കൊടകർ
തെക്കൻ കർണാടകത്തിലെ കൊടക് (കൂർഗ്) ജില്ലയിൽ കാണുന്ന ഗോത്രവർഗമാണു കൊടകർ അഥവാ കൊടവർ എന്നും വിളിക്കപ്പെടുന്നു. കൊഡവഭാഷയാണിവർ പ്രധാനമായും ഉപയോഗിക്കുന്നത്. അയോധനകല അറിയുന്ന കർഷക സമൂഹമാണിത്. ലൈസൻസില്ലാതെ തോക്ക് ഉപയോഗിക്കാൻ ഇന്ത്യയിൽ അനുമതിയുള്ള ഏക വിഭാഗം കൊടകർ മാത്രമാണ്.[1][2][3]
| Regions with significant populations | |
|---|---|
| കർണാടക , കേരളം | |
| Languages | |
| കൊടവതക്ക് (മാതൃഭാഷ), കന്നഡ(കുന്ദഗന്നഡ) | |
| Religion | |
 ഹിന്ദുമതം | |
| ബന്ധപ്പെട്ട വംശീയ ഗണങ്ങൾ | |
| അമ്മ കൊടവ |
കൊടവഭാഷയുടേയും സംസ്കാരത്തിന്റേയും പേരായും കൊടഗെന്നുപയോഗിക്കാറുണ്ട്. മടിക്കേരി, വിരാജ്പേട്ട്, സോംവാർപേട്ട് എന്നിങ്ങനെ മൂന്ന് താലൂക്കുകളിലായി കൊടക് ജില്ല പരന്നിരിക്കുന്നു. എ.ഡി. 1398-ൽ വിജയനഗരസാമ്രാജ്യം ദക്ഷിണേന്ത്യ ഭരിച്ചപ്പോൾ കന്നഡ കവിയായ മംഗരാജൻ കൊടകന്മാരെക്കുറിച്ച് എഴുതിയിരുന്നു, വേട്ടയാടൽ അയോധനകലയായി ഇഷ്ടപ്പെടുന്ന ഒരു യോദ്ധാക്കളാണെന്ന് കൊടകരെന്ന് അദ്ദേഹം പറഞ്ഞു.[4] കൊഡകർ ആയിരത്തിലേറെ വർഷങ്ങളായി കൊടകിൽ താമസിച്ചിട്ടുണ്ടെന്ന് ചരിത്രകാരന്മാർ വിശദീകരിക്കുന്നു, അതിനാൽ അവർ ആദ്യകാല കൃഷിക്കാരും ഒരുപക്ഷേ ഈ പ്രദേശത്തെ ഏറ്റവും പഴയ താമസക്കാരും ആണെന്നു വ്യക്തമാവുന്നു.ഇവർക്ക് പുറമെ കൊടഗു ഗൗഡ(അരെഭാഷേഗൗഡ) അമ്മകൊടവ,കൊടഗു ഹെഗ്ഗഡെ, കൊടവ തീയ്യർ,കൂർഗ്ഗ് ബൻടർ തുടങ്ങിയ സമുദായങ്ങളും കൊടവ ഭാഷ സംസാരിച്ചുവരുന്നു ഇവരിൽ പല സമുദായങ്ങളും കൊടവരുടെ സംസ്കാരവും,വസ്ത്രരീതികളും അനുകരിച്ചു വരുന്നു, എന്നിരുന്നാലും കൊടവർ ഇവരിൽ നിന്നൊക്കെയും വ്യത്യസ്തമായ യുദ്ധോൽസുകാരായ ഗോത്ര വിഭാഗമാണ് [5]