പ്രഥമവിവരറിപ്പോർട്ട്

(First Information Report എന്ന താളിൽ നിന്നും തിരിച്ചുവിട്ടതു പ്രകാരം)

ഇന്ത്യ, ബംഗ്ലാദേശ്, പാകിസ്താൻ തുടങ്ങിയ രാജ്യങ്ങളിലെ പോലീസിനു നേരിട്ട് ഏറ്റെടുക്കാവുന്ന ഏതെങ്കിലും കുറ്റകൃത്യത്തെക്കുറിച്ച് വിവരം ലഭ്യമായാൽ പോലീസ് സ്റ്റേഷനിൽനിന്നും ഉത്തരവാദപ്പെടുത്തിയ ഒരു പോലീസ് ഉദ്യോഗസ്ഥൻ (പോലീസ് സ്റ്റേഷന്റെ ചുമതലയുള്ള ഉദ്യോഗസ്ഥൻ) രാജ്യത്തെ ക്രിമിനൽ നടപടി നിയമം അനുസരിച്ച് എഴുതി തയ്യാറാക്കുന്ന രേഖയാണ് പ്രഥമവിവരറിപ്പോർട്ട് അഥവാ F.I.R. (First Information Report).

ഇന്ത്യയിൽ 1973-ലെ ക്രിമിനൽ നടപടി നിയമം (Criminal Procedure Code 1973 (CrPC)) 154-ആം വകുപ്പിനു് അനുസൃതമായാണു് പോലീസിന്റെ പ്രഥമവിവരറിപ്പോർട്ട് (FIR) തയ്യാറാക്കുന്നതു്. ഒരു കുറ്റകൃത്യത്തിനു് ഇരയായ വ്യക്തിയോ അവരുടെ പ്രതിനിധിയോ ആ കൃത്യവുമായോ ഇരയുമായോ ഏതെങ്കിലും തരത്തിൽ ബന്ധപ്പെട്ടവരോ എഴുത്തിലൂടെയോ വാക്കാലോ പോലീസിനു നൽകുന്ന പരാതികളാണു് ഇത്തരം പ്രഥമവിവരറിപ്പോർട്ടുകൾ തയ്യാറാക്കുന്നതിനു് അടിസ്ഥാനം.

ഒരു കുറ്റ കൃത്യത്തെപറ്റി വിവരം ലഭിച്ചാൽ, പോലീസ് ഓഫീസർ എഴുതി തയ്യാറാക്കുന്ന (ലിഖിതമായ) പ്രമാണം ആണ് പ്രഥമ വിവര റിപ്പോർട്ട് (FIR). പോലീസ് സ്റ്റേഷനിൽ നേരിട്ടോ അല്ലാതെയോ എഴുതിയതോ പറഞ്ഞതോ ആയ പരാതി, ഒരു എഫ്.ഐ.ആർ ആയി മാറാം. എഫ്.ഐ.ആർ (FIR) തയ്യാറാക്കിയതിനു ശേഷം മാത്രമേ ഒരു കുറ്റകൃത്യം അന്വേഷിക്കു. ഒരു കുറ്റകൃത്യത്തിന്റെ അന്വേഷണം ആരംഭിക്കുന്നത് FIR മുതൽ ആണ്. പോലീസ് സ്റ്റേഷന്റെ ചുമതലയുള്ള ഉദ്യോഗസ്ഥൻ ഇല്ലാത്തപക്ഷം സീനിയർ സിവിൽ പോലീസ് ഓഫീസർ റാങ്കിൽ കുറയാത്ത ഒരു മുതിർന്ന പോലീസ് ഉദ്യോഗസ്ഥന് എഫ്.ഐ.ആർ. രജിസ്റ്റർ ചെയ്യാം.

സീറോ എഫ്.ഐ.ആർ. തിരുത്തുക

മറ്റൊരു പോലീസ് സ്റ്റേഷന്റെ അധികാരപരിധിയിൽ നടന്നതായി ആരോപിക്കപ്പെടുന്ന കുറ്റകൃത്യത്തെക്കുറിച്ച് ഒരു പോലീസ് സ്റ്റേഷനിൽ പരാതി ലഭിക്കുമ്പോൾ, അത് ഒരു എഫ്ഐആർ രജിസ്റ്റർ ചെയ്യുകയും തുടർന്നുള്ള അന്വേഷണത്തിനായി ബന്ധപ്പെട്ട പോലീസ് സ്റ്റേഷനിലേക്ക് മാറ്റുകയും ചെയ്യുന്നു.

ഇതിനെ സീറോ എഫ്‌ഐആർ എന്ന് വിളിക്കുന്നു. സാധാരണ എഫ്ഐആർ നമ്പർ നൽകില്ല. സീറോ എഫ്‌ഐആർ ലഭിച്ചതിന് ശേഷം, അതാത് അധികാര പരിധിയിലുള്ള പോലീസ് സ്റ്റേഷൻ പുതിയ എഫ്‌ഐആർ രജിസ്റ്റർ ചെയ്യുകയും അന്വേഷണം ആരംഭിക്കുകയും ചെയ്യുന്നു. ഇതു പ്രകാരം ഇന്ത്യയിലെ ഏതു പോലീസ് സ്റ്റേഷനുകളിലും ഒരു കോഗ്നിസബിൾ കുറ്റത്തെ കുറിച്ച് വിവരം ലഭിച്ചാൽ പ്രഥമ വിവര റിപ്പോർട്ട്‌ (എഫ്.ഐ.ആർ.) രജിസ്റ്റർ ചെയ്യാൻ സാധിക്കും.

കോഗ്നീസബിൾ കുറ്റങ്ങളും നോൺ-കോഗ്നീസബിൾ കുറ്റങ്ങളും തിരുത്തുക

കോഗ്നിസബിൾ കുറ്റങ്ങൾ (Cognizable Offences) തിരുത്തുക

പോലീസിന് നേരിട്ട് ഏറ്റെടുക്കാവുന്ന ക്രിമിനൽ കുറ്റങ്ങൾ എന്നാണ് ഇവിടെ ഉദ്ദേശിക്കുന്നത്. വാറണ്ട് ആവശ്യമില്ലാതെത്തന്നെ അറസ്റ്റ് ചെയ്യപ്പെടാവുന്നതും കോടതിയുടെ നിർദ്ദേശമില്ലാതെത്തന്നെ വ്യക്തമായി പോലീസിന്റെ അന്വേഷണപരിധിയിൽ വരാവുന്നതുമായ കുറ്റങ്ങളാണ് ഇത്. ഇങ്ങനെയുള്ള പ്രവൃത്തികളെ കോഗ്നീസബിൾ കുറ്റങ്ങൾ (cognizable) എന്നു പറയുന്നു. അങ്ങനെയല്ലാത്ത കുറ്റങ്ങളിൽ (നോൺ-കോഗ്നീസബിൾ) കോടതിയുടെ പ്രത്യേക ഉത്തരവില്ലാതെ അന്വേഷണം തുടങ്ങിവെക്കാനോ വാറണ്ട് ഇല്ലാതെ സംശയിക്കപ്പെടുന്നവരെ അറസ്റ്റ് ചെയ്യാനോ പോലീസ് ഉദ്യോഗസ്ഥർക്കു് അധികാരമില്ല. ഇന്ത്യയിലെ നിയമങ്ങളനുസരിച്ച് സാധാരണ ഗതിയിൽ കൊലപാതകം, ബലാൽസംഗം, മോഷണം, കവർച്ച എന്നിവയടക്കം, മൂന്നുവർഷമെങ്കിലും തടവുശിക്ഷ ലഭിക്കാവുന്നത്ര ഗുരുതരമായ കുറ്റങ്ങളെല്ലാം കോഗ്നീസബിൾ ആയി പരിഗണിക്കുന്നു. ഇവയിൽ പ്രഥമവിവരറിപ്പോർട്ടുകൾ ആധാരമാക്കിയാണു് അന്വേഷണവും മേൽനടപടികളും തുടങ്ങിവെക്കുന്നതു്. പ്രഥമവിവരറിപ്പോർട്ട് തയ്യാറാക്കിയതിന് ശേഷം മാത്രമാണു് രേഖാമൂലം കേസന്വേഷണം, അന്വേഷണം പൂർത്തിയാക്കി പ്രതിയുടെ പേരിൽ ബഹു. കോടതിയിൽ കുറ്റപത്രം സമർപ്പിക്കൽ തുടങ്ങിയ കാര്യങ്ങൾ ചെയ്യുന്നത്.

  • കൊലപാതകം
  • ബലാത്സംഗം
  • മോഷണം
  • കവർച
  • സ്ത്രീധന മരണങ്ങൾ
  • തട്ടിക്കൊണ്ടുപോകൽ
  • പ്രകൃതിവിരുദ്ധ കുറ്റങ്ങൾ
  • കള്ളപ്പണം
  • ഒരു യുദ്ധം നടത്താൻ ശ്രമിക്കൽ
  • കലാപം ഉണ്ടാക്കൽ/നടത്തൽ
  • രാജ്യദ്രോഹം
  • കവർച്ച അല്ലെങ്കിൽ കൊള്ള, മരണം അല്ലെങ്കിൽ ഗുരുതരമായ പരിക്കേൽപ്പിക്കുന്നതിനുള്ള ശ്രമം.
  • വ്യത്യസ്‌ത വിഭാഗങ്ങൾക്കിടയിൽ ശത്രുതയോ വിദ്വേഷമോ ദുഷ്പ്രവണതയോ സൃഷ്‌ടിക്കാനുള്ള ഉദ്ദേശ്യത്തോടെ പ്രചരിപ്പിച്ച തെറ്റായ പ്രസ്താവനകൾ, കിംവദന്തികൾ മുതലായവ

നോൺ-കോഗ്നിസബിൾ കുറ്റങ്ങൾ തിരുത്തുക

കോഗ്നിസബിൾ കുറ്റങ്ങൾ അല്ലാത്ത കുറ്റങ്ങളിൽ (നോൺ-കോഗ്നീസബിൾ or non cognizable Offences) കോടതിയുടെ പ്രത്യേക ഉത്തരവില്ലാതെ അന്വേഷണം തുടങ്ങിവെക്കാനോ വാറണ്ട് ഇല്ലാതെ സംശയിക്കപ്പെടുന്നവരെ അറസ്റ്റ് ചെയ്യാനോ പോലീസ് ഉദ്യോഗസ്ഥർക്ക് അധികാരമില്ല. ബന്ധപ്പെട്ട ജുഡീഷ്യൽ മജിസ്ട്രേറ്റ് കോടതിയുടെ അനുമതിയോടുകൂടി മാത്രമേ പോലീസിന് ഇത്തരം കേസുകൾ അന്വേഷിക്കാൻ അധികാരമൊള്ളൂ. മലയാളത്തിൽ തിരിച്ചറിയാൻ പറ്റാത്ത കുറ്റങ്ങൾ എന്നാണ് ഇതിനെ അർത്ഥമാക്കുന്നത്.

  • പൊതു ശല്യം
  • ഉപദ്രവം
  • വഞ്ചന
  • അപകീർത്തിപ്പെടുത്തൽ
  • ചെറിയ ഗതാഗത നിയമ ലംഘനങ്ങൾ
  • പിടിച്ചുപറി
  • രേഖകളുടെ കൃത്രിമം



ചെറിയ ട്രാഫിക് നിയമ ലംഘനങ്ങൾ

നോ-പാർക്കിംഗ് സോണിൽ പാർക്കിംഗ്, സാധുവായ ലൈസൻസില്ലാതെ വാഹനമോടിക്കുക, ചുവന്ന ലൈറ്റ് ചാടുക തുടങ്ങിയ ട്രാഫിക് നിയമലംഘനങ്ങൾ തിരിച്ചറിയാൻ പറ്റാത്ത കുറ്റങ്ങളാണ്.

ചെക്ക് ബൗൺസ്:

മതിയായ പണമില്ലാത്തതിനാൽ ചെക്ക് റിട്ടേൺ ആയാൽ, തിരിച്ചറിയാൻ കഴിയാത്ത കുറ്റമാണ്.

ലളിതമായ ആക്രമണം:

ഗുരുതരമായ പരിക്കേൽപ്പിക്കാത്ത ആക്രമണം തിരിച്ചറിയാൻ കഴിയാത്ത കുറ്റമാണ്.

അപകീർത്തിപ്പെടുത്തൽ: :അപകീർത്തിപ്പെടുത്തൽ, സിവിൽ, ക്രിമിനൽ എന്നിവ തിരിച്ചറിയാൻ കഴിയാത്ത കുറ്റമാണ്.

വ്യാജരേഖ ചമയ്ക്കൽ:

വലിയ തുക അടക്കാത്ത ഒരു രേഖ വ്യാജമാക്കുന്നത് തിരിച്ചറിയാൻ പറ്റാത്ത കുറ്റമാണ്.

ശല്യം:

സ്വത്ത് നശിപ്പിക്കുകയോ ശല്യപ്പെടുത്തുകയോ ചെയ്യുന്നത് പോലുള്ള കുറ്റങ്ങൾ തിരിച്ചറിയാൻ കഴിയാത്ത കുറ്റമാണ്.

ചെറിയ മോഷണം:

ഒരു ലക്ഷത്തിന് താഴെ വിലയുള്ള വസ്തുക്കളുടെ മോഷണം.

ജാമ്യം ലഭിക്കുന്നതും ലഭിക്കാത്തതുമായ കുറ്റങ്ങൾ തിരുത്തുക

ജാമ്യം ലഭിക്കുന്ന കുറ്റങ്ങൾ (Bailable offences) തിരുത്തുക

അത്ര ഗൗരവതരമല്ലാത്ത കുറ്റകൃത്യങ്ങളാണ് ജാമ്യം ലഭിക്കാവുന്ന കുറ്റങ്ങൾ. അത്തരം കേസുകളിൽ ജാമ്യം ഒരു അവകാശമാണ്, അറസ്റ്റ് ചെയ്ത വ്യക്തിയെ ജാമ്യം പോലീസിൽ കെട്ടിവച്ച ശേഷം വിട്ടയക്കണം. ഇത്തരം കേസുകളിൽ ജാമ്യം അനുവദിക്കാൻ പോലീസിന് അധികാരമുണ്ട്.

  • നിയമവിരുദ്ധമായ ഒത്തുചേരൽ or സമ്മേളനം
  • ട്രാഫിക് നിയലംഘനങ്ങൾ, etc.

ജാമ്യം ലഭിക്കാത്ത കുറ്റങ്ങൾ (Non Bailable offences) തിരുത്തുക

ജാമ്യമില്ലാ കുറ്റം ഇന്ത്യയിൽ ഒരു കുറ്റമാണ്, അതിന് ജാമ്യം ഒരു അവകാശമായി നൽകാനാവില്ല. ഈ ഗുരുതരമായ കുറ്റകൃത്യങ്ങൾക്ക് മൂന്ന് വർഷത്തിൽ കൂടുതൽ തടവ് ശിക്ഷ ലഭിക്കും. ബലാത്സംഗം, കൊലപാതകം, മനുഷ്യക്കടത്ത്, തട്ടിക്കൊണ്ടുപോകൽ, കള്ളപ്പണം, തീവ്രവാദം തുടങ്ങിയവയാണ് ജാമ്യമില്ലാ കുറ്റങ്ങളുടെ ഉദാഹരണങ്ങൾ. എന്നിരുന്നാലും ഹൈക്കോടതി, സുപ്രീം കോടതി എന്നീ കോടതികൾക്ക് ജാമ്യം നൽകാനുള്ള പ്രത്യേക അധികാരം ഉണ്ട്.

  • ബലാത്സംഗം
  • കൊലപാതകം
  • തീവ്രവാദം
  • തട്ടിക്കൊണ്ടുപോകൽ
  • കലാപ ആഹ്വാനം
  • കള്ളപണം, etc

ഘടന തിരുത്തുക

പ്രഥമവിവരറിപ്പോർട്ടിന് മുഖ്യമായും പ്രഥമവിവരം (First Information Statement - FIS), പ്രഥമ വിവര റിപ്പോർട്ട് (First Information Report - FIR) എന്നിങ്ങനെ രണ്ട് ഭാഗങ്ങളുണ്ട്: പ്രഥമവിവരം തയ്യാറാക്കിയതിന് ശേഷമാണ് പ്രഥമവിവരറിപ്പോർട്ട് തയ്യാറാക്കുന്നത്.

പേര് സൂചിപ്പിക്കുന്നത് പോലെ തന്നെ ഒരു കുറ്റകൃത്യത്തെ കുറിച്ച് ഒരു പോലീസ് സ്റ്റേഷനിൽ ആദ്യം കിട്ടുന്ന വിവരമാണ് പ്രഥമ വിവര റിപ്പോർട്ട്. കേരളത്തിൽ കേരള പോലീസ് മാനുവൽ അഥവാ പോലീസ് സ്റ്റാൻ്റിംഗ് ഓർഡർ പ്രകാരം KPF 25 25-ാം നമ്പർ ഫോമിലാണ് പ്രഥമ വിവര റിപ്പോർട്ട് തയ്യാറാക്കുന്നത്. അസ്സലും പകർപ്പുകളുമായി അഞ്ചെണ്ണം കിട്ടത്തക്കവ വിധത്തിൽ തയ്യാറാക്കുന്ന റിപ്പോർട്ടിന്റെ അസ്സൽ (Original ) ബന്ധപ്പെട്ട കോടതിയ്ക്കും പകർപ്പുകൾ പോലീസ് ഇൻസ്പെക്ടർ, ജില്ലയിലെ കുറ്റകൃത്യരേഖകളുടെ ശേഖരം (District Crime Records Bureau - DCRB) എന്നിവിടങ്ങളിലേക്കും അയക്കുന്നു. ഒരു പകർപ്പ് പോലീസ് സ്റ്റേഷനിൽ സൂക്ഷിക്കുന്നു. പ്രഥമ വിവര റിപ്പോർട്ടിന്റെ ഒരു പകർപ്പ് പരാതിക്കാർക്ക് അവകാശപ്പെട്ടതാണ്. കേരളത്തിൽ പോലീസ് പ്രഥമവിവരറിപ്പോർട്ടുകൾ തയ്യാറാക്കുന്നത് ഓൺലൈൻ സംവിധാനത്തിലാണ്. കേരള പോലീസിന്റെ ഔദ്യോഗിക വെബ് സൈറ്റിൽ നിന്നും പൊതുജനങ്ങൾക്ക് പ്രഥമ വിവര റിപ്പോർട്ട് ലഭിക്കുന്നതാണ്.

"https://ml.wikipedia.org/w/index.php?title=പ്രഥമവിവരറിപ്പോർട്ട്&oldid=3959927" എന്ന താളിൽനിന്ന് ശേഖരിച്ചത്