ഫാനി എൽസ്ലർ
റൊമാന്റിക് കാലഘട്ടത്തിലെ ഓസ്ട്രിയൻ ബാലെ നർത്തകിയായിരുന്നു ഫാനി എൽസ്ലർ (ജനനം ഫ്രാൻസിസ്ക എൽബ്ലെർ; 23 ജൂൺ 1810 - 27 നവംബർ 1884).
ജീവിതവും കരിയറും
തിരുത്തുകവിയന്നയുടെ അയൽ‌പ്രദേശമായ ഗം‌പെൻഡോർഫിലാണ് അവർ ജനിച്ചത്. അവരുടെ പിതാവ് ജോഹാൻ ഫ്ലോറിയൻ എൽസ്ലർ, നിക്കോളാസ് I, പ്രിൻസ് എസ്റ്റെർഹസി ഒന്നാമന്റെ രണ്ടാം തലമുറയിലെ ജോലിക്കാരനായിരുന്നു. പ്രിൻസ് ജോഹാനും സഹോദരൻ ജോസെഫും പ്രിൻസ് കപൽ‌മീസ്റ്റർ ജോസഫ് ഹെയ്ഡന്റെ പകർപ്പെഴുത്തുകാരായി ജോലി ചെയ്തിരുന്നു. ജോഹാൻ ഒടുവിൽ ഹെയ്ഡന് ഭൃത്യൻ ആയി മാറുകയായിരുന്നു. ഹെയ്ഡനോടൊപ്പം ആദ്യംമുതൽ പങ്കെടുക്കുകയും ഒടുവിൽ ഹെയ്ഡിന്റെ മരണംവരെ കൂടെയുണ്ടായിരുന്നു.
അവരുടെ ആദ്യകാലം മുതൽ തന്നെ ബാലെക്കായി പരിശീലനം നേടി. ഏഴുവയസ്സിനുമുമ്പ് വിയന്നയിലെ കോർട്ട്നെർതോർ തിയേറ്ററിൽ അവതരിപ്പിക്കപ്പെട്ടു. 2 വയസ്സ് കൂടുതൽ പ്രായമുള്ള അവരുടെ സഹോദരി തെരേസെയോടൊപ്പം അവർ നൃത്തം ചെയ്തു. ഫാനിക്ക് 9 വയസ്സുള്ളപ്പോൾ മുതൽ സഹോദരിമാർ ജീൻ-പിയറി ഓമർ, ഫ്രീഡ്രിക്ക് ഹോർഷെൽറ്റ് എന്നിവരോടൊപ്പം നൃത്തം അഭ്യസിച്ചു. പിന്നീട് ഗെയ്‌റ്റാനോ ജിയോജയ്‌ക്കൊപ്പം പഠിക്കാൻ നേപ്പിൾസിലേക്ക് യാത്രചെയ്തിരുന്നു.[2] വിയന്നയിൽ ഏതാനും വർഷത്തെ പരിശീലനത്തിനുശേഷം, സഹോദരിമാർ 1827-ൽ നേപ്പിൾസിലേക്ക് പോയി. അവിടെ ആയിരിക്കുമ്പോൾ, ഫാനിക്ക് റ്റു സിസിലിസിലെ ഫെർഡിനാന്റ് ഒന്നാമൻ രാജാവിന്റെ മകൻ സാലെർനോ രാജകുമാരനായ ലിയോപോൾഡുമായി ഒരു പ്രണയബന്ധം ഉണ്ടായിരുന്നു, അതിന്റെ ഫലമായി ഫ്രാൻസ് എന്ന ഒരു മകൻ ജനിച്ചു.
നേപ്പിൾസിലെ അവരുടെ വിജയം, 1830-ൽ സഹോദരിയേക്കാൾ കൂടുതൽ സംഭാവന നൽകിയ ഫാനിക്ക് ബെർലിനിൽ ഒരു കരാറിലേക്ക് നയിച്ചു. ഫാനിയുടെ വ്യക്തിപരമായ സൗന്ദര്യത്തിനും നൃത്തത്തിലെ നൈപുണ്യത്തിനും വേണ്ടിയുള്ള വിജയങ്ങളുടെ ഒരു പരമ്പരയുടെ തുടക്കമായിരുന്നത്. ബെർലിനിലെയും വിയന്നയിലെയും എല്ലാ ഹൃദയങ്ങളെയും ആകർഷിച്ചതിനുശേഷം, വയോധികനായ രാഷ്ട്രതന്ത്രജ്ഞനായ ഫ്രീഡ്രിക്ക് വോൺ ജെന്റ്സ് ശ്രദ്ധേയമായ രീതിയിൽ പ്രോത്സാഹിപ്പിക്കുകയും ചെയ്തു. ലണ്ടൻ സന്ദർശിച്ചപ്പോൾ അവിടെ മിസ്റ്റർ ആന്റ് മിസ്സിസ് ഗ്രോട്ടെ എന്നിവരുടെ പക്കൽ നിന്ന് അവൾക്ക് വളരെയധികം ദയ ലഭിച്ചു. ഇംഗ്ലണ്ടിലെത്തി മൂന്നുമാസത്തിനുശേഷം ജനിച്ച കൊച്ചു പെൺകുട്ടിയെ അവർ പ്രായോഗികമായി ദത്തെടുത്തു.[2]
1834 സെപ്റ്റംബറിൽ എൽസ്ലർ ബാലെ ഡു റ്റെട്രെ ഡി എൽ അക്കാഡമി റോയൽ ഡി മ്യൂസിക് (ഇന്ന് പാരീസ് ഓപ്പറ ബാലെ എന്നറിയപ്പെടുന്നു) ബാലെ ട്രൂപ്പിലെത്തി. ആ വേദിയിൽ മാരി ടാഗ്ലിയോണിയുടെ മേധാവിത്വത്തിൽ അവൾ വളരെയധികം ആശങ്കയോടെ കഴിഞ്ഞിരുന്ന ഒരു ഘട്ടം ആയിരുന്നത്. [2] എന്നിരുന്നാലും, എൽസ്ലറും ടാഗ്ലിയോണിയും തികച്ചും വ്യത്യസ്തരായ നർത്തകരായിരുന്നു. ഒപെറയുടെ മാനേജ്മെന്റ് എൽസ്ലറെ നിയമിച്ചത് ചില വിവാദങ്ങൾക്ക് പ്രേരണ നൽകുന്നതായി കണ്ടു. അവരുടെ കുതിച്ചുചാട്ടത്തിന്റെ ലഘുത്വത്താൽ പ്രതിനിധീകരിച്ചുകൊണ്ട് ടാഗ്ലിയോണി ഒരു ഡാൻസിയർ ബലോൺ എന്നാണ് അറിയപ്പെട്ടിരുന്നത്. മറുവശത്ത്, എൽസ്ലർ അവളുടെ നൃത്തത്തെ കുറച്ചു വേഗത്തിലുള്ളതുമായ ചുവടുകൾ കൃത്യതയോടെ അവതരിപ്പിച്ചു. എൽസ്ലറുടെ നൃത്തം ഡാൻസ് ടാക്കെറ്റി എന്നാണ് അറിയപ്പെട്ടിരുന്നത്. danse tacquetéeഎന്നിരുന്നാലും, അവളുടെ നൃത്തത്തിന്റെ ഫലങ്ങൾ എൽസ്ലറുടെ വിജയവും ടാഗ്ലിയോണിയുടെ വിജയത്തിന് താൽക്കാലികമായി മങ്ങലേറ്റു. രണ്ടുപേരും മികച്ച കലാകാരികളാണെങ്കിലും, ടാഗ്ലിയോണിക്ക് പുതുമുഖത്തിന്റെ വ്യക്തിപരമായ താൽപ്പര്യവുമായി ആ നിമിഷങ്ങളിൽ മത്സരിക്കാനായില്ല. സ്പാനിഷ് കച്ചുച്ചയുടെ (1836 ലെ കോറല്ലി / ഗൈഡ് ബാലെ ലെ ഡിയബിൾ ബോയിറ്റക്സ് Le Diable boiteux) അവളുടെ നൃത്തത്തിൽ എൽസ്ലർ എല്ലാ എതിരാളികളെയും മറികടന്നു. [2] എൽസ്ലർ സ്പാനിഷ് ആയിരുന്നില്ല. പക്ഷേ കാച്ചുചയിലെ അവളുടെ നൃത്തങ്ങൾ ഇന്ദ്രിയസുഖം പകരുന്നതായിരുന്നു. "ക്രിസ്ത്യൻ" നർത്തകിയായ ടാഗ്ലിയോണിയുമായി താരതമ്യം ചെയ്ത് കച്ചുച്ചയിലെ നൃത്തങ്ങൾ കണ്ടിട്ട് കവി തിയോഫിൽ ഗൗട്ടിയർ അവളെ "പുറജാതീയ" നർത്തകി എന്ന് വിളിച്ചു. നിർദ്ദിഷ്ട ദേശീയ സ്വാദുള്ള ഈ നൃത്തം എൽസ്ലറുടെയും കാച്ചുചയുടെയും വിജയത്തിലെത്തുകയും ഇത് ബാലെ നൃത്തങ്ങൾക്കായുള്ള വ്യാപകമായ ആവശ്യത്തിലേക്ക് നയിച്ചു. ഇത്തരത്തിലുള്ള നൃത്തങ്ങൾ വളരെ പ്രചാരത്തിലായി. എൽസ്ലർ തന്നെ ഒരു പോളിഷ് ക്രാക്കോവിയാനും (ക്രാകോവിയാക്ക്) ഇറ്റാലിയൻ ടാരന്റെല്ലയും അവളുടെ നൃത്തത്തിൽ ചേർത്തു. അവളുടെ ചിത്രം പലപ്പോഴും പിങ്ക് സാറ്റിൻ, കറുത്ത ലേസ് എന്നിവ ഉപയോഗിച്ച് പുതുമയുള്ള, വിവേകമുള്ള സ്പാനിഷ് നർത്തകിയായി ചിത്രീകരിച്ചു. ടാഗ്ലിയോണിയെ വെളുത്ത നിറത്തിലുള്ള മിതമായ സിൽഫായി ചിത്രീകരിക്കുന്നതിൽ നിന്ന് തികച്ചും വ്യത്യസ്തമാണ്. എൽസ്ലറിന് ശാസ്ത്രീയമായ കഴിവുകൾ മാത്രമല്ല ഉണ്ടായിരുന്നത്. നാടകീയമായി അവതരിപ്പിക്കാനുള്ള അവളുടെ കഴിവ് അസാധാരണമായിരുന്നു. ലാ സിൽഫൈഡ്, ജിസെൽ, ലാ എസ്മെരാൾഡ എന്നിവയുൾപ്പെടെയുള്ള മികച്ച റൊമാന്റിക് ബാലെകളിലെ അവളുടെ നൃത്തങ്ങൾ അവരുടെ മുൻകാല കഥാപാത്രങ്ങളേക്കാൾ നല്ലവശങ്ങൾ അവതരിപ്പിച്ചു. റൊമാന്റിക് ബാലെ കാലഘട്ടത്തിലെ ഏറ്റവും പ്രഗല്ഭയും ശ്രദ്ധേയയുമായ ബാലെരിനകളിൽ ഒരാളായാണ് എൽസ്ലറിനെ കാണുന്നത്.
അവലംബം
തിരുത്തുകNotes
തിരുത്തുക- ↑ Moore, Lillian. (1965). Images of the dance : historical treasures of the Dance Collection 1581-1861. New York Public Library. OCLC 466091730.
- ↑ 2.0 2.1 2.2 2.3 Chisholm 1911.
ഉറവിടങ്ങൾ
തിരുത്തുക- Au, Susan, Ballet and Modern Dance, Third Edition, Thames and Hudson Ltd, London (2012)
- Ivor Forbes Guest, Fanny Elssler (Wesleyan University Press, Middletown, Connecticut, 1970)
This article incorporates text from a publication now in the public domain: Chisholm, Hugh, ed. (1911). "Elssler, Fanny". എൻസൈക്ലോപീഡിയ ബ്രിട്ടാനിക്ക. Vol. 9 (11th ed.). കേംബ്രിഡ്ജ് സർവകലാശാല പ്രസ്സ്. p. 300. {{cite encyclopedia}}: Invalid|ref=harv(help)
കൂടുതൽ വായനയ്ക്ക്
തിരുത്തുക- Ivor Guest, Fanny Elssler – the Pagan Ballerina, A & C Black, London (1970) ISBN 0-7136-1061-1
- Ann Hutchinson, Fanny Elssler's Cachucha, Dance Books (2008) ISBN 0-903102-59-5
പുറത്തേക്കുള്ള കണ്ണികൾ
തിരുത്തുക
- Works by or about ഫാനി എൽസ്ലർ at Internet Archive
- . Appletons' Cyclopædia of American Biography. 1900.
- Ladies of the Rose: Fanny Elssler, by Louisa Young