റിച്ചാർഡ് അലൻ (ഹോക്കി താരം)

ഒരു ഇന്ത്യൻ ഹോക്കി താരമാണ് റിച്ചാർഡ് ജെയിംസ് അലൻ (1902 ജൂൺ 4 - 1969). ഇദ്ദേഹം 1928, 1932, 1936 വർഷങ്ങളിൽ നടന്ന വേനൽക്കാല ഒളിംപിക്സുകളിൽ ഇന്ത്യക്കു വേണ്ടി മത്സരിച്ചിട്ടുണ്ട്. 1932-ലെ ലോസ് ആഞ്ചലസ് ഒളിംപിക്സിൽ അമേരിക്കയ്ക്ക് എതിരെ 24-1 സ്കോറിന് ഇന്ത്യൻ ടീം വിജയിച്ചപ്പോൾ റിച്ചാർഡ് അലനായിരുന്നു ഇന്ത്യയുടെ ഗോൾ കീപ്പർ.

റിച്ചാർഡ് അലൻ

Personal information
Full name	റിച്ചാർഡ് ജെയിംസ് അലൻ
Born	(1902-06-04)4 ജൂൺ 1902 നാഗ്പൂർ, ഇന്ത്യ
Died	1969 ബെംഗളൂരു, കർണാടക, ഇന്ത്യ
Height	5 അടി (1.5 മീ)
Playing position	ഗോൾ കീപ്പർ
Medal record Men's field hockey Representing ഇന്ത്യ Olympic Games 1928 Amsterdam Team 1932 Los Angeles Team 1936 Berlin Team

ആദ്യകാല ജീവിതം

നാഗ്പൂരിൽ ജനിച്ച റിച്ചാർഡ് അലൻ മസൂറിയിലുള്ള ഓക്ക് ഗ്രോവ് സ്കൂളിലും നൈനിറ്റാളിലെ സെന്റ് ജോസഫ് കോളേജിലുമാണ് വിദ്യാഭ്യാസം പൂർത്തിയാക്കിയത്.

ഔദ്യോഗിക ജീവിതം

1928-ലെ വേനൽക്കാല ഒളിംപിക്സിൽ ഇന്ത്യൻ ഹോക്കി ടീമിന്റെ ഗോൾ കീപ്പറായിരുന്നു റിച്ചാഡ് അലൻ. ഈ ഒളിംപിക്സിൽ ഒരു ഗോൾ പോലും വഴങ്ങാതെ അദ്ദേഹം ഇന്ത്യൻ ഗോൾവല സംരക്ഷിച്ചു. നാലു വർഷങ്ങൾക്കു ശേഷം അമേരിക്കയ്ക്ക് എതിരെയുള്ള മത്സരത്തിലും റിച്ചാർഡ് തന്നെയായിരുന്നു ടീമിന്റെ ഗോൾ കീപ്പർ. ഈ മത്സരത്തിൽ ഒരു ഗോൾ മാത്രം വഴങ്ങിയ ഇന്ത്യൻ ടീം ആകെ 24 ഗോളുകൾ സ്കോർ ചെയ്തത് അക്കാലത്തെ ഒരു ലോക റെക്കോർഡ് ആയിരുന്നു. റിച്ചാർഡ് അലൻ തന്റെ  ആരാധകർക്കു ഓട്ടോഗ്രാഫ് നൽകുമ്പോഴായിരുന്നു അമേരിക്കൻ ടീം അവരുടെ ആശ്വാസ ഗോൾ നേടിയത്.

1936-ലെ ഒളിംപിക്സിൽ നാലു മത്സരങ്ങളിലും റിച്ചാർഡ് അലൻ ഗോൾ കീപ്പറായിരുന്നു. ഈ മത്സരങ്ങളിൽ ഒരു ഗോൾ മാത്രമാണ് റിച്ചാർഡിനെതിരെ സ്കോർ ചെയ്യപ്പെട്ടത്. മൂന്ന് ഒളിംപിക്സുകളിലായി രണ്ടു ഗോളുകൾ മാത്രം വഴങ്ങിയിട്ടുള്ളതിന്റെ റെക്കോർഡ് ഇന്നും റിച്ചാർഡ് അലന്റെ പേരിലാണുള്ളത്.

പുറം കണ്ണികൾ

• profile