ചേരമാൻ പറമ്പ്

ചേര രാജവംശത്തിലെ രാജാക്കന്മാരായ ചേരമാൻ പെരുമാളിന്റെ രാജകീയ കേന്ദ്രമായി കണക്കാക്കപ്പെടുന്ന പ്രദേശമാണ് ചേരമാൻ പറമ്പ്. കേരളത്തിൽ, കൊടുങ്ങല്ലൂരിൽ നിന്ന് 3 കിലോമീറ്റർ അകലെയുള്ള മേത്തലയിൽ ഏകദേശം 5 ഏക്കറിലാണ് ഈ കൊട്ടാര അവശിഷ്ടങ്ങൾ വ്യാപിച്ചുകിടക്കുന്നത്. 1936 ൽ ആർക്കിയോളജി വകുപ്പ് ഈ പ്രദേശം ഒരു സംരക്ഷിത സ്മാരകമായി പ്രഖ്യാപിച്ചു. 1944 നും 1945 നും ഇടയിൽ ഈ സ്ഥലത്ത് ഖനനം നടത്തിയപ്പോൾ പുരാതനകാലത്തെ പാത്രങ്ങളുടെ അവശിഷ്ടങ്ങൾ, ചെമ്പ്, ഇരുമ്പ് എന്നിവകൊണ്ടുള്ള ഉപകരണങ്ങൾ, ആഭരണങ്ങൾ എന്നിവ കണ്ടെത്തി. ഖനനം ചെയ്തപേപോൾ ലഭിച്ച പോട്ട്‌ഷെർഡ് (പാത്രങ്ങളുടെ അവശിഷ്ടങ്ങൾ) സെലാഡൺ വെയർ എന്ന വിഭാഗത്തിൽപ്പെട്ടതാണ്. എ.ഡി പത്താംനൂറ്റാണ്ടിനും പന്ത്രണ്ടാം നൂറ്റാണ്ടിനും ഇടയിൽ സോങ്ങ് രാജവംശക്കാലത്ത് ചൈനയിൽ നിർമ്മിച്ച ഒരുതരം മൺപാത്രങ്ങളായിരുന്നു ഇവ.

ചേര രാജവംശത്തിലേക്കുള്ള സ്മാരകസ്തംഭം