ജോർജ് യൂൾ
ഒരു സ്കോട്ടിഷ് വ്യാപാരിയും ഇന്ത്യൻ നാഷണൽ കോൺഗ്രസിന്റെ നാലാമത്തെ പ്രസിഡന്റുമായിരുന്നു ജോർജ് യൂൾ (1829 സ്റ്റോൺഹേവൻ – 1892). 1888-ലെ അലഹബാദ് സമ്മേളനത്തിൽ വച്ച് കോൺഗ്രസിന്റെ പ്രസിഡന്റായി തിരഞ്ഞെടുക്കപ്പെട്ടു. കോൺഗ്രസിന്റെ പ്രസിഡന്റാകുന്ന ഇന്ത്യക്കാരനല്ലാത്ത ആദ്യത്തെ വ്യക്തിയാണ് ജോർജ് യൂൾ. [1] ലണ്ടനിലെ ജോർജ് യൂൾ ആന്റ് കമ്പനിയുടെ സ്ഥാപകനായിരുന്നു. കൂടാതെ കൽക്കട്ടയിലെ ആൻഡ്രൂ യൂൾ കമ്പനിയുടെ തലവനുമായിരുന്നു. കൽക്കട്ടയുടെ ഷെറിഫ് ആയും, ഇന്ത്യൻ ചേംബർ ഓഫ് കൊമേഴ്സിന്റെ പ്രസിഡന്റായും പ്രവർത്തിച്ചിട്ടുണ്ട്.
ജോർജ് യൂൾ | |
|---|---|
 ജോർജ് യൂൾ | |
| ജനനം | 1829 |
| മരണം | 1892 |
| തൊഴിൽ | വ്യാപാരി, ഇന്ത്യൻ നാഷണൽ കോൺഗ്രസിന്റെ പ്രസിഡന്റ് |
ഭരണാധികാരിയായിരുന്ന സമയത്ത് ഏകദേശം 400-ലധികം കടുവകളെ കൊന്നിട്ടുണ്ട്.
ഇംഗ്ലണ്ടിലെയും ഇന്ത്യയിലെയും വ്യാപാരം
തിരുത്തുക1855-ഓടെ ജോർജ് യൂളും സഹോദരൻ ആൻഡ്രൂ യൂളും മാഞ്ചസ്റ്ററിലേക്ക് താമസം മാറി. 1858-ൽ ഇവിടെ ഒരു വെയർഹൗസ് സംരംഭം ആരംഭിച്ചു. ഇതിനെത്തുടർന്ന് ജോർജ് യൂൾ ഇംഗ്ലണ്ടിൽ തന്നെ താമസിക്കുകയും സഹോദരൻ ആൻഡ്രൂ യൂൾ, വ്യാപാരസംബന്ധിയായ ആവശ്യങ്ങൾക്കായി ഇന്ത്യയിലേക്ക് പോവുകയും ചെയ്തു. 1875-ൽ ജോർജ് യൂളും, ജ്യേഷ്ഠന്റെ മകനായ ഡേവിഡ് യൂളും ആൻഡ്രൂവിനോടൊപ്പം പ്രവർത്തിക്കുന്നതിനായി ഇന്ത്യയിലേക്ക് താമസം മാറ്റി. ഇന്ത്യയിൽ വന്നതിനുശേഷം ആൻഡ്രൂ യൂളിന്റെ വിവിധ കമ്പനികളുടെ പ്രിൻസിപ്പൽ ഡയറക്ടറായി പ്രവർത്തിച്ചു.
സ്റ്റോൺഹേവനിലെ ഡണ്ണോറ്റർ കിർക്‌യാർഡിലാണ് ജോർജ് യൂളിനെ അടക്കം ചെയ്തിരിക്കുന്നത്.
ഇന്ത്യൻ നാഷണൽ കോൺഗ്രസ്
തിരുത്തുക1875-ൽ ഇന്ത്യയിൽ എത്തിയതിനുശേഷം ഇന്ത്യൻ സ്വാതന്ത്ര്യസമര പ്രസ്ഥാനങ്ങളിലും പങ്കെടുത്തിരുന്നു. തുടർന്ന് 1888-ൽ ഉത്തർപ്രദേശിലെ അലഹബാദിൽ വച്ചു നടന്ന ഇന്ത്യൻ നാഷണൽ കോൺഗ്രസിന്റെ സമ്മേളനത്തിൽ പ്രസിഡന്റായി തിരഞ്ഞെടുക്കപ്പെട്ടു. കോൺഗ്രസിന്റെ പ്രസിഡന്റായി തിരഞ്ഞെടുക്കപ്പെട്ട ഇന്ത്യക്കാരനല്ലാത്ത ആദ്യത്തെ വ്യക്തിയായിരുന്നു ജോർജ് യൂൾ.
അവലംബം
തിരുത്തുക- ↑ Catherine Hall; Sonya O. Rose (2006). At Home with the Empire: Metropolitan Culture and the Imperial World. Cambridge University Press. p. 281. ISBN 978-1-139-46009-5.
അധിക വായനയ്ക്ക്
തിരുത്തുക- "Past Presidents of Indian National Congress". Indian National Congress. Archived from the original on 15 January 2002. Retrieved 28 November 2012.