കനകക്കുന്ന് കൊട്ടാരം

കനകക്കുന്ന് കൊട്ടാരം തിരുവനന്തപുരത്ത്‌ നേപ്പിയർ മ്യൂസിയത്തിനരുകിലാണ്‌ സ്ഥിതി ചെയ്യുന്നത്. ഇന്ന് ഈ കൊട്ടാരം വിവിധ കലാ സാംസ്‌കാരിക സംഗമങ്ങളുടെ വേദിയാണ്. വിനോദ സഞ്ചാര വകുപ്പ് എല്ലാ വർഷവും (ഒക്ടോബർ - മാർച്ച്) ഓൾ ഇന്ത്യാ ഡാൻസ് ഫെസ്റ്റിവൽ നടത്തുന്നത് ഇവിടെയാണ്. ഈ നൃത്തോത്സവം നടക്കുമ്പോൾ എല്ലാ ദിവസവും ക്ലാസിക്കൽ ഇന്ത്യൻ ഡാൻസ് പരിപാടികൾ അരങ്ങേറാറുണ്ട്.എല്ലാ വർഷവും വിദേശ രാഷ്ട്രങ്ങളിൽ നിന്നും ധാരാളം വിനോദ സഞ്ചാരികൾ കനകക്കുന്ന് കൊട്ടാരം സന്ദർശിക്കാനെത്തുക പതിവാണ്.

കനകക്കുന്ന് കൊട്ടാരം
കൊട്ടാരം
Location	തിരുവനന്തപുരം, കേരളം, ഇന്ത്യ
Coordinates	8°30′38.15″N 76°57′21.7″E
Type	Cultural
State Party	ഇന്ത്യ
കേരളത്തിലെ സ്ഥാനം

ചരിത്രം

മറുവശം

ശ്രീമൂലം തിരുനാൾ നിർമ്മിച്ചതെന്ന് കരുതപ്പെടുന്ന ഈ കൊട്ടാരം ഇപ്പോൾ വിനോദസഞ്ചാര വകുപ്പിന്റെ കീഴിലാണ് സംരക്ഷിക്കപ്പെടുന്നത്. ഇന്ത്യൻ നേഷണൽ ട്രസ്റ്റ് ഫോർ ആർട്ട് ആന്റ് കൾച്ചറൽ ഹെരിറ്റേജ് (INTACH) ഈ കൊട്ടാരത്തെ ഒരു ഹെരിറ്റേജ് മോണ്യുമെന്റ് ആയി പ്രഖ്യാപിച്ചിട്ടുണ്ട്.

വിശദാംശങ്ങൾ

തിരുവനന്തപുരം നഗരത്തിന്റെ ഹൃദയഭാഗത്തുള്ള നേപ്പിയർ മ്യൂസിയത്തിൽ നിന്നും ഏകദേശം 800 മീറ്റർ വടക്കു കിഴക്കു ഭാഗത്തായാണ് കനകക്കുന്ന് കൊട്ടാരം സ്ഥിതി ചെയ്യുന്നത്. കോളനി വാഴ്ചക്കാലത്ത് നിർമ്മിക്കപ്പെട്ട ചരിത്രപ്രാധാന്യമുള്ള നിർമ്മിതികളിൽ അവശേഷിക്കുന്ന കണ്ണികളിലൊന്നാണ് ഈ കൊട്ടാരം. തിരുവിതാംകൂർ മഹാരാജാവ് ശ്രീമൂലം തിരുനാളിന്റെ (1885 - 1924) ഭരണകാലത്ത് നിർമ്മിക്കപ്പെട്ട ഈ കൊട്ടാരം പിന്നീട് പുതുക്കിപ്പണിയുകയും, കൊട്ടാരം അങ്കണത്തിൽ ടെന്നിസ് കോർട്ട് നിർമ്മിക്കുകയും ചെയ്തു.

ഇപ്പോൾ കേരള സർക്കാരിന്റെ നിയന്ത്രണത്തിലുള്ള കനകക്കുന്ന് കൊട്ടാരത്തിന്റെ വളപ്പിലാണ് നിശാഗന്ധി ഓപ്പൺ എയർ ഓഡിറ്റോറിയവും, സൂര്യകാന്തി ഓഡിറ്റോറിയവും ഉള്ളത്. തിരുവനന്തപുരം നഗരത്തിലെ കലാ സാംസ്‌കാരിക പരിപാടികൾക്ക് പലപ്പോഴും വേദിയൊരുക്കുന്നത് ഈ ഓഡിറ്റോറിയങ്ങളാണ്. വർഷം തോറും ടൂറിസം വകുപ്പിന്റെ ആഭിമുഖ്യത്തിൽ നിശാഗന്ധി ഫെസ്റ്റിവൽ എന്നു കൂടി അറിയപ്പെടുന്ന പ്രശസ്തമായ ഓൾ ഇന്ത്യാ ഡാൻസ് ഫെസ്റ്റിവൽ അരങ്ങേറുന്നതും ഇവിടെത്തന്നെ.2012-ലെ നിശാഗന്ധി ഫെസ്റ്റിവൽ ജനുവരി 20 മുതൽ 26 വരെയുള്ള തിയതികളിൽ നടന്നു.

ചിത്രശാല

• 
  കനകക്കുന്ന് കൊട്ടാരം