സെൻട്രൽ ഇൻസ്റ്റിട്യൂട്ട് ഓഫ് എഡ്യൂക്കേഷണൽ ടെക്നോളജി
വിദ്യാഭ്യാസത്തിന്റെ ഗുണനിലവാരം വിപുലീകരിക്കുന്നതിനും മെച്ചപ്പെടുത്തുന്നതിനുമായി ബഹുജനമാധ്യമ സാങ്കേതികവിദ്യയുടെ ഉപയോഗം പ്രോത്സാഹിപ്പിക്കുന്നതിനായി നാഷണൽ കൗൺസിൽ ഓഫ് എജ്യുക്കേഷണൽ റിസർച്ച് ആൻഡ് ട്രെയിനിംഗ് (NCERT) ന് കീഴിൽ ഒരു നോഡൽ ഏജൻസിയായി രൂപീകരിച്ച ഒരു സ്വയംഭരണ സ്ഥാപനമാണ് സെൻട്രൽ ഇൻസ്റ്റിറ്റ്യൂട്ട് ഓഫ് എഡ്യൂക്കേഷണൽ ടെക്നോളജി (സിഐഇടി). സ്കൂൾ തലത്തിൽ ഇന്ത്യാ ഗവൺമെന്റിന്റെ വിദ്യാഭ്യാസ മന്ത്രാലയമാണ് ഈ സ്ഥാപനത്തിന് ധനസഹായം നൽകുന്നത്. [1]
 | |
| ലത്തീൻ പേര് | CIET |
|---|---|
| തരം | Educational Institute |
| സ്ഥാപിതം | 1984 |
| സ്ഥലം | New Delhi, Delhi, India 28°32′21.4″N 77°11′45.7″E / 28.539278°N 77.196028°E |
| ക്യാമ്പസ് | Tigri |
| വെബ്‌സൈറ്റ് | CIET |
പ്രവർത്തനമേഖല തിരുത്തുക
നാഷണൽ കൗൺസിൽ ഓഫ് എഡ്യൂക്കേഷണൽ റിസർച്ച് ആന്റ് ട്രെയിനിംഗിനു (NCERT) കീഴിൽ, 1984-ൽ കേന്ദ്ര മാനവവിഭവശേഷി വികസന മന്ത്രാലയം സ്ഥാപിച്ചതാണ് സെൻട്രൽ ഇൻസ്റ്റിറ്റ്യൂട്ട് ഓഫ് എഡ്യൂക്കേഷണൽ ടെക്നോളജി (CIET). ന്യൂഡൽഹിയിലെ എൻസിഇആർടിയിലെ എൻഐഇ കാമ്പസിലാണ് ഇൻസ്റ്റിറ്റ്യൂട്ട് സ്ഥിതി ചെയ്യുന്നത്. എൻ.സി.ഇ.ആർ.ടിയുടെ രണ്ട് വകുപ്പുകൾ, സെന്റർ ഫോർ എജ്യുക്കേഷണൽ ടെക്നോളജി, ഡിപ്പാർട്ട്മെന്റ് ഓഫ് ടീച്ചിംഗ് എയ്ഡ്സ് എന്നിവ സംയോജിപ്പിച്ചാണ് ഇൻസ്റ്റിറ്റ്യൂട്ടിന്റെ ഉത്ഭവം. റേഡിയോ, ടെലിവിഷൻ, സിനിമകൾ, സാറ്റലൈറ്റ് കമ്മ്യൂണിക്കേഷൻസ്, സൈബർ മീഡിയ തുടങ്ങിയ മാധ്യമ ശാഖകളെ കേന്ദ്രീകരിച്ചാണ് ഇൻസ്റ്റിറ്റ്യൂട്ടിന്റെ പ്രവർത്തനങ്ങൾ നിർവഹിക്കപ്പെടുന്നത്. വിദ്യാഭ്യാസ സാങ്കേതികവിദ്യയുടെ പ്രോത്സാഹനം, ഉദ്യോഗസ്ഥർക്ക് പരിശീലനം, സ്റ്റേറ്റ് ഇൻസ്റ്റിറ്റ്യൂട്ട് ഓഫ് എഡ്യൂക്കേഷൻ ടെക്നോളജി (SIET), കൺസൾട്ടൻസി, മീഡിയ എന്നിവയുടെ പ്രവർത്തനങ്ങളുടെ ഏകോപനം തുടങ്ങിയ വിവിധ പ്രവർത്തനങ്ങളിൽ ഈ സംവിധാനം ഏർപ്പെട്ടിരിക്കുന്നു.
സൗകര്യങ്ങൾ തിരുത്തുക
കലാകാരന്മാരുടെ സ്റ്റുഡിയോകൾ, രണ്ട് സൗണ്ട് സ്റ്റുഡിയോകൾ, ടെക്നിക്കൽ കൺട്രോൾ റൂമുകൾ, ആംഫി തിയേറ്റർ, രണ്ട് ടെലിവിഷൻ സ്റ്റുഡിയോകൾ, വർക്ക്ഷോപ്പ്, സെമിനാർ റൂമുകൾ, റിഹേഴ്സൽ ഏരിയകൾ, പ്രൊജക്ഷൻ സൗകര്യങ്ങൾ, ലൈബ്രറി, കാന്റീൻ, അഡ്മിനിസ്ട്രേറ്റീവ് ഏരിയകൾ എന്നിവയുള്ള വിശാലമായ കെട്ടിടത്തിലാണ് ഇൻസ്റ്റിറ്റ്യൂട്ട് പ്രവർത്തിക്കുന്നത്. ബാച്ചിലേഴ്സ്, മാസ്റ്റേഴ്സ്, ഡോക്ടറൽ തലങ്ങളിൽ വിദ്യാഭ്യാസ കോഴ്സുകളും ഇൻസ്റ്റിറ്റ്യൂട്ട് നൽകുന്നു.