സൗദി രാജവംശം

സൗദി രാജവംശം (അറബി: آل سعود ) ആണ് സൗദി അറേബ്യയിലെ ഭരണ രാജവംശം. ആദ്യത്തെ സൗദി സംസ്ഥാനം (1744–1818) എന്നറിയപ്പെടുന്ന ദിരിയ എമിറേറ്റ് സ്ഥാപകനായ മുഹമ്മദ് ബിൻ സൗദിന്റെയും അദ്ദേഹത്തിന്റെ സഹോദരന്മാരുടെയും പിൻഗാമികൾ ചേർന്നതാണ് ഇത്. കുടുംബത്തിലെ ഭരണ വിഭാഗത്തെ പ്രധാനമായും നയിക്കുന്നത് ആധുനിക സൗദി അറേബ്യയുടെ സ്ഥാപകൻ ഇബ്നു സൗദിന്റെ പിൻഗാമികളാണ്. രാജകുടുംബത്തിന്റെ ഏറ്റവും സ്വാധീനമുള്ള സ്ഥാനമാണ് സൗദി അറേബ്യയിലെ രാജാവ് . ഈ കുടുംബത്തിൽ 15,000 അംഗങ്ങളുണ്ടെന്ന് കണക്കാക്കപ്പെടുന്നു, എന്നാൽ ഭൂരിഭാഗം അധികാരവും സമ്പത്തും അവരിൽ രണ്ടായിരത്തോളം വരുന്ന സംഘത്തിനാണ്.

സൗദി രാജവംശത്തിന് മൂന്ന് ഘട്ടങ്ങളുണ്ട്:

ആദ്യ സൗദി സംസ്ഥാനം (1744–1818), എമിറേറ്റ് ഓഫ് ദിരിയ , വഹാബിസത്തിന്റെയും എമിറേറ്റ് ഓഫ് നെജ്ദിന്റെയും വികാസത്തെ അടയാളപ്പെടുത്തുന്നു ,
രണ്ടാം സൗദി സ്റ്റേറ്റ് (1824-1891), തുടർച്ചയായി ആഭ്യന്തര കാലഹത്തെ അടയാളപ്പെടുത്തുന്നു;
1932 ൽ സൗദി അറേബ്യയായി പരിണമിച്ച മൂന്നാം സൗദി സ്റ്റേറ്റ് (1902 മുതൽ ഇന്നുവരെ) ഇപ്പോൾ മിഡിൽ ഈസ്റ്റിൽ ഗണ്യമായ സ്വാധീനം ചെലുത്തുന്നു .

ഓട്ടോമൻ സാമ്രാജ്യം, മക്കയിലെ ഷെരീഫ് രാജവംശം , അൽ റാഷിദ് കുടുംബം, സൗദി അറേബ്യക്കകത്തും പുറത്തുമുള്ള ധാരാളം ഇസ്ലാമിക ഗ്രൂപ്പുകൾ, സൗദി അറേബ്യയിലെ ഷിയ ന്യൂനപക്ഷം തുടങ്ങിയവർ സൗദി കുടുംബവുമായി ധാരാളം സംഘട്ടനങ്ങൾ നടത്തിട്ടുണ്ട്.

സൌദി അറേബ്യൻ സിംഹാസനത്തിന് തുടർച്ചയായി രാജാവിന്റെ ഒരു മകനിൽ നിന്ന് മറ്റൊന്നിലേക്ക് എന്നിങ്ങനെ രൂപകൽപ്പന ചെയ്തു. നിലവിൽ രാജാവായിരിക്കുന്ന സൽമാൻ രാജാവ് അടുത്ത കിരീടാവകാശി സഹോദരൻ മുക്രിന് പകരം അദ്ദേഹത്തിന്റെ അനന്തരവൻ മുഹമ്മദ് ബിൻ നായിഫിനെ നിയമിച്ചു . 2017 ൽ 34 വോട്ടുകളിൽ 31 എണ്ണവുമായി അലീജിയൻസ് കൗൺസിലിന്റെ അംഗീകാരത്തിന് ശേഷം മുഹമ്മദ് ബിൻ നായിഫിനെ മാറ്റി സൽമാൻ രാജാവിന്റെ മകൻ മുഹമ്മദ് ബിൻ സൽമാൻ കിരീടാവകാശിയായി നിയമിച്ചു. ഭാവിയിലെ സൗദി രാജാക്കന്മാരെ സൗദി രാജകുമാരന്മാരുടെ ഒരു കമ്മിറ്റി തിരഞ്ഞെടുക്കേണ്ടതാണ് എന്ന രാജകീയ ഉത്തരവ് വരുന്ന 2006 വരെ രാജഭരണത്തിന് അഗ്നിറ്റിക് സീനിയോറിറ്റി പാരമ്പര്യമായിരുന്നു. രാജാവ് നിയോഗിച്ച മന്ത്രിസഭയിൽ രാജകുടുംബത്തിലെ കൂടുതൽ അംഗങ്ങൾ ഉൾപ്പെടുന്നു.

ശീർഷകം

ആൾ സൗദിന്റെ നേതാക്കളുടെ വംശാവലി പട്ടിക

സൗദ് എന്നതിനോട് ആൽ എന്ന അറബി പദം ചേർത്ത് രൂപം നൽകിയതാണ് ആൽ സൗദ്. ആൽ എന്നാൽ "ഹൗസ്" "കുടുംബം" എന്നർത്ഥം. സൗദ് എന്നത് പതിനെട്ടാം നൂറ്റാണ്ടിലെ സ്ഥാപകൻ മുഹമ്മദ് ബിൻ സൗദിന്റെ പിതാവ് സൗദ് ഇബ്നു മുഹമ്മദ് ഇബ്നു മുക്രിൻ ആണ് . അപ്പോൾ സൗദ് ഇബ്നു മുഹമ്മദ് ഇബ്നു മുക്രിൻ എന്നയാളുടെ പരമ്പരയാണ് ആൽ സൗദ്.

ഇന്ന്, "ആൽ സൗദ് " എന്ന വിളിപ്പേര് വഹിക്കുന്നത് മുഹമ്മദ് ബിൻ സൗദിന്റെയും അദ്ദേഹത്തിന്റെ മൂന്ന് സഹോദരന്മാരായ ഫർഹാൻ, തുനയ്യൻ, മിഷാരി എന്നിവരുടെയും പിൻഗാമികളാണ്. അൽ സൗദിന്റെ മറ്റ് കുടുംബ ശാഖകളായ സൗദ് അൽ കബീർ, അൽ ജിലൂവി, അൽ തുനയൻ, അൽ മിഷാരി, അൽ ഫർഹാൻ എന്നിവരെ കേഡറ്റ് ബ്രാഞ്ചുകൾ എന്ന് വിളിക്കുന്നു . കേഡറ്റ് ബ്രാഞ്ചുകളിലെ അംഗങ്ങൾ സൗദി സിംഹാസനത്തിന്റെ പിൻഗാമിയല്ലെങ്കിലും സർക്കാരിൽ ഉയർന്നതും സ്വാധീനമുള്ളതുമായ സ്ഥാനങ്ങൾ വഹിക്കുന്നു . നിരവധി കേഡറ്റ് അംഗങ്ങൾ അൽ സൗദിൽ വിവാഹിതരായി തങ്ങളുടെ വംശം പുന സ്ഥാപിക്കുകയും സർക്കാരിൽ സ്വാധീനം ചെലുത്തുകയും ചെയ്യുന്നു.

രാജകുടുംബത്തിലെ എല്ലാ അംഗങ്ങൾക്കും അമീർ ടൈറ്റിൽ ഉപയോഗിക്കപ്പെടുന്നു. എന്നാൽ രാജാവിന്റെ പുത്രന്മാർ, പുത്രിമാർ, " ഹിസ് റോയൽ ഹൈനസ്സ് " (എച്ച് ആർ എച്ച്),എന്നും കേഡറ്റ് ശാഖകളെ " ഹിസ് ഹൈനെസ് " (എച്ച്എച്ച്) എന്ന് വിളിക്കുന്നു. അതേസമയം രാജാവ് ""രണ്ട് വിശുദ്ധ പള്ളികളുടെ പരിപാലകൻ" എന്നും വിളിക്കുന്നു. .