സെന്റ് മേരീസ് സി.ജി.എച്ച്.എസ്.എസ്. എറണാകുളം

കൊച്ചി നഗരഹൃദയത്തിൽ സ്ഥിതിചെയ്യുന്ന ഒരു വിദ്യാഭ്യാസ സ്ഥാപനമാണ് സെന്റ് മേരീസ് കോൺവന്റ് ഗേൾസ് ഹയർ സെക്കൻഡറി സ്കൂൾ (സെന്റ് മേരീസ് സിജിഎച്ച്എസ് സ്കൂൾ ). എറണാകുളം മാർക്കറ്റിനോടു ചേർന്നാണ് സ്കൂൾ സ്ഥിതി ചെയ്യുന്നത്. 1920-ലാണ് ഇംഗ്ലിഷ് മീഡിയം സ്കൂൾ ആരംഭിച്ചത്. എറണാകുളം രൂപതാ അധ്യക്ഷനായിരുന്ന മാർ ലൂയിസ് പഴയപറമ്പിൽ സ്കൂൾ സ്ഥാപിക്കാൻ മുൻകൈ എടുത്തു. 1919-ൽ തുടങ്ങാൻ അനുമതി ലഭിച്ച സ്കൂളിന് 1920-ൽ തറക്കല്ലിട്ടു. എൽപി സ്കൂളാണ് ആദ്യം ആരംഭിച്ചത്. ജൂൺ മാസത്തിൽ അദ്ധ്യയനം ആരംഭിച്ചു. 1934-ൽ ഹൈസ്കൂളായി ഉയർത്തി. മിസിസ് എ.എ. ഐസക്ക്, സിസ്റ്റർ കൊച്ചുത്രേസ്യ എന്നിവരായിരുന്നു സ്കൂളിന്റെ ആദ്യ ഭരണാധികാരികൾ. 1930-ൽ നിർധനരായ പെൺകുട്ടികളുടെ സുരക്ഷിതത്വത്തിനും ക്ഷേമത്തിനുമായി ബാലികാരാം സ്ഥാപിച്ചു. 1940-ൽ ബോർഡിങും 1945-ൽ നഴ്സറിയും ആരംഭിച്ചു. കേരള വിദ്യാഭ്യാസ നിയമം നിലവിൽ വന്നതോടെ ഇംഗ്ലിഷ് മീഡിയം മലയാളം മീഡിയമാക്കി. എന്നാൽ സമാന്തരമായി ഇംഗ്ലിഷ് വിദ്യാഭ്യാസവും ആരംഭിച്ചു. 2000-ൽ ഹയർ സെക്കണ്ടറി ആയി ഉയർത്തി. ഇപ്പോൾ ഓരോ ക്ലാസിനും 4 ഡിവിഷൻ ഇംഗ്ലീഷും 1 ഡിവിഷൻ മലയാളവും മീഡിയം ആണ്. 7-ാം ക്ലാസ് വരെയാണ് ആൺകുട്ടികൾക്ക് ഇവിടെ പഠിക്കാൻ സാധിക്കുന്നത്. കേരളത്തിൽ ഏറ്റവുമധികം ജൂത വിദ്യാർത്ഥികൾ ഇവിടെ വിദ്യാഭ്യാസം നേടിയിട്ടുണ്ട്. 2020-ൽ 1870 വിദ്യാർഥികൾ സ്കൂളിൽ പഠിച്ചു.

1945-ൽ വിശുദ്ധ അൽഫോൻസാമ്മ, 1963-ൽ മദർ തെരേസ എന്നിവർ സ്കൂൾ സന്ദർശിച്ചിട്ടുണ്ട്. പൂർവ്വ വിദ്യാർഥിയായിരുന്ന മുത്തുമണി സോമസുന്ദരം ഇവിടെ വിദ്യാർത്ഥിയായിരുന്നു.

അവലംബം

• മെട്രോ മനോരമ, കൊച്ചി എഡിഷൻ, 2020 ഫെബ്രുവരി 5.