സുധീരൻ പ്രയാർ
ഈ ലേഖനത്തിന്റെ നിർമ്മാണത്തിൽ മുഖ്യമായും സംഭാവന ചെയ്തിട്ടുള്ള ഒന്നോ അതിലധികമോ ഉപയോക്താക്കൾക്കു് പ്രസ്തുതലേഖനത്തിലെ വിഷയത്തെ സംബന്ധിച്ച് അടുത്ത ബന്ധം നിലവിലുള്ളതായി സംശയിക്കപ്പെടുന്നു. . |
"നോസ്റ്റാൽജിക് ആർട്ടിസ്റ്റ്" എന്നറിയപ്പെടുന്ന സുധീരൻ പ്രയാർ (25 മെയ് 1975) ഒരു ഇന്ത്യൻ ചിത്രകാരനും ശിൽപിയും ഗാനരചയിതാവുമാണ്. വാട്ടർ കളർ, ഓയിൽ, അക്രിലിക്സ്, പേസ്റ്റൽ, പെൻസിൽ, പുരാതന പരമ്പരാഗത പ്രകൃതി നിറങ്ങൾ തുടങ്ങിയ വിവിധ കലാമാധ്യമങ്ങൾ കൈകാര്യം ചെയ്യുന്നതിൽ സുധീരൻ പ്രയാർ കഴിവു തെളിയിച്ചു . അദ്ദേഹം ക്യൂബിസത്തിന്റെയും കേരളത്തിലെ പരമ്പരാഗത ചുവർച്ചിത്രകലയുടെയും വലിയ ആരാധകനാണ്. തന്റെ സർഗ്ഗാത്മകതയ്ക്ക് വേണ്ടി എല്ലാ വിഷയങ്ങൾക്കും യാഥാർത്ഥ്യബോധത്തോടെയും സർറിയലിസ്റ്റായും സ്വീകരിച്ചു. മുൻകാലങ്ങളിൽ ഉണ്ടായിരുന്നതുപോലെ നഷ്ടപ്പെട്ട ഗ്രാമ കാഴ്ചകൾ ചിത്രങ്ങളായ് പുനർനിർമ്മിക്കുന്നതിൽ അദ്ദേഹം തന്റെ കഴിവ് പ്രകടിപ്പിച്ചു. അതിനാൽ ജനങ്ങൾ അദ്ദേഹത്തെ "നോസ്റ്റാൽജിക് ആർട്ടിസ്റ്റ്" എന്ന് വിളിച്ചു.
ജീവചരിത്രം
ദക്ഷിണേന്ത്യൻ സംസ്ഥാനമായ കേരളത്തിലെ ആലപ്പുഴ ജില്ലയിലെ പ്രയാർ എന്ന ഗ്രാമത്തിൽ സുധാകരൻ ആചാര്യയുടെയും ശ്രീദേവിയുടെയും മൂത്ത മകനായി സുധീരൻ പ്രയാർ ജനിച്ചു. കുട്ടിക്കാലത്ത്, രാജാ രവിവർമ്മയുടെയും ആർട്ടിസ്റ്റ് നമ്പൂതിരിന്റെയും പെയിന്റിംഗിൽ ആകൃഷ്ടനായി അദ്ദേഹം വ്യത്യസ്ത മാധ്യമങ്ങളിൽ ചിത്രങ്ങൾ ആവിഷ്കരിച്ചു. രചനയിൽ സ്വാതന്ത്ര്യം നേടുന്നതിനായി കലയുടെ സൈദ്ധാന്തിക നിയമത്തിൽ നിന്ന് പലപ്പോഴും വ്യതിചലിച്ചു സവിശേഷമായ സ്വന്തം ശൈലി പിന്തുടരുന്ന ചിത്രകാരനാണ് അദ്ദേഹം. ഇവ കൂടാതെ മലയാളത്തിൽ നിരവധി കവിതകളും ഗാനങ്ങളും അദ്ദേഹം രചിച്ചിട്ടുണ്ട്. K.V. പ്രയാർ ലോവർ പ്രൈമറി സ്കൂൾ, R.V.S.M ഹൈസ്കൂൾ പ്രയാർ എന്നിവയിൽ നിന്നാണ് അദ്ദേഹം സ്കൂൾ വിദ്യാഭ്യാസം പൂർത്തിയാക്കിയത്. കായംകുളം, എം. എസ്. എം. കോളേജിൽ നിന്നും സസ്യശാസ്ത്രത്തിൽ ബിരുദം (B.Sc.) നേടി. പരസ്യ പ്രവർത്തനങ്ങൾ, കമ്പ്യൂട്ടർ പരിശീലനം, ട്യൂഷൻ അദ്ധ്യാപനം എന്നിങ്ങനെ നിരവധി ജോലികൾ സുധീരൻ പ്രയാർ ചെയ്തു. ആശ ആണ് ഭാര്യ. വിവാഹശേഷം അദ്ദേഹം ഹെൽത്ത് ആൻഡ് സേഫ്റ്റി പ്രൊഫഷണലായി ഖത്തറിൽ ജോലിയിൽ പ്രവേശിച്ചു. ഒഴിവുസമയങ്ങളിൽ അദ്ദേഹം ഖത്തറിൽ ജോലി തുടരുമ്പോൾ കലാസൃഷ്ടികളിലും രചനകളിലും പൂർണ്ണമായും ശ്രദ്ധ കേന്ദ്രീകരിക്കുകയും ഖത്തറിലും ഇന്ത്യയിലും നിരവധി കലാപ്രദർശനങ്ങൾ നടത്തുകയും ചെയ്തു. അതേസമയം, അദ്ദേഹം നിരവധി സംഗീത ആൽബങ്ങൾ പുറത്തിറക്കുകയും നിരവധി കവിതകൾ പ്രസിദ്ധീകരിക്കുകയും ചെയ്തു. നിലവിൽ ഖത്തറിൽ ഹെൽത്ത് ആൻഡ് സേഫ്റ്റി പ്രൊഫഷണലായി ജോലി ചെയ്യുന്നു.
സംഗീത ആൽബങ്ങൾ
- നീലക്കുറിഞ്ഞികൾ
- ഓണവില്ല്
- മേടക്കണിപൂവുകൾ
- ആവണിത്തുമ്പി
- കുംഭചിലമ്പൊലി
- കുഴലൂതും കാറ്റേ
- ഉത്രാളിക്കവിലമ്മ
- ചെങ്കൊടി
കവിതകൾ
- എന്റെ പുഴ
- നീയും നിഴലും
- എന്റെ വിദ്യാലയം
- പ്രവാസം
- സ്വപ്നം
- കൃഷ്ണ മാനസം
- കാലവും പ്രകൃതിയും
- പ്രണയ മഴ
- വരികെന്റെ വേനലേ
- നീയടുത്തുണ്ടായിരുന്ന കാലം
- കാട്ടാളൻ
- മധുരമാം മലയാളം