത്യസ്തങ്ങളാകുമ്പോൾ അപനതി അസമം (asymmetric)[2] ആകുന്നു. ചില അപനതികളുടെ അക്ഷതലം ലംബമായിരിക്കുന്നതിനു പകരം ഒരു വശത്തേക്കു ചരിഞ്ഞു കാണപ്പെടുന്നു (പ്രതിവലിതം-overturned).[3] ഇങ്ങനെയുള്ള അപനതികളുടെ ഒരു പാർശ്വം ഏതെങ്കിലും തരത്തിലുള്ള പരിവർത്തനത്തിനു വിധേയമായി മറ്റേ പാർശ്വം മാത്രം അവശേഷിക്കുമ്പോൾ അതിനെ ശയനവലനം (recumbent fold)[4] എന്നു പറയും.
ശിലാശേഖരങ്ങൾ അവതലകമാനങ്ങളുടെ (concave arches)[5] രൂപത്തിലും വലനം ചെയ്യപ്പെടാം. അത്തരം ഭൂരൂപങ്ങളാണ് അഭിനതികൾ അഥവാ കീഴ്മടക്കുകൾ (Synclines).[6] ഒരേ വലനത്തിൽ തന്നെ അപനതികളും അഭിനതികളും ഒന്നിടവിട്ടുള്ള ക്രമത്തിൽ അടുത്തടുത്തായി രൂപംകൊള്ളുന്നു. ഒരു അപനതി രണ്ട് അർദ്ധ അഭിനതികൾ ചേർന്നുണ്ടായതാണെന്നു കണക്കാക്കുന്നതിൽ തെറ്റില്ല; അതുപോലെ മറിച്ചും.
സാധാരണയായി ഇത്തരം ഭൂരൂപങ്ങൾ ദൃശ്യപ്രതലങ്ങളല്ല; അപരദനഫലമായി വല്ലയിടത്തും ഇവ ഉപരിതലത്തിലേക്കു പൊന്തിക്കണ്ടുകൂടായ്കയുമില്ല. അപനതികൾ പൊതുവേ വികൃതവും സങ്കീർണവുമായിരിക്കും. ആന്തരികശക്തികളുടെ സമ്മർദമനുസരിച്ച് രൂപഘടനയിൽ വ്യതിയാനമുണ്ടാകാം. ഘടനാപരമായി നോക്കുമ്പോൾ അപനതിയിലെ പ്രായംചെന്ന ശിലകൾ അക്ഷതലത്തോട് അടുത്തായിരിക്കും കാണപ്പെടുന്നത്.
ഇതുകൂടിക്കാണുക
തിരുത്തുകഅവലംബം
തിരുത്തുക- ↑ http://etc.usf.edu/clipart/62900/62941/62941_anticline_sy.htm
- ↑ http://www.britannica.com/EBchecked/topic/40231/asymmetrical-fold
- ↑ http://bio-geo-terms.blogspot.com/2007/02/overturned-and-recumbent.html
- ↑ http://www.britannica.com/EBchecked/topic/493952/recumbent-fold
- ↑ "ആർക്കൈവ് പകർപ്പ്" (PDF). Archived from the original (PDF) on 2017-02-11. Retrieved 2011-09-23.
- ↑ http://bio-geo-terms.blogspot.com/2006/06/syncline.html
പുറംകണ്ണികൾ
തിരുത്തുക- [1] Images for anticline
- http://geology.about.com/library/bl/images/blanticline.htm Archived 2011-08-24 at the Wayback Machine.
- http://www.enotes.com/earth-science/syncline-anticline Archived 2011-09-24 at the Wayback Machine.
 | കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർ‌വ്വവിജ്ഞാനകോശത്തിലെ അപനതി എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്ക് പകർത്തിയതിന് ശേഷം പ്രസ്തുത ഉള്ളടക്കത്തിന് സാരമായ മാറ്റങ്ങൾ വന്നിട്ടുണ്ടാകാം. |