അജയ് മാക്കൻ

പതിനഞ്ചാം ലോകസഭയിലെ കേന്ദ്ര നഗര ദാരിദ്ര്യ നിർമാർജ്ജന വകുപ്പ് മന്ത്രിയും, ന്യൂ ഡെൽഹി ലോകസഭാമണ്ഡലത്തെ പ്രതിനിധീകരിക്കുന്ന അംഗവും ആണ്‌ അജയ് മാക്കൻ (ജനനം: ജനുവരി 12, 1964). ഇന്ത്യൻ നാഷണൽ കോൺഗ്രസ് അംഗമാണ്.

അജയ് മാക്കൻ
Member of Parliament, Lok Sabha
ഓഫീസിൽ 2004–2014
മുൻഗാമി	Jagmohan
പിൻഗാമി	Meenakshi Lekhi
മണ്ഡലം	ന്യൂഡെൽഹി
വ്യക്തിഗത വിവരങ്ങൾ
ജനനം	(1964-01-12) 12 ജനുവരി 1964 ഡെൽഹി
ദേശീയത	Indian
രാഷ്ട്രീയ കക്ഷി	INC
പങ്കാളി	രാധികാ മാക്കൻ
കുട്ടികൾ	1 മകൻ 2 മകൾ
വസതി	ന്യൂഡെൽഹി
As of സെപ്റ്റംബർ 16, 2006 ഉറവിടം: [1]

പതിനഞ്ചാം ലോകസഭയിൽ കേന്ദ്ര ആഭ്യന്തര സഹമന്ത്രിയായും പ്രവർത്തിച്ചിട്ടുണ്ട്.

രാഷ്ട്രീയ ജീവിതം

കോൺഗ്രസിന്റെ വിദ്യാർത്ഥി വിഭാഗമായ എൻ.എസ്.യു.വിലൂടെയാണ്‌ മാക്കൻ രാഷ്ട്രീയ ജീവിതം ആരംഭിക്കുന്നത്. 1985-86ൽ ഡെൽഹി യൂണിവേഴ്സിറ്റി സ്റ്റുഡന്റ്സ് യൂണിയൻ പ്രസിഡന്റായി തിരഞ്ഞെടുക്കപ്പെട്ടു. 1993 മുതൽ 1997 വരെ ഡെൽഹി പ്രദേശ് കോൺഗ്രസ് കമ്മിറ്റിയുടെ പ്രസിഡന്റായിരുന്നു. 1997ൽ അഖിലേന്ത്യാ യൂത്ത് കോൺഗ്രസ് ജനറൽ സെക്രട്ടറിമാരിൽ ഒരാളായി. 2004 മുതൽ അഖിലേന്ത്യാ കോൺഗ്രസ് കമ്മിറ്റിയിൽ അംഗമാണ്‌.

ഡൽഹി നിയമസഭയിൽ

1993 മുതൽ 2004 വരെ മൂന്നു തവണ ഡെൽഹി നിയമസഭയിലേക്കു തിരഞ്ഞെടുക്കപ്പെട്ടു. 2001 മുതൽ മൂന്നു വർഷത്തേക്ക് ഡൽഹി സർക്കാരിൽ ഗതാഗത, വൈദ്യുതി മന്ത്രിയായിരുന്നു. 2004-ൽ ഡൽഹി നിയമസഭാ സ്പീക്കറായി.

ലോക്സഭയിൽ

2004 മേയിൽ ന്യൂ ഡൽഹി ലോക്സഭാ മണ്ഡലത്തിൽ നിന്നും പതിനാലാം ലോക്സഭയിലേക്കു തിരഞ്ഞെടുക്കപ്പെട്ടു. അന്ന് കേന്ദ്രമന്ത്രിയായിരുന്ന ബി.ജെ.പി. നേതാവ് ജഗ്‌മോഹനെയാണ്‌ മാക്കൻ പരാജയപ്പെടുത്തിയത്. 2006 ജനുവരിയിൽ ഗ്രാമവികസന സഹമന്ത്രിയായി. 2009 മേയിൽ ന്യൂ ഡെൽഹി മണ്ഡലത്തിൽ നിന്നു തന്നെ വീണ്ടും ലോക്സഭയിലേക്കു തിരഞ്ഞെടുക്കപ്പെട്ടു. ബി.ജെ.പി. സ്ഥാനാർത്ഥി വിജയ് ഗോയലിനെ ഒന്നേമുക്കാൽ ലക്ഷത്തിലേറെ വോട്ടുകൾക്കാണ്‌ മാക്കൻ പരാജയപ്പെടുത്തിയത്. തുടർന്ന് മൻമോഹൻ സിംഗിന്റെ നേതൃത്വത്തിലുള്ള കേന്ദ്രമന്ത്രി സഭയിൽ ആഭ്യന്തര സഹമന്ത്രിയായി നിയമിതനായി.

വ്യക്തിജീവിതം

ഭാര്യ രാധിക. മക്കൾ ആരുഷി, അഹാന, ഓജസ്വി.

പുറത്തേക്കുള്ള കണ്ണികൾ

• Official biographical sketch in Parliament of India website