സ്റ്റെഫാൻ ചാർബോണർ
പ്രമുഖ ഫ്രഞ്ച് ഹാസ്യ വാരികയായ ഷാർലി എബ്ദോയുടെ എഡിറ്റർ ഇൻ ചീഫും കാർട്ടൂണിസ്റ്റുമായിരുന്നു ചാർബ് എന്നറിയപ്പെട്ടിരുന്ന സ്റ്റെഫാൻ ചാർബോണർ(21 ഓഗസ്റ്റ് 1967 – 7 ജനുവരി 2015) . 2015 ജനുവരി ഏഴിന് മധ്യ പാരീസിലുള്ള ഷാർലി എബ്ദോയുടെ ഓഫീസിന് നേർക്ക് നടന്ന വെടിവെയ്പിൽ കൊല്ലപ്പെട്ടു.[1]
ചാർബ് | |
|---|---|
 Charb, 2 November 2011 | |
| ജനനം | സ്റ്റെഫാൻ ചാർബോണർ 21 ഓഗസ്റ്റ് 1967 Conflans-Sainte-Honorine, France |
| മരണം | 7 ജനുവരി 2015 (പ്രായം 47) Charlie Hebdo offices, Paris, France |
| ദേശീയത | ഫ്രഞ്ച് |
| തൊഴിൽ | പത്രപ്രവർത്തകൻ, ആക്ഷേപ ഹാസ്യ ചിത്രകാരൻ |
ജീവിതരേഖ
തിരുത്തുക
തീവ്ര ഇടതു പക്ഷ നിലപാടുകളുണ്ടായിരുന്ന സ്റ്റെഫാൻ ഇസ്ലാമിക് തീവ്രവാദത്തിന്റെ കടുത്ത വിമർശകനായിരുന്നു. പ്രവാചകനെ പത്രാധിപരായി ക്ഷണിച്ചുകൊണ്ട് അദ്ദേഹത്തിന്റെ ആക്ഷേപഹാസ്യരേഖാചിത്രം പുറംചട്ടയിൽ നൽകിയതിന് 2011 ൽ ഷാർലി എബ്ദോയുടെ ഓഫീസിനുനേരെ ബോംബാക്രമണമുണ്ടായി. ഇസ്ലാമിക് സ്റ്റേറ്റിന്റെ നേതാവായ അബുബക്കർ അൽ ബാഗ്ദാദിയുടെ കാർട്ടൂൺ വാരിക ട്വിറ്ററിൽ പ്രസിദ്ധീകരിച്ചതിനെത്തുടർന്നുള്ള ഭീഷണിമൂലം സ്റ്റെഫാന് പ്രത്യകം അംഗരക്ഷകരെ വെച്ചിരുന്നു.
വിമർശനങ്ങൾ
തിരുത്തുകതന്റെ നിലപാടുകൾക്കെതിരെ ഉയർന്ന വിമർശനങ്ങളെയും ഭീഷണികളെയും സ്റ്റെഫാൻ തള്ളിക്കളഞ്ഞിരുന്നു.
| “ | മുഹമ്മദ് എനിക്ക് വിശുദ്ധനല്ല. ഞങ്ങളുടെ വരകൾകണ്ട് ചിരിക്കാത്ത മുസ്ലിങ്ങളെ കുറ്റപ്പെടുത്തുന്നില്ല. ഞാൻ ഫ്രഞ്ച് നിയമത്തിന് കീഴിലാണ് കഴിയുന്നത്. ഖുറാൻ നിയമത്തിനുകീഴിലല്ല | ” |
എന്നായിരുന്നു സ്റ്റെഫാൻ ചാർബോണറുടെ നിലപാട്.