ഇസ്രായേൽ ജനത

House of Israel എന്ന് ബൈബിളിൽ പരാമർശിക്കപ്പെടുന്ന ഈ ജനത, അബ്രഹാമിന്റെ മകനായ ഇസ്ഹാഖിന്റെ(ഐസക്ക്) വംശാവലിയിൽ പ്പെടുന്നവരായി കരുതി വരുന്നു. ഖുർആനിൽ യഹൂദമത വിശ്വാസികളെ പൊതുവെ പരാമർശിക്കാൻ ഉപയോഗിക്കുന്ന പ്രയോഗം ബനീ ഇസ്രാഈൽ എന്നാണ് (ഇസ്രാഈൽ സന്തതികൾ). ഇസ്ഹാഖിന്റെ മകനായ യാഖൂബിന്റെ (ജേക്കബ്|യാക്കോബ്) മറ്റൊരു പേരാണ് ഇസ്രാഈൽ. ബൈബിൾ പ്രകാരം, യാക്കോബ് ഒരു ദൈവദൂതനുമായി (മാലാഖ) മല്പിടിത്തതിൽ ഏർപ്പെട്ടു വിജയം വരിച്ച് അനുഗ്രഹം നേടിയതിനാൽ "ദൈവത്തെ അതിജയിച്ചവൻ" എന്ന അർത്ഥം വരുന്ന ഇസ്രാഈൽ എന്നു വിളിക്കപ്പെട്ടു.
യാക്കോബിന്റെ പന്ത്രണ്ട് മക്കളാണ് ഇസ്രാഈൽ ഗോത്രത്തിനു ജന്മം നൽകിയത് എന്നു തോറയും പരാമർശിക്കുന്നു.