അനൈഹിലേഷൻ ഓഫ് കാസ്റ്റ്

തനിക്ക് നടത്താൻ സാധിക്കാതെ പോയ ഒരു പ്രസംഗം അംബേദ്കർ 1936-ൽ അനൈഹിലേഷൻ ഓഫ് കാസ്റ്റ് എന്ന പേരിൽ സ്വന്തം നിലയിൽ അച്ചടിച്ച് പ്രസിദ്ധീകരിക്കുകയുണ്ടായി. 1936-ൽ ഡോ. ബി.ആർ. അംബേദ്കറെ ജാത്-പാത്-തോടക് മണ്ടൽ (ജാതി ഇല്ലാതാക്കാനുള്ള കൂട്ടായ്മ) എന്ന ഹിന്ദു നവോത്ഥാന സംഘടന ലാഹോറിലേയ്ക്ക് വാർഷിക സമ്മേളനത്തിൽ പ്രസംഗത്തിനായി ക്ഷണിക്കുകയുണ്ടായി. അംബേദ്കറിന്റെ പ്രസംഗം ലഭിച്ചപ്പോൾ സംഘാടകർക്ക് ഇത് "അസഹനീയമായി" തോന്നുകയും അവർ ക്ഷണം പിൻവലിക്കുകയും ചെയ്തു. ഇതെത്തുടർന്ന് അംബേദ്കർ ഈ ലേഖന‌‌ത്തിന്റെ 1,500 പ്രതികൾ സ്വന്തം നിലയിൽ അച്ചടിച്ച് പ്രസിദ്ധീകരിച്ചു. ഉടൻ തന്നെ ഇത് പല ഭാഷകളിലേയ്ക്ക് തർജ്ജമ ചെയ്യപ്പെടുകയും ചെയ്തു. ദളിത് ജനവിഭാഗങ്ങൾക്കിടയിൽ ഈ ഗ്രന്ഥത്തിന് വലിയ ആരാധകവൃന്ദമുണ്ടെങ്കിലും ഉന്നതജാതിക്കാർക്കിടയിൽ (അവരെ ഉദ്ദേശിച്ചായിരുന്നു ഇത് രചിക്കപ്പെട്ടത് എങ്കിൽ പോലും) ഇതിന് അധികം പ്രചാരം ലഭിക്കുകയുണ്ടാ‌യില്ല.[1]

അനൈഹിലേഷൻ ഓഫ് കാസ്റ്റ്
Annihilation of Caste.jpg
ആദ്യ എഡിഷന്റെ ചട്ട
കർത്താവ്ബി.ആർ. അംബേദ്കർ
യഥാർത്ഥ പേര്Annihilation of Caste
രാജ്യംഇന്ത്യ
ഭാഷഇംഗ്ലീഷ്
വിഷയംസാമൂഹ്യശാസ്ത്രം, ചരിത്രം
പ്രസിദ്ധീകൃതം1936

ഈ പ്രസംഗത്തെപ്പറ്റി ഹരിജൻ എന്ന തന്റെ പ്രസിദ്ധീകരണത്തിൽ മഹാത്മാ ഗാന്ധി വിമർശനം നടത്തുകയുണ്ടായി. അതിനുള്ള മറുപടിയും ഈ ഗ്രന്ഥത്തിൽ ഉൾപ്പെടുത്തിയിട്ടുണ്ട്. ഗാന്ധിജി വർണ്ണാശ്രമത്തിനനുകൂലമായ നിലപാടെടുത്തത് ഈ ഗ്രന്ഥത്തിൽ വിമർശനവിധേയമാക്കുന്നുണ്ട്. ഗാന്ധി മുന്നോട്ടു വയ്ക്കുന്ന വർണ്ണം സ്വാമി ദയാനന്ദ സരസ്വതിയുടെ വിശ്വാസപ്രകാരമുള്ളതല്ലെന്നും പാരമ്പര്യ തൊഴിലുകളിൽ മനുഷ്യരെ കെട്ടിയിടുന്ന ജാതിസംവിധാനം തന്നെയാണതെന്നുമാണ് അംബേദ്കർ വാദിച്ചത്.[2]

അവലംബംതിരുത്തുക

  1. "വീ നീഡ് അംബേദ്കർ, നൗ അർജന്റ്‌ലി". ഔട്ട്‌ലുക്ക്. 2014 മാർച്ച് 10. ശേഖരിച്ചത് 2014 മാർച്ച് 12. Check date values in: |accessdate= and |date= (help)
  2. "എ റിപ്ലൈ റ്റു ദി മഹാത്മ". ഔട്ട്‌ലുക്ക് ഇന്ത്യ. 2014 മാർച്ച് 10. ശേഖരിച്ചത് 2014 മാർച്ച് 12. Check date values in: |accessdate= and |date= (help)

പുറത്തേയ്ക്കുള്ള കണ്ണികൾതിരുത്തുക

"https://ml.wikipedia.org/w/index.php?title=അനൈഹിലേഷൻ_ഓഫ്_കാസ്റ്റ്&oldid=3491405" എന്ന താളിൽനിന്ന് ശേഖരിച്ചത്