ഹിദായ മസ്ജിദ് തിരുവമ്പാടി

തിരുവമ്പാടി ഗ്രാമപഞ്ചായത്തിലെ പ്രധാന മുസ്‌ലിം കേന്ദ്രങ്ങളിൽ ഒന്നാണ് ഹിദായ മസ്ജിദ്. തിരുവമ്പാടി -കോഴിക്കോട് റോഡിൽ ഭാരത് പെട്രോൾ പമ്പിന് എതിർവശം സ്ഥിതി ചെയ്യുന്നു. ഓമശ്ശേരി കേന്ദ്രമായി പ്രവർത്തിക്കുന്ന ഇസ്‌ലാമിക് വെൽഫെയർ ട്രസ്റ്റ് മുൻകയ്യെടുത്താണ് ഇത് സ്ഥാപിച്ചത്.

ഹിദായ മസ്ജിദ് തിരുവമ്പാടി Hidaya Masjid Thiruvambady
അടിസ്ഥാന വിവരങ്ങൾ
മതവിഭാഗം	ഇസ്‌ലാം
ജില്ല	കോഴിക്കോട്
സംസ്ഥാനം	കേരളം
Region	തിരുവമ്പാടി
പ്രവർത്തന സ്ഥിതി	പ്രസിഡന്റ് : പി. മമ്മുട്ടി സെക്രട്ടറി : ടി.സി അബ്ദുറസാഖ്‌ ഖതീബ് : എ. അബൂബകർ മൗലവി ഓഫീസ് : 0495-2253737
വാസ്തുവിദ്യാ വിവരങ്ങൾ
തറക്കല്ലിടൽ	1984 ഏപ്രിൽ 24
പൂർത്തിയാക്കിയ വർഷം	1987

ചരിത്രം

1984 ഏപ്രിൽ 24 ന് ജമാഅത്തെ ഇസ്‌ലാമി കേരള അമീറായിരുന്ന കെ.സി അബ്ദുല്ല മൗലവി മസ്ജിദിന്റെ ശിലാസ്ഥാപനം നിർവഹിച്ചു. 1987-ലാണ് മസ്ജിദിന്റെ നിർമ്മാണം പൂർത്തിയായത്. കെ. മൊയ്തു മൗലവി ജുമുഅ ഖുതുബ നിർവഹിച്ചു കൊണ്ട് സ്ഥാപനത്തിന്റെ ഔപചാരിക ഉദ്ഘാടനം നിർവഹിച്ചു.

ഹിദായ മഹല്ല്

ഹിദായ മസ്ജിദിന്റെ ദൈനംദിന പ്രവർത്തനങ്ങൾ നടത്തുന്നത് 15 അംഗങ്ങളുള്ള ഹിദായ മഹല്ല് കമ്മറ്റിയാണ്. മഹല്ല് അംഗങ്ങളുടെ വിദ്യാഭ്യാസപരവും സാമൂഹികവുമായ ഉന്നമനം ലക്ഷ്യം വ്യത്യസ്തങ്ങളായ പരിപാടികൾ കമ്മറ്റി നിർവഹിക്കുന്നു. മഹല്ലിലെ പുതുതലമുറക്ക് ഇസ്‌ലാമിക വിദ്യാഭ്യാസം നൽകുക എന്ന ലക്ഷ്യത്തോടെ അൽമദ്‌റസ്ത്തുൽ ഇസ്‌ലാമിയ എന്ന പേരിൽ ഒരു മദ്‌റസയും ഈ കമ്മറ്റിക്ക് കീഴിൽ പ്രവർത്തിക്കുന്നു. മഹല്ലിന്റെ ശ്രദ്ധേയമായ സംഭാവനകളിലൊന്നാണ് തണൽ ഭവന പദ്ധതി. ഭവനരഹിതരായ 14 കുടുംബങ്ങൾക്ക് വീടൊരുക്കിയ ഈ പദ്ധതി തിരുവമ്പാടി-പുന്നക്കൽ റോഡിലെ നാൽപതുമേനി പ്രദേശത്താണ് നടപ്പാക്കിയിരിക്കുന്നത്.