ഹോളി ഫാമിലി കോൺവെന്റ് ഗേൾസ് ഹൈ സ്കൂൾ, ചെമ്പുക്കാവ്

തൃശ്ശൂർ നഗരത്തിലുള്ള ഒരു എയ്ഡഡ് വിദ്യാലയമാണ് ഹോളി ഫാമിലി കോൺവെന്റ് ഗേൾസ് ഹൈ സ്കൂൾ, ചെമ്പുക്കാവ്. 1939-ൽ തിരുകുടുംബ സന്യാസിനീ സമുഹമാണ് ഈ വിദ്യാലയത്തിന് തുടക്കംക്കുറിച്ചത്.

ഹോളി ഫാമിലി കോൺവെന്റ് ഗേൾസ് ഹൈ സ്കൂൾ, ചെമ്പുക്കാവ്

തരം	ഹയർ സെക്കന്ററി, പെൺകുട്ടികൾ
സ്ഥാപിതം	1939, തിരുകുടുംബ സന്യാസിനീ സമുഹം
സ്ഥലം	തൃശ്ശൂർ, കേരളം, ഇന്ത്യ
ക്യാമ്പസ്	തൃശ്ശൂർ നഗരം

ചരിത്രം

'ഒരു വിദ്യാർഥിയിലൂടെ ഒരു കുടുംബത്തിലേക്ക്' എന്ന ലക്ഷ്യത്തോടെ വാഴ്ത്തപ്പെട്ട മദർ മറിയം ത്രേസ്യയുടെയും വിതയത്തിൽ പിതാവിന്റേയും നേതൃത്ത്വത്തിൽ തിരുകുടുംബ സന്യാസിനീ സമുഹം തുടക്കം കുറിച്ച വിദ്യാലയങ്ങളിൽ ഒന്നാണ് ഈ സ്കൂൾ. 1945-ൽ മോൺ. എടക്കളത്തൂർ മത്തായിയച്ചൻ പണിതീർത്ത ഇരുനില കെട്ടിടത്തിലായിരുന്നു ആദ്യ കാല പ്രവർത്തനങ്ങൾ. സി.ബർണാർ ദീത്തയായിരുന്നു പ്രഥമ പ്രധാനാധ്യാപികൻ.

ഭൗതികസൗകര്യങ്ങൾ

മൂന്ന് ഏക്കർ ഭൂമിയിലാണ് വിദ്യാലയം സ്ഥിതി ചെയ്യുന്നത്. ഹൈസ്കൂളിന് 5 കെട്ടിടങ്ങളിലായി 41 ക്ലാസ് മുറികളും ഹയർ സെക്കണ്ടറിക്ക് ഒരു കെട്ടിടത്തിലായി 6 ക്ലാസ് മുറികളുമുണ്ട്. അതിവിശാലമായ ഒരു കളിസ്ഥലം വിദ്യാലയത്തിനുണ്ട്. ഹൈസ്കൂളിനും ഹയർസെക്കണ്ടറിക്കും വെവ്വേറെ കമ്പ്യൂട്ടർ ലാബുകളുണ്ട്. രണ്ട് ലാബുകളിലുമായി ഏകദേശം അമ്പതോളം കമ്പ്യൂട്ടറുകളുണ്ട്. രണ്ട് ലാബുകളിലും ബ്രോഡ്ബാന്റ് ഇന്റർനെറ്റ് സൗകര്യം ലഭ്യമാണ്.

പാഠ്യേതര പ്രവർത്തനങ്ങൾ

• സ്കൗട്ട് & ഗൈഡ്സ്.
• എൻ.സി.സി.
• ബാന്റ് ട്രൂപ്പ്.
• ക്ലാസ് മാഗസിൻ.
• വിദ്യാരംഗം കലാ സാഹിത്യ വേദി.
• ക്ലബ്ബ് പ്രവർത്തനങ്ങൾ.

മാനേജ്മെന്റ്

തിരുകുടുംബ സന്യാസിനീ സമുഹം ആണ് ഭരണം നടത്തുന്നത്. നിലവിൽ 46 വിദ്യാലയങ്ങൾ ഈ മാനേജ്മെന്റിന്റെ കീഴിൽ പ്രവർത്തിക്കുന്നുണ്ട്.

പ്രശസ്തരായ പൂർവവിദ്യാർത്ഥികൾ

• മല്ലിക

പുറത്തേക്കുള്ള കണ്ണികൾ

• ഔദ്യോഗിക വെബ്സൈറ്റ് Archived 2018-05-25 at the Wayback Machine.