വിൽഹെം കോൺറാഡ് റോൺട്ജൻ

എക്സ് റേ കണ്ടെത്തിയ ജർമ്മൻ ഭൗതികശാസ്ത്രജ്ഞനാണ്‌ വിൽഹെം റോണ്ട്ജൻ.

വിൽഹെം റോണ്ട്ജൻ
ജനനം	വിൽഹെം കോൺറാഡ് റോൺട്ജൻ (1845-03-27)27 മാർച്ച് 1845 ലെന്നെപ്, പ്രഷ്യ
മരണം	10 ഫെബ്രുവരി 1923(1923-02-10) (പ്രായം 77) മ്യൂണിക്ക്, ജർമ്മനി
ദേശീയത	ജർമ്മനി
കലാലയം	ETH Zurich University of Zürich
അറിയപ്പെടുന്നത്	X-rays
പുരസ്കാരങ്ങൾ	നോബൽ സമ്മാനം (1901)
ശാസ്ത്രീയ ജീവിതം
പ്രവർത്തനതലം	ഭൗതികശാസ്ത്രം
സ്ഥാപനങ്ങൾ	University of Strassburg Hohenheim University of Giessen University of Würzburg University of Munich
ഡോക്ടർ ബിരുദ ഉപദേശകൻ	August Kundt
ഡോക്ടറൽ വിദ്യാർത്ഥികൾ	Herman March Abram Ioffe

കുടുംബം

വിൽഹെം കോൺറാഡ് റോൺട്ജന്റെ പിതാവ് ഒരു വസ്ത്രനിർമ്മാതാവും വ്യാപാരിയുമായിരുന്നു. അമ്മ ഷാർലറ്റ് കോൺസ്റ്റൻസ് ഫ്രോവിൻ. റോൺട്ജന് മൂന്ന് വയസ്സായപ്പോൾ കുടുബം നെതർലൻഡ്സിലെ ആപ്പിൾഡൂണിലേക്കു താമസം മാറി.

കവി ഓട്ടോലുഡ് വിഗിന്റെ അനന്തരവൾ അന്ന ബർത്തലുഡ് വിഗാണ് റോൺട്ജന്റെ ഭാര്യ. ദമ്പതികൾക്ക് കുട്ടികൾ ഇല്ലായിരുന്നു.

വിദ്യാഭ്യാസം

ആപ്പിൾഡൂണിലായിരുന്നു റോൺട്ജന്റെ പ്രാധമിക വിദ്യാഭ്യാസം. 1862-ൽ അദ്ദേഹം ഉട്രെച്ചിലെ ഒരു ടെക്നിക്കൽ സ്കൂളിൽ തുടർന്നു പഠിച്ചു. അവിടെ വെച്ച് തന്റെ അദ്ധ്യാപകന്റെ ഒരു ഹാസ്യചിത്രം വരച്ചു എന്ന കുറ്റത്തിനു ഈ സ്കൂളിൽ നിന്നും പുറത്താക്കി. പിന്നെ സൂറിച്ചിലെ പോളിടെക്നിക്കൽ എഞിനിയറിങ് വിദ്യാർത്ഥിയായെങ്കിലും ഇഷ്ടവിഷയമായ ഭൗതികശാസ്ത്രപഠനത്തിലേക്കു മാറി. 1869-ൽ സൂറിച്ച് സർ വകലാശാലയിൽനിന്ന് പി.എച്ച്.ഡി യും കരസ്ഥമാക്കി.

ഉദ്യോഗങ്ങൾ

വിവിധ സർവകലാശാലകളിൽ അദ്ധ്യാപകനായി ജോലിനോക്കിയ റോൺട്ജൻ 1888-ൽ വൂസ്ബർഗ് സർവകലാശാലയിൽ ഭൗതികശാസ്ത്രമേധാവിയായി അധികാരമേറ്റു. സർക്കാരിന്റെ പ്ര്ത്യേക ക്ഷണം സ്വീകരിച്ച് 1900-ൽ മ്യൂണിച്ച് സർവകലാശാലയിൽ ഇതേ പദവി അലങ്കരിച്ചു. അദ്ദേഹം തന്റെ ജീവിതകാലം മുഴുവൻ അവിടെ തുടർന്നു.

കണ്ടുപിടിത്തങ്ങൾ

വാതകങ്ങളുടെ വിശിഷ്ടതാപം (Specific Heat), പരലുകളുടെ (Crystal) താപചാലകശേഷി, തുടങ്ങി ഒട്ടേറ വിഷയങ്ങളിൽ ഗവേഷണങ്ങൾ നടത്തിയെങ്കിലും ഏറെ ശ്രദ്ധേയമായത് എക്സ്-റേയുടെ കണ്ടുപിടിത്തമാണ്.

ബഹുമതികൾ

എക്സ്-റേ കണ്ടുപിടിച്ചതിനെ തുടർന്നു 1901ൽ ഭൗതികശാസ്ത്രത്തിനുള്ള ആദ്യ നോബൽ സമ്മാനം അദ്ദേഹത്തിനു ലഭിച്ചു.

പുറത്തേക്കുള്ള കണ്ണികൾ

• http://nobelprize.org/nobel_prizes/physics/laureates/1901/rontgen-bio.html
• http://imagine.gsfc.nasa.gov/docs/people/Wilhelm_Roentgen.html Archived 2009-01-22 at the Wayback Machine.
• http://encarta.msn.com/encyclopedia_761555545/roentgen.html Archived 2009-02-18 at the Wayback Machine.