ശൈലപുത്രി
നവദുർഗ്ഗമാരിൽ ഒന്നാമത്തെ ദുർഗ്ഗയാണ് ശൈലപുത്രി. നവരാത്രിയിൽ ആദ്യദിനം ആരാധിക്കുന്നതും ദേവി ശൈലപുത്രിയേയാണ്. [1]സതി, ഭവാനി, പാർവ്വതി , ഹേമവതി എന്നീ നാമങ്ങളും ശൈലപുത്രിക്കുണ്ട്. ഹൈന്ദവ വിശ്വാസമനുസരിച്ച് പ്രകൃതിയാകുന്ന മാതൃസ്വരൂപമാണ് ശൈലപുത്രി. നന്തിയാണ് ശൈലപുത്രി ദേവിയുടെ വാഹനം. ദേവിയുടെ ഒരുകയ്യിൽ ത്രിശൂലവും മറുകയ്യിൽ കമലപുഷ്പവും കാണപ്പെടുന്നു.
| ശൈലപുത്രി | |
|---|---|
| Affiliation | ശക്തിയുടെ അവതാരം |
| നിവാസം | ഹിമാലയം |
| മന്ത്രം | വന്ദേ വാഞ്ഛിതലാഭായ ചന്ദ്രാർധകൃതശേഖരാം, വൃഷാരൂഢാം ശൂലധരാം ശൈലപുത്രീം യശസ്വിനീം. |
| ആയുധം | ത്രിശൂലം, താമര |
| Mount | നന്തി എന്ന വൃഷഭം |
ഐതിഹ്യം തിരുത്തുക
ഹിമവാന്റെ മകൾ എന്നാണ് ശൈലപുത്രി എന്ന വാക്കിനർത്ഥം. (ശൈലം= പർവ്വതം, ഹിമാലയം.) പർവ്വതരാജാവായ ഹിമവാന്റെയും മേനാദേവിയുടെയും മകളായാണ് ശക്തി രണ്ടാമത് അവതരിച്ചത്. പർവ്വതരാജന്റെ മകളായതിനാൽ ദേവി പാർവ്വതി എന്നും, ശൈലത്തിന്റെ(ഹിമാലയം) മകളായതിനാൽ ശൈലപുത്രി എന്നും ദേവി അറിയപ്പെടുന്നു.[2]
പൂർവ്വജന്മത്തിൽ ദക്ഷന്റെ പുത്രിയായ സതിയായിട്ടായിരുന്നു ശൈലപുത്രി അവതരിച്ചത്.
പ്രാർത്ഥന തിരുത്തുക
സർവ്വമംഗല മംഗല്യേ ശിവേ സർവാർത്ഥ സാധികേ ശരണ്യേ ത്രയംബികേ ഗൗരീ നാരായണി നമോസ്തുതേ[1]
ക്ഷേത്രങ്ങൾ തിരുത്തുക
- വാരാണസിയിലെ മർഹിയാ ഘാട്ടിൽ ഒരു ശൈലപുത്രീ ക്ഷേത്രമുണ്ട്.
അവലംബം തിരുത്തുക
- ↑ "Article on Hindu Deities & Mantra -Shailaputri". ശേഖരിച്ചത് 13 December 2012.[പ്രവർത്തിക്കാത്ത കണ്ണി]
- ↑ "Article on Navadurga: The Nine Forms of Goddess Durga". ശേഖരിച്ചത് 13 December 2012.
പുറത്തേക്കുള്ള കണ്ണികൾ തിരുത്തുക
- www.silambam.us[പ്രവർത്തിക്കാത്ത കണ്ണി] Hindu Deities and Mantra - Durga & Navadurga of Athi Parashakti