ജഗ്മോഹൻ

ഇന്ത്യൻ രാഷ്ട്രീയപ്രവർത്തകൻ
(Jagmohan എന്ന താളിൽ നിന്നും തിരിച്ചുവിട്ടതു പ്രകാരം)

രണ്ട് തവണ ജമ്മു കാശ്മീരിൻ്റെയും, കേന്ദ്ര ഭരണ പ്രദേശമായ ഡൽഹിയുടേയും ഒരു തവണ ഗോവ, ദാമൻ & ദിയു ഗവർണറായും കേന്ദ്രമന്ത്രി, ലോക്സഭാംഗം, രാജ്യസഭാംഗം എന്നീ പദവികളിൽ ദേശീയ രാഷ്ട്രീയത്തിൽ നിറഞ്ഞു നിന്ന നേതാവാണ് ഗവർണർ ജഗ്മോഹൻ എന്നറിയപ്പെട്ടിരുന്ന ജഗ്മോഹൻ മൽഹോത്ര (1927-2021) [1][2][3][4]

ജഗ്മോഹൻ മൽഹോത്ര
Jagmohan.jpg
ജമ്മു & കാശ്മീർ ഗവർണർ
ഔദ്യോഗിക കാലം
19 January 1990 – 26 May 1990
മുൻഗാമിK. V. Krishna Rao
പിൻഗാമിGirish Chandra Saxena
ഔദ്യോഗിക കാലം
26 April 1984 – 11 July 1989
മുൻഗാമിBraj Kumar Nehru
പിൻഗാമിK. V. Krishna Rao
ഡൽഹി ലഫ്. ഗവർണർ
ഔദ്യോഗിക കാലം
2 September 1982 – 25 April 1984
മുൻഗാമിSundar Lal Khurana
പിൻഗാമിP. G. Gavai
വ്യക്തിഗത വിവരണം
ജനനം (1927-09-25) 25 സെപ്റ്റംബർ 1927  (93 വയസ്സ്)
Hafizabad, Punjab, British India
മരണംമെയ് 03 2021
രാഷ്ട്രീയ പാർട്ടികോൺഗ്രസ് (1990 വരെ), ബി.ജെ.പി (1990 മുതൽ)
പങ്കാളിUma Jagmohan
മക്കൾDeepika kapoor, Manmohan
As of 4'th May, 2021
ഉറവിടം: മലയാള മനോരമ

ജീവിതരേഖതിരുത്തുക

1927 സെപ്റ്റംബർ 25ന് പഞ്ചാബ് പ്രാവിശ്യയിലുൾപ്പെട്ട ഹഫീസാബാദിൽ (ഇപ്പോൾ പാക്കിസ്ഥാൻ്റെ ഭാഗം) ആമിർ ചന്ദിൻ്റെയും ദ്രൗപതി ദേവിയുടേയും മകനായി പഞ്ചാബി ഹിന്ദു ഖാത്ര കുടുംബത്തിൽ ജനിച്ചു.

വിദ്യാഭ്യാസത്തിനു ശേഷം സിവിൽ സർവീസ് നേടി ഐ.എ.എസ് ഉദ്യോഗസ്ഥാനായി മാറിയ ജഗ്മോഹൻ 1970-കളിൽ ഡൽഹിയെ ഒരു മെട്രൊപൊളിറ്റൻ സിറ്റിയാക്കി മാറ്റുന്നതിനു വേണ്ടി ചേരികൾ നിർമാർജനം ചെയ്യുന്ന ഉദ്യോഗസ്ഥനായിട്ടാണ് അറിയപ്പെട്ടിരുന്നത്.

ചേരികൾ ഒഴിപ്പിക്കുന്നത് അവിടെ തിങ്ങിപാർത്തിരുന്ന മുസ്ലീം മതവിഭാഗത്തിനിടയിൽ വ്യാപകമായ അതൃപ്തിക്ക് കാരണമായി തീർന്നു. അടിയന്തരാവസ്ഥ പ്രഖ്യാപിക്കപ്പെട്ട അക്കാലത്ത് സഞ്ജയ് ഗാന്ധിയുടെ വിശ്വസ്ഥനായിട്ടാണ് അന്ന് ജഗ്മോഹൻ കോൺഗ്രസ് പാർട്ടിയിലറിയപ്പെട്ടിരുന്നത്.

ചേരികൾ ഒഴിപ്പിക്കുന്നതും, നിർബന്ധിത കുടുംബാസൂത്രണവും നടപ്പിൽ വരുത്തിയ ഇന്ദിരാഗാന്ധിയുടേയും, സഞ്ജീവ് ഗാന്ധിയുടേയും നയങ്ങൾ 1977-ലെ ലോക്സഭ തിരഞ്ഞെടുപ്പിൽ ഇന്ദിരാഗാന്ധിയുടെ പരാജയത്തിന് വഴിയൊരുക്കി.[5]

1980-ൽ കേന്ദ്ര സർക്കാർ ആദ്യമായി ജഗ്മോഹനെ ഡൽഹിയുടെ ലഫ്.ഗവർണറായി നിയമിച്ചു. പിന്നീട് 1981 മുതൽ 1982 വരെ ഗോവ, ദാമൻ & ദിയു ലഫ്.ഗവർണറായും 1982 മുതൽ 1984 വരെ ഡൽഹി ലഫ്.ഗവർണറായും പ്രവർത്തിച്ച ജഗ്മോഹൻ 1984 മുതൽ 1989 വരെയും 1990-ലും ജമ്മു & കാശ്മീരിലെ ലഫ്.ഗവർണറായി നിയമിതനായി. 1982-ൽ ഏഷ്യൻ ഗെയിംസിന് ഡൽഹി വേദിയായപ്പോൾ ജഗ്മോഹനായിരുന്നു ഡൽഹിയുടെ ലഫ്.ഗവർണർ.

ജമ്മു & കാശ്മീർ ഗവർണർതിരുത്തുക

1984-ൽ വിഘടന വാദം അതിൻ്റെ തീവ്രതയിൽ നിൽക്കുമ്പോഴാണ് ജഗ്മോഹൻ ആദ്യമായി ജമ്മു & കാശ്മീർ ഗവർണറായി സ്ഥാനമേൽക്കുന്നത്. ആ സമയം പാക്കിസ്ഥാൻ പ്രധാനമന്ത്രിയായിരുന്ന ബേനസീർ ഭൂട്ടോ ഗവർണറായിരുന്ന ജഗ്മോഹനെതിരെ നിരന്തരം വിദ്വേഷ പ്രസംഗങ്ങൾ നടത്തി വധഭീഷണി മുഴക്കി. അതിലൊന്നാണ് ഭാഗ് മോഹൻ ഹം അസ് കൊ ജഗ് ജഗ് മൊ മൊ ഹൻ ഹൻ ബനാ ഡെംഗാ ( ഭയം മൂലം ജഗ്മോഹൻ ഓടിപ്പോകും എന്നും വിഘടനവാദികളാൽ ജഗ്മോഹൻ തുണ്ടം തുണ്ടമാകുമെന്നും ) ബേനസീർ ഭീഷണി മുഴക്കിയെങ്കിലും 1984 മുതൽ 1989 വരെ ജമ്മു & കശ്മീർ ഗവർണറായിരുന്ന ജഗ്മോഹൻ അത് അത്ര കാര്യമാക്കിയില്ല. കാശ്മീരിലെ ഹൈന്ദവ ക്ഷേത്രമായ വൈഷ്ണോ ദേവി അമ്പലം വിഘടനവാദികളിൽ നിന്നുള്ള ഭീഷണിയിൽ നിന്ന് വിമുക്തമാക്കി വിഘടനവാദികളിൽ നിന്ന് തിരികെ പിടിച്ച അദ്ദേഹം ക്ഷേത്ര ഭരണത്തിന് ഒരു സമിതിയുണ്ടാക്കിയത് തീർത്ഥാടനം സുഗമമായി നടത്തുന്നതിന് സഹായകരമായി തീർന്നു.

1984-ൽ സംസ്ഥാന ഗവർണറായി സ്ഥാനമേറ്റയുടൻ ജമ്മു & കാശ്മീർ സർക്കാരിനെ പിരിച്ചു വിട്ടതിനെതിരെ ജഗ്മോഹനെതിരെ ആരോപണമുയർന്നെങ്കിലും കോൺഗ്രസിലെ രാജീവ് ഗാന്ധിയുടെ ശക്തമായ പിന്തുണയുടെ ബലത്തിൽ അതെല്ലാം നിഷ്കാസിതമായി തീർന്നു.

1990-ൽ ജമ്മു & കാശ്മീരിൽ വിഘടനവാദവും തീവ്രവാദവും ശക്തിയാർജിച്ചതോടെ അന്ന് പ്രധാനമന്ത്രിയായിരുന്ന വി.പി.സിംഗ് അദ്ദേഹത്തെ വീണ്ടും ജമ്മു കാശ്മീരിൻ്റെ ഗവർണറാക്കിയെങ്കിലും അത് ഏറെ നാൾ നീണ്ടുപോയില്ല. 1990 ജനുവരി 19 മുതൽ മെയ് 26 വരെ ആകെ 5 മാസം മാത്രമെ അദ്ദേഹം ഗവർണർ സ്ഥാനത്ത് തുടരാനായത്.

1990-കളുടെ തുടക്കത്തിൽ കാശ്മീർ താഴ്വരയിൽ പൊട്ടി മുളച്ച വിഘടന വാദവും തീവ്രവാദവും പിന്നീട് ശക്തിപ്പെട്ടതിനെ തുടർന്ന് വിഘടനവാദ, തീവ്രവാദി ഗ്രൂപ്പുകൾ കശ്മീരിൽ ചുവടുറപ്പിച്ചപ്പോൾ അത് താഴ്വരയിൽ താമസിച്ചു പോന്നിരുന്ന ഹൈന്ദവ ഭൂരിപക്ഷ വിഭാഗമായിരുന്ന കാശ്മീരി പണ്ഡിറ്റുകളുടെ പലായനത്തിൽ കലാശിച്ചു[6] ഇതിനെ തുടർന്നും മറ്റു കാരണങ്ങളിലുമായി കോൺഗ്രസ് പാർട്ടിയുമായുണ്ടായ അഭിപ്രായ വ്യത്യാസത്തെ തുടർന്ന് 1990-ൽ ജഗ്മോഹൻ ഗവർണർ സ്ഥാനം രാജിവയ്ക്കുകയും കോൺഗ്രസ് വിട്ട് ബി.ജെ.പിയിൽ ചേരുകയും ചെയ്തു[7][8]

പിന്നീട് രാഷ്ട്രീയ ജീവിതത്തിലേയ്ക്ക് പ്രവേശിച്ച ജഗ്മോഹൻ 1990 മുതൽ 1996 വരെ ബി.ജെ.പിയുടെ രാജ്യസഭാംഗമായി പ്രവർത്തിച്ചു.

1996-ലെ ലോക്സഭ തിരഞ്ഞെടുപ്പിൽ ന്യൂഡൽഹി മണ്ഡലത്തിൽ നിന്ന് ബി.ജെ.പി സ്ഥാനാർത്ഥിയായി മത്സരിച്ച അദ്ദേഹം ബോളിവുഡ് താരമായ രാജേഷ് ഖന്നയെ പരാജയപ്പെടുത്തി ആദ്യമായി ലോക്സഭാംഗമായി.

1998-ലും 1999-ലും നടന്ന ലോക്സഭ തിരഞ്ഞെടുപ്പുകളിൽ ന്യൂഡൽഹി മണ്ഡലത്തിൽ നിന്ന് കോൺഗ്രസിലെ ആർ.കെ.ധവാനെ തോൽപ്പിച്ച് വീണ്ടും ലോക്സഭയിലെത്തി.

1998-ലെ എ.ബി.വാജ്പേയി നയിച്ച കേന്ദ്ര മന്ത്രിസഭയിൽ ആദ്യമായി മന്ത്രിയായ അദ്ദേഹം പിന്നീട് 1999-2004-ലെ വാജ്പേയി മന്ത്രിസഭയിൽ നഗരവികസനം, ടൂറിസം, സാംസ്കാരികം എന്നീ വകുപ്പുകളുടെ ചുമതലയുള്ള കാബിനറ്റ് വകുപ്പ് മന്ത്രിയായും പ്രവർത്തിച്ചു.

2004-ലെ ലോക്സഭ തിരഞ്ഞെടുപ്പിൽ ന്യൂഡൽഹി മണ്ഡത്തിൽ നിന്ന് മത്സരിച്ചെങ്കിലും കോൺഗ്രസിലെ അജയ് മാക്കനോട് പരാജയപ്പെട്ടു.

പുരസ്കാരങ്ങൾതിരുത്തുക

ഡൽഹിയെ ഒരു മെട്രോപൊളിറ്റൻ സിറ്റിയാക്കി മാറ്റുന്നതിൽ നിർണായക പങ്ക് വഹിച്ചതിനും വികസന നേട്ടങ്ങൾ കൃത്യമായി നടപ്പിൽ വരുത്തുന്നതിന് മികച്ച ആസൂത്രണം നടത്തിയതിനും 1971-ൽ ജഗ്മോഹനെ രാജ്യം പത്മശ്രീ പുരസ്കാരം നൽകി ആദരിച്ചു.

രാജ്യ സേവനങ്ങൾക്കുള്ള ബഹുമതിയായി 1977-ൽ ജഗ്മോഹന് പത്മവിഭൂഷൺ പുരസ്കാരം നൽകി. 2016-ൽ വിവിധ ചരിത്ര പ്രാധാന്യമുള്ള പുസ്തകങ്ങൾ രചിച്ചതിനും രാജ്യം പത്മവിഭൂഷൺ നൽകി ആദരിച്ചു.

ആർട്ടിക്കിൾ 370തിരുത്തുക

2019 ഓഗസ്റ്റ് 5ന് ജമ്മു കാശ്മീരിൻ്റെ ആർട്ടിക്കിൾ 370 റദ്ദാക്കി ജമ്മുവിനെയും ലഡാക്കിനെയും കേന്ദ്രഭരണ പ്രദേശമാക്കി മാറ്റിയത് ജനങ്ങളിലെത്തിക്കുന്നതിൽ ബി.ജെ.പി. നേതാവ് എന്ന നിലയിൽ ജഗ്മോഹൻ നിർണായക പങ്ക് വഹിച്ചു.[9][10]

അധികാര സ്ഥാനങ്ങൾതിരുത്തുക

  • ഡൽഹി ലഫ്.ഗവർണർ
  • 17/03/1980-30/03/1980
  • 02/09/1982-25/04/1984
  • ഗോവ, ദാമൻ & ദിയു ലഫ്.ഗവർണർ
  • 31/03/1981-29/08/1982
  • ജമ്മു & കാശ്മീർ ഗവർണർ
  • 26/04/1984-11/07/1989
  • 19/01/1990-26/05/1990
  • രാജ്യസഭാംഗം
  • 1990-1996
  • ലോക്സഭാംഗം
  • 1996, 1998, 1999
  • കേന്ദ്ര മന്ത്രി
  • 1998, 1999-2004
  • പത്മശ്രീ : 1971
  • പത്മവിഭൂഷൺ : 1977, 2016[11]

സ്വകാര്യ ജീവിതംതിരുത്തുക

  • ഭാര്യ : ഉമ ജഗ്മോഹൻ (1957-ൽ ആയിരുന്നു ഇവരുടെ വിവാഹം)
  • മക്കൾ : ദീപിക, മൻമോഹൻ[12]

മരണംതിരുത്തുക

2021 മെയ് 3 ന് ഡൽഹിയിൽ വാർദ്ധക്യ സഹജമായ അസുഖങ്ങളെ തുടർന്ന് 93-ആം വയസിൽ ജഗ്മോഹൻ അന്തരിച്ചു[13][14] പ്രധാനമന്ത്രി നരേന്ദ്ര മോദി, കേന്ദ്ര ആഭ്യന്തരവകുപ്പ് മന്ത്രി അമിത് ഷാ, പ്രതിരോധവകുപ്പ് മന്ത്രി രാജ്നാഥ് സിംഗ്, രാഷ്ട്രപതി രാം നാഥ് കോവിന്ദ്, ഉപരാഷ്ട്രപതി എം.വെങ്കയ്യാ നായിഡു തുടങ്ങിയ പ്രമുഖ രാഷ്ട്രീയ, സാംസ്കാരിക നേതാക്കൾ ജഗ്മോഹൻ്റെ നിര്യാണത്തിൽ അനുശോചനം രേഖപ്പെടുത്തി[15].

രചിച്ച പുസ്തകങ്ങൾതിരുത്തുക

  • ദില്ലിയിലെ വാൾഡ് സിറ്റി ഷാജഹാനാബാദ് പുനർനിർമ്മിക്കുന്നു [16]
  • ഐലന്റ് ഓഫ് ട്രൂത്ത് (1978) [17]
  • കശ്മീരിലെ എന്റെ ശീതീകരിച്ച പ്രക്ഷുബ്ധത [18]
  • ഞങ്ങളുടെ നഗരങ്ങളുടെ വെല്ലുവിളി [19]
  • ഇന്ത്യയിലെ ഭരണത്തിന്റെ ആത്മാവും ഘടനയും [20]
  • പരിഷ്കരിച്ച വൈഷ്നോ ദേവിയും പരിഷ്കരിച്ച, പുനരുജ്ജീവിപ്പിച്ച, പ്രബുദ്ധമായ ഹിന്ദുമതത്തിനായുള്ള ഒരു കേസും [21]
  • ഒൻപതാം ദില്ലിയിലെ വിജയങ്ങളും ദുരന്തങ്ങളും [22]

അവലംബംതിരുത്തുക

  1. https://indianexpress.com/article/india/former-jk-governor-jagmohan-passes-away-7301157/
  2. https://www.thehindu.com/news/national/3-day-mourning-in-jk-on-jagmohans-demise/article34478543.ece
  3. https://economictimes.indiatimes.com/news/india/former-j-k-governor-jagmohan-passes-away-pm-modi-expresses-grief/articleshow/82381302.cms
  4. https://www.indiatoday.in/india/story/former-jammu-and-kashmir-governor-jagmohan-dies-at-93-pm-modi-condoles-death-1798635-2021-05-04
  5. "Jag Mohan, Key Contenders for India Election 2004".
  6. https://en.m.wikipedia.org/wiki/Our_Moon_Has_Blood_Clots
  7. https://keralabookstore.com/book/kashmir-ente-rakthachandrika/12581/
  8. https://www.amazon.in/Our-Moon-Has-Blood-Clots/dp/818400513X
  9. "Former Ministers - Minister's Page - About Us - Department of Telecommunications". മൂലതാളിൽ നിന്നും 2 October 2013-ന് ആർക്കൈവ് ചെയ്തത്.
  10. "Biographical Sketch of Member of XII Lok Sabha".
  11. "Slum demolitions in Delhi since the 1990s: An Appraisal" by Veronique Dupont, EPW, 12 July 2008, pages 84–85.
  12. "http://jklegislativeassembly.nic.in/Governor/Sh%20Jagmohan.pdf" (PDF). External link in |title= (help)
  13. https://www.mathrubhumi.com/print-edition/india/04may2021-1.5640576
  14. https://keralakaumudi.com/news/mobile/news.php?id=542428&u=national
  15. https://www.narendramodi.in/prime-minister-narendra-modi-condoles-the-demise-of-shri-jagmohan-555226
  16. "Review". JSTOR 23001813. Missing or empty |url= (help)
  17. "Island Of Truth".
  18. "My Frozen Turbulence In Kashmir".
  19. "The Challenge of Our Cities".
  20. "Soul and Structure of Governance in India".
  21. "Indian Institute of Management Ahmedabad".
  22. "His Excellency".
"https://ml.wikipedia.org/w/index.php?title=ജഗ്മോഹൻ&oldid=3554420" എന്ന താളിൽനിന്ന് ശേഖരിച്ചത്