സോത്തുപരൈ ഡാം

ഇന്ത്യൻ സംസ്ഥാനമായ തമിഴ്‌നാട്ടിലെ വരാഹ നദിക്ക് കുറുകെയുള്ള അണക്കെട്ടാണ് സോത്തുപരൈ ഡാം . തേനി ജില്ലയിലെ പെരിയാകുളം പട്ടണത്തിൽ നിന്ന് 12 കിലോമീറ്റർ അകലെയാണ് ഈ ഡാം.

Sothuparai Dam
രാജ്യം	India
സ്ഥലം	Tamil Nadu
നിർദ്ദേശാങ്കം	10°07′51″N 77°27′50″E
നിലവിലെ സ്ഥിതി	Operational
ഉടമസ്ഥത	Tamil Nadu
പ്രവർത്തിപ്പിക്കുന്നത്	Tamil Nadu
അണക്കെട്ടും സ്പിൽവേയും
തടഞ്ഞുനിർത്തിയിരിക്കുന്ന നദി	Varaha River

തമിഴ്‌നാട്ടിലെ ഏറ്റവും ഉയർന്ന അണക്കെട്ടുകളിലൊന്നാണ് സോത്തുപരൈ അണക്കെട്ട്. പെരിയാകുളം നഗരത്തിന്റെ പിൻഭാഗത്താണ് ഇത് സ്ഥിതിചെയ്യുന്നത്. പെരിയാകുളത്ത് നിന്ന് 12 കിലോമീറ്റർ അകലെയായി വരാഗനദിയുടെ (വൈഗൈ നദിയുടെ കൈവഴികൾ) കുറുകെയാണ് ഇത് നിർമ്മിച്ചിരിക്കുന്നത്. അണക്കെട്ടിന്റെ ഉയരം 57 മീ. ഇതിന്റെ നീളം 345 മീ. മൊത്തം നീരൊഴുക്ക് വിസ്തീർണ്ണം 357 ഏക്കറാണ്. തെങ്കരൈ (817 ഏക്കർ), താമരൈകുളം ഗ്രാമം (223 ഏക്കർ) എന്നീ ഗ്രാമങ്ങളിലെ കൃഷി ഈഅണക്കെട്ടിൽനിന്നുള്ള ജലസേചനത്തെ ആശ്രയിച്ചാണ് നടത്തുന്നത്.

ചരിത്രം

791 ലക്ഷം രൂപ ചെലവിൽ വരാഹനദി നദിക്ക് കുറുകെ 100 ദശലക്ഷം ഘനയടി ജലസംഭരണ ശേഷിയുള്ള ഒരു അണക്കെട്ട് നിർമ്മിക്കാനുള്ള നിർദ്ദേശം പാസാക്കി. പി.ഡബ്ല്യു.ഡി ചീഫ് എഞ്ചിനീയർക്ക് 870.1 ലക്ഷം രൂപയ്ക്ക് സാങ്കേതിക അനുമതി നൽകി. അണക്കെട്ട് നിർമാണ പ്രവർത്തനങ്ങൾ 20.07.1982 ന് ആരംഭിച്ചെങ്കിലും വനംവകുപ്പിൽ നിന്ന് 14.55 ഹെക്ടർ ഭൂമി ഏറ്റെടുക്കുന്നതിൽ കാലതാമസം നേരിട്ടു. 1985 മുതൽ പണി പുനരാരംഭിച്ചു. നിർദ്ദിഷ്ട സൈറ്റിന് താഴെ കടുപ്പമുള്ള പാറകളില്ലെന്ന് കണ്ടെത്തി, അതിനാൽ ഇക്കാര്യത്തിൽ അനുമതി നൽകാൻ ജിയോളജിക്കൽ ഡിപ്പാർട്ട്‌മെന്റിനെ ബന്ധപ്പെട്ടു. 1997 നവംബറിൽ പ്രവൃത്തികൾ പുനരാരംഭിക്കുകയും 2001 ൽ ഇസിസിഐ കമ്പനി പൂർത്തിയാക്കുകയും ചെയ്തു. അന്നത്തെ തമിഴ്‌നാട് മുഖ്യമന്ത്രി ഡോ. എം. കരുണാനിധി ഡാം സൈറ്റ് സന്ദർശിക്കുകയും ജോലിയുടെ വേഗത വർദ്ധിപ്പിക്കാനുള്ള നിർദ്ദേശങ്ങൾ നൽകുകയും ചെയ്തു. 15.11.2001 ൽ ആദ്യമായി അണക്കെട്ടിന്റെ പരമാവധി ശേഷിയിലെത്തുകയും കവിഞ്ഞൊഴുകുകയും ചെയ്തു. അധ്യക്ഷതയിൽ പിഡബ്ല്യുഡി ചീഫ് എഞ്ചിനീയർ ആർ. പരന്തമാനിന്റെ അദ്ധ്യക്ഷതയിൽ ചേർന്ന ഒരു ചടങ്ങിൽ വച്ച് ഡാം ഉത്ഘാടനം ചെയ്തു. തേനി ജില്ലാകളക്ടറായിരുന്ന അതുൽ ആനന്ദ് ഈ ചടങ്ങിൽ സംബന്ധിച്ചു.

ഇതും കാണുക

• മഞ്ഞലാർ അണക്കെട്ട്