ശിവരാജ് സിംഗ് ചൗഹാൻ

ഇന്ത്യയിലെ രാഷ്ട്രീയ പ്രവർത്തകന്‍

2020 മുതൽ മധ്യപ്രദേശ് മുഖ്യമന്ത്രിയായി തുടരുന്ന മുതിർന്ന ബിജെപി നേതാവാണ് ശിവരാജ് സിംഗ് ചൗഹാൻ (ജനനം: 05 മാർച്ച് 1959) 1991 മുതൽ 2005 വരെ അഞ്ച് തവണ ലോക്സഭാംഗമായിരുന്ന ചൗഹാൻ 2005 മുതൽ 2018 വരെ മധ്യപ്രദേശിൻ്റെ മുഖ്യമന്ത്രിയായിരുന്നു.[1][2][3][4]

ശിവരാജ് സിംഗ് ചൗഹാൻ
Shivraj Singh Chauhan.jpg
ശിവരാജ് സിംഗ് ചൗഹാൻ 2010ൽ
മധ്യപ്രദേശ് മുഖ്യമന്ത്രി
ഓഫീസിൽ
2005-2008, 2008-2013, 2013-2018, 2020-തുടരുന്നു
മുൻഗാമിബാബുലാൽ ഗൗർ
പിൻഗാമികമൽനാഥ്
മണ്ഡലംബുധനി
വ്യക്തിഗത വിവരങ്ങൾ
ജനനം (1959-03-05) 5 മാർച്ച് 1959  (63 വയസ്സ്)
Jait, Sehore, മധ്യപ്രദേശ്
രാഷ്ട്രീയ കക്ഷിഭാരതീയ ജനതാ പാർട്ടി
പങ്കാളി(കൾ)സാധന ചൗഹാൻ
കുട്ടികൾ2 പുത്രന്മാർ
വസതി(കൾ)ഭോപ്പാൽ

ജീവിതരേഖതിരുത്തുക

മധ്യ പ്രദേശിലെ സെഹോർ ജില്ലയിൽ ഒരു കർഷക കുടുംബത്തിൽ പ്രേം സിംഗ് ചൗഹാൻ്റെയും സുന്ദർ ഭായിയുടേയും മകനായി 1959 മാർച്ച് അഞ്ചിന് ജനിച്ചു. കിരാർ സമുദായക്കാരനായ ചൗഹാൻ്റെ വിദ്യാഭ്യാസ യോഗ്യത എം.എ. ഫിലോസഫിയാണ്. ഒരു കർഷകൻ കൂടിയാണ് ചൗഹാൻ.[5]

രാഷ്ട്രീയ ജീവിതംതിരുത്തുക

1972-ൽ രാഷ്ട്രീയ സ്വയം സേവക സംഘത്തിൽ (ആർ.എസ്.എസ്) അംഗമായി രാഷ്ട്രീയ ജീവിതമാരംഭിച്ച ചൗഹാൻ 1976-ൽ സ്കൂളിൽ പഠിക്കുമ്പോൾ സ്റ്റുഡൻറ്സ് യൂണിയൻ പ്രസിഡൻ്റായിരുന്നു. 1976-1977 കാലഘട്ടത്തിൽ അടിയന്തരാവസ്ഥക്കെതിരെ സമരം ചെയ്തതിന് ജയിൽ വാസം അനുഭവിച്ചിട്ടുണ്ട്.

പ്രധാന പദവികളിൽ

  • 1972-1977 : ആർ.എസ്.എസ്. പ്രവർത്തകൻ
  • 1977-1978 : ഓർഗനൈസിംഗ് സെക്രട്ടറി, എ.ബി.വി.പി ഭോപ്പാൽ യൂണിറ്റ്
  • 1978-1980 : സംസ്ഥാന ജോയിൻറ് സെക്രട്ടറി, എ.ബി.വി.പി
  • 1980-1982 : സംസ്ഥാന ജനറൽ സെക്രട്ടറി, എ.ബി.വി.പി
  • 1982-1983 : ദേശീയ നിർവാഹക സമിതിയംഗം, എ.ബി.വി.പി
  • 1984-1985 : യുവമോർച്ച, സംസ്ഥാന ജോയിൻ്റ് സെക്രട്ടറി
  • 1985-1988 : യുവമോർച്ച, സംസ്ഥാന ജനറൽ സെക്രട്ടറി
  • 1988-1991 : യുവമോർച്ച, സംസ്ഥാന പ്രസിഡൻറ്
  • 1990-1991 : നിയമസഭാംഗം, മധ്യപ്രദേശ്
  • 1991-1996 : ലോക്സഭാംഗം (1), വിദിഷ
  • 1992 : യുവമോർച്ച, ദേശീയ ജനറൽ സെക്രട്ടറി
  • 1992-1994, 1997-1998 : ബിജെപി, സംസ്ഥാന ജനറൽ സെക്രട്ടറി
  • 1996-1998 : ലോക്സഭാംഗം(2), വിദിഷ
  • 1998-1999 : ലോക്സഭാംഗം(3), വിദിഷ
  • 1999-2004 : ലോക്സഭാംഗം(4), വിദിഷ
  • 2000-2003 : യുവമോർച്ച, ദേശീയ പ്രസിഡൻ്റ്, ബിജെപി ദേശീയ ജനറൽ സെക്രട്ടറി
  • 2004-2005 : ലോക്സഭാംഗം(5), വിദിഷ
  • 2004 : ബിജെപി, ദേശീയ ജനറൽ സെക്രട്ടറി, പാർട്ടി പാർലമെൻ്ററി ബോർഡംഗം
  • 2005 : ബിജെപി സംസ്ഥാന പ്രസിഡൻറ്, ബിജെപി ജനറൽ ഇലക്ഷൻ കമ്മറ്റി സെക്രട്ടറി
  • 2006-2008, 2008, 2013, 2018-തുടരുന്നു : നിയമസഭാംഗം, ബുധനി
  • 2005-2008 : മധ്യപ്രദേശ് മുഖ്യമന്ത്രി (1),
  • 2008-2013 : മധ്യപ്രദേശ് മുഖ്യമന്ത്രി (2)
  • 2013-2018 : മധ്യപ്രദേശ് മുഖ്യമന്ത്രി (3)
  • 2018-2020 : പ്രതിപക്ഷ നേതാവ്, മധ്യപ്രദേശ് നിയമസഭ
  • 2020-തുടരുന്നു : മധ്യപ്രദേശ് മുഖ്യമന്ത്രി (4)[6][7]

മധ്യപ്രദേശ് മുഖ്യമന്ത്രിതിരുത്തുക

ലോക്സഭാംഗമായിരിക്കെ 2003-ൽ നടന്ന നിയമസഭ തിരഞ്ഞെടുപ്പിൽ ബിജെപി വൻ ഭൂരിപക്ഷത്തോടെ അധികാരം പിടിച്ചപ്പോൾ അന്നത്തെ കോൺഗ്രസിൻ്റെ മുഖ്യമന്ത്രിയായിരുന്ന ദ്വിഗ് വിജയ് സിംഗിനെതിരെ രഘോഹർ മണ്ഡലത്തിൽ നിന്ന് മത്സരിച്ചെങ്കിലും ജയിക്കാൻ കഴിഞ്ഞില്ല.

2005-ൽ ബിജെപി സംസ്ഥാന പ്രസിഡൻറായിരിക്കവെ അന്നത്തെ ബിജെപിയുടെ മുഖ്യമന്ത്രിയായിരുന്ന ബാബുലാൽ ഗൗറിന് പകരക്കാരനായാണ് ചൗഹാൻ ആദ്യമായി മുഖ്യമന്ത്രിയാവുന്നത്. ലോക്സഭാംഗമായിരുന്ന ചൗഹാൻ ലോക്സഭാംഗത്വം രാജിവച്ച് 2006-ൽ ബുധനി മണ്ഡലത്തിൽ നടന്ന ഉപതിരഞ്ഞെടുപ്പിലൂടെ നിയമസഭാംഗമായി തിരഞ്ഞെടുക്കപ്പെട്ടു.

2008, 2013 എന്നീ വർഷങ്ങളിൽ നടന്ന നിയമസഭ തിരഞ്ഞെടുപ്പുകളിലും ബിജെപിയെ അധികാരത്തിൽ നിലനിർത്താൻ ചൗഹാന് കഴിഞ്ഞു.

2018-ൽ മുഖ്യമന്ത്രിയായി മൂന്നാം തവണയും നിയമസഭ തിരഞ്ഞെടുപ്പിനെ നേരിട്ട ചൗഹാന് പക്ഷേ പാർട്ടിയെ അധികാരത്തിൽ എത്തിക്കാൻ കഴിഞ്ഞില്ല. നേരിയ ഭൂരിപക്ഷത്തിന് അധികാരം നഷ്ടമായതോടെ നിയമസഭയിൽ ബിജെപിയുടെ പ്രതിപക്ഷ നേതാവായി തിരഞ്ഞെടുക്കപ്പെട്ടു.

2020-ൽ[8] പിന്നീടുള്ള ധ്രുവീകരണത്തിൽ കോൺഗ്രസിൻ്റെ മുഖ്യമന്ത്രിയായിരുന്ന കമൽനാഥുമായിട്ടുള്ള അഭിപ്രായ വ്യത്യാസത്തെ തുടർന്ന് കോൺഗ്രസിൻ്റെ നിയമസഭാംഗങ്ങൾ അംഗത്വം രാജിവച്ച് ബിജെപി സ്ഥാനാർത്ഥികളായി മത്സരിച്ച് ജയിച്ചതോടെ ചൗഹാൻ നാലാം പ്രാവശ്യവും മുഖ്യമന്ത്രിയായി തിരഞ്ഞെടുക്കപ്പെട്ടു.[9][10]

അവലംബംതിരുത്തുക

  1. "Biography - Shivraj Singh Chouhan" https://shivrajsinghchouhan.org/biography.aspx
  2. "Members : Lok Sabha" http://loksabhaph.nic.in/Members/memberbioprofile.aspx?mpsno=96&lastls=14
  3. "Shivraj Singh Chauhan Biography - About family, political life, awards won, history" https://www.elections.in/political-leaders/shivraj-singh-chauhan.html
  4. "ശിവരാജ് സിങ് ചൗഹാൻ നാലാമതും മധ്യപ്രദേശ് മുഖ്യമന്ത്രി | Shivraj Singh Chouhan | Manorama News" https://www.manoramaonline.com/news/latest-news/2020/03/23/bjps-shivraj-singh-chouhan-madhya-pradesh-chief-minister.html
  5. "Shivraj Singh Chouhan sworn-in as M.P. CM - The Hindu" https://www.thehindu.com/news/national/other-states/shivraj-singh-chouhan-returns-as-madhya-pradesh-chief-minister/article31144121.ece/amp/
  6. "For the fourth time, Shivraj Singh Chouhan becomes Madhya Pradesh CM" https://www.livemint.com/news/india/fourth-time-lucky-shivraj-singh-chouhan-returns-as-madhya-pradesh-cm/amp-11584978358989.html
  7. "Honorable Shri Shivraj Singh Chouhan, Chief Minister of M.P | Department of Ayush, Government of Madhya Pradesh" http://ayush.mp.gov.in/en/content/shri-shivraj-singh-chouhan
  8. "kamal nath resignation: Kamal Nath resigns as chief minister ahead of Madhya Pradesh floor test - The Economic Times" https://m.economictimes.com/news/politics-and-nation/kamal-nath-announces-resignation-ahead-of-madhya-pradesh-floor-test/amp_articleshow/74725553.cms
  9. "മധ്യം പിടിച്ച് മധ്യപ്രദേശ്; താമരഭൂമി കോൺഗ്രസ് കൈകളിലേക്ക്? | Madhya Pradesh Election Analysis | Manorama News" https://www.manoramaonline.com/news/latest-news/2018/12/11/madhya-pradesh-election-result-2018-political-analysis.html
  10. "Madhya Pradesh bypolls | BJP wins 16 seats; secures government - The Hindu" https://www.thehindu.com/news/national/other-states/madhya-pradesh-bypoll-election-results-2020/article33068480.ece/amp/
"https://ml.wikipedia.org/w/index.php?title=ശിവരാജ്_സിംഗ്_ചൗഹാൻ&oldid=3787315" എന്ന താളിൽനിന്ന് ശേഖരിച്ചത്