അഖ്‌ലാക് മുഹമ്മദ് ഖാൻ
പ്രശസ്തനായ ഒരു ഉർദു കവിയും ഗാനരചയിതാവും പണ്ഡിതനുമായിരുന്നു ഡോ. അഖ്‌ലാക് മുഹമ്മദ് ഖാൻ(16 ജൂൺ 1936 – 13 ഫെബ്രുവരി 2012). 'ഷഹ്‌രിയാർ' എന്ന തൂലികാനാമത്തിൽ അറിയപ്പെട്ടിരുന്നു. 1987-ലെ കേന്ദ്ര സാഹിത്യ അക്കാദമി പുരസ്കാരവും 2008-ലെ ജ്ഞാനപീഠ പുരസ്കാരവും നേടിയിട്ടുണ്ട്.
അഖ്‌ലാക് മുഹമ്മദ് ഖാൻ (ഷഹ്‌രിയാർ) | |
|---|---|
| തൂലികാ നാമം | ഷഹ്‌രിയാർ |
| തൊഴിൽ | ഗാനരചയിതാവ്, കവി |
| ദേശീയത | ഇന്ത്യൻ |
| Genre | ഗസൽ |
| വിഷയം | പ്രണയം, തത്ത്വചിന്ത |
ജീവിതരേഖ
തിരുത്തുക1936 ജൂൺ 16-ന് ഉത്തർപ്രദേശിലെ ബറേലിയിൽ ഒരു മുസ്ലിം രാജ്‌പുത് കുടുംബത്തിൽ ജനിച്ചു. ബുലന്ദ്ശഹറിലും, പിന്നീട് അലിഗഡ് മുസ്ലിം സർവകലാശാലയിലുമായിരുന്നു വിദ്യാഭ്യാസം. 1956-ൽ ആദ്യ കവിതാസമാഹാരം ഇസം ഇ അസം പുറത്തിറങ്ങി. ഖ്വാബ് കാ ദർ ബന്ദ് ഹെ എന്ന കവിതാസമാഹാരത്തിന് 1987-ലെ സാഹിത്യ അക്കാദമി പുരസ്കാരം[1] ലഭിച്ചു. സാത്വൻ ദർ, ഹിജ്ർ കെ മോസം, നീന്ത് കി കിർച്ചേയ്ൻ തുടങ്ങിയവയാണ് മറ്റ് പ്രധാന കൃതികൾ. ഗമൻ(1978), ഉമ്രാവോ ജാൻ(1981) തുടങ്ങിയ ഹിന്ദി ചലച്ചിത്രങ്ങളുടെ ഗാനരചയിതാവ് എന്ന നിലയിലും ഏറെ പ്രശസ്തി നേടി. ഉർദു ഭാഷയ്ക്ക് നൽകിയ സംഭാവനകൾ പരിഗണിച്ച് 2008-ലെ ജ്ഞാനപീഠ പുരസ്കാരം ഇദ്ദേഹത്തിനു നൽകുകയുണ്ടായി. ജ്ഞാനപീഠ പുരസ്കാരം നേടുന്ന നാലാമത്തെ ഉർദു സാഹിത്യകാരനാണദ്ദേഹം.[2]
അലിഗഡ് യൂണിവേഴ്‌സിറ്റിയിലെ ഉർദു വകുപ്പ് ചെയർമാനായി സേവനം അനുഷ്ടിച്ചിട്ടുണ്ട്. പിന്നീട് ഷേർ-ഓ-ഹിക്മത് എന്ന സാഹിത്യ മാസികയുടെ എഡിറ്ററായി കുറേ കാലം പ്രവർത്തിച്ചിരുന്നു. കരൾ സംബന്ധമായ അസുഖത്തെ തുടർന്ന് ഏറെക്കാലമായി ചികിത്സയിലായിരുന്ന ഇദ്ദേഹം 2012 ഫെബ്രുവരി 12-ന് അന്തരിച്ചു.[3]
അവലംബം
തിരുത്തുക- ↑ "List of Sahitya Akademi Award Winners in Urdu". Archived from the original on 2013-01-30. Retrieved 2011-12-29.
- ↑ "പ്രശസ്ത ഉറുദു കവി ഷഹരിയാർ അന്തരിച്ചു". ധൂൾ ന്യൂസ്. നവംബർ 14, 2010. Retrieved ഫെബ്രുവരി 16, 2012.
- ↑ "ഉറുദു കവി അഖ്‌ലഖ് മൊഹമ്മദ് ഖാൻ അന്തരിച്ചു". മാതൃഭൂമി. നവംബർ 14, 2010. Archived from the original on 2012-02-15. Retrieved ഫെബ്രുവരി 16, 2012.
പുറത്തേയ്ക്കുള്ള കണ്ണികൾ
തിരുത്തുക
|
ഒരു കവിയെ /കവയത്രിയെ കുറിച്ചുള്ള ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പും കാണുക. |