ചരിത്രാഖ്യായിക

ചരിത്രസംഭവങ്ങളേയും കൽപ്പിതകഥയേയും കൂട്ടിയിണക്കി എഴുതുന്ന കഥകളാണ് ചരിത്രാഖ്യായികകൾ. ഇവയിൽ ചരിത്രത്തിലെ ഒരു പ്രത്യേകകാലഘട്ടത്തിൽ കഥ നടക്കുന്നതായും, ചരിത്രപുരുഷന്മാരെ കഥാപാത്രങ്ങളായി അവതരിപ്പിക്കുന്നതായുംകാണാം. എന്നാണ് ബ്രിട്ടാണിക്ക വിജ്ഞാനകോശം ചരിത്രാഖ്യായികയെ നിർവചിച്ചിരിക്കുന്നത്. പല നൂറ്റാണ്ടുകളിൽ പല ഭാഷകളിലായി ധാരാളം ചരിത്രാഖ്യായികകൾ രചിക്കപ്പെട്ടിട്ടുണ്ട്. ചില ചരിത്രാഖ്യായികകൾ കാല്പനിക ദേശീയതയെ പ്രോത്സാഹിപ്പിക്കുകയുണ്ടായിട്ടുണ്ട്. പല ചരിത്രാഖ്യായികളും ചരിത്രരചനയെ ഗുണപരമായി സ്വാധീനിച്ചിട്ടുണ്ടെങ്കിലും; ചരിത്ര കഥാപാത്രങ്ങളെയും അവയുടെ പശ്ചാത്തലത്തെയും കെട്ടിച്ചമച്ച ചരിത്രവും(Invented History), ഭാവനയും(Fantasy) സംയോജിപ്പിച്ച് അവതരിപ്പിക്കുന്ന ചരിത്രാഖ്യായികകളുടെ ചരിത്രപരമായ കൃത്യത(Historical accuracy) ചോദ്യം ചെയ്യപ്പെടാറുണ്ട്.

സി.വി. രാമൻപിള്ളയുടെ, മാർത്താണ്ഡവർമ്മ, ധർമ്മരാജാ തുടങ്ങിയ നോവലുകൾ മലയാളത്തിലെ ചരിത്രാഖ്യായികകൾക്കുദാഹരണമാണ്.