മുഖ്യധാര (ജ്യോതിശാസ്ത്രം)
(Main sequence എന്ന താളിൽ നിന്നും തിരിച്ചുവിട്ടതു പ്രകാരം)
ജ്യോതിശാസ്ത്രത്തിൽ, മുഖ്യധാര എന്നു പറയുന്നത് നക്ഷത്രങ്ങളെ അവയുടെ തിളക്കത്തിനും നിറത്തിനും അനുസരിച്ച് ക്രമപ്പെടുത്തി ഒരു ഗ്രാഫ് തയ്യാറാക്കിയാൽ അതിൽ കാണുന്ന തുടർച്ചയായതും വ്യതിരിക്തവുമായ നക്ഷത്രങ്ങളുടെ ഒരു നാടയാണ്. ഈ ഗ്രാഫിനെ അതു തയ്യാറാക്കിയ എജ്നാർ ഹെർട്സ്പ്രംഗ്, ഹെൻ‌റി നോറിസ് റസ്സൽ എന്നിവരുടെ പേരിൽ ഹെർട്സ്പ്രംഗ്-റസ്സൽ ആരേഖം എന്നറിയപ്പെടുന്നു. ഈ ബാൻഡിലെ മുഖ്യധാരാനക്ഷത്രങ്ങൾ എന്നു വിളിക്കുന്നു. സൂര്യൻ ഉൾപ്പെടെ നാം ആകാശത്തു കാണുന്ന ഭൂരിഭാഗം നക്ഷത്രങ്ങളും ഈ വിഭാഗത്തിൽ പെടുന്നു.
