വി. രവികുമാർ

മലയാള വിവർത്തകനാണ് വി. രവികുമാർ. വിവർത്തനത്തിനുള്ള കേരള സാഹിത്യ അക്കാദമിയുടെ 2022 ലെ പുരസ്കാരം ലഭിച്ചിട്ടുണ്ട്. ബോദ്‌ലേർ 1821 - 2021 എന്ന വിവർത്തനഗ്രന്ഥമാണ് അവാർഡിന് അർഹമായത്.

വി. രവികുമാർ
വി രവികുമാർ
ജനനം	ചവറ തെക്കുംഭാഗം, കൊല്ലം, കേരളം
ദേശീയത	ഇന്ത്യൻ
തൊഴിൽ	വിവർത്തകൻ, സാഹിത്യകാരൻ

ജീവിതരേഖ

കൊല്ലം ജില്ലയിൽ ചവറ – തെക്കുംഭാഗം സ്വദേശിയാണ്. വടക്കുംഭാഗം കൂട്ടാക്കിൽ വാസുപിള്ള മഹോപാദ്ധ്യായയുടെ മകനാണ്. മുഖം എന്ന പേരിൽ മിനി മാസിക നടത്തിയിരുന്നു. പലായനങ്ങൾ എന്ന പേരിൽ കാഫ്കയുടെ തെരഞ്ഞെടുത്ത കൃതികളായിരുന്നു ആദ്യ കൃതി. റെയിൽവെയിൽ ഉദ്യോഗസ്ഥനായിരുന്നു. വിആർഎസ് വാങ്ങി.

പുരസ്കാരങ്ങൾ

• ഇ.കെ ദിവാകരൻ പോറ്റി സ്മാരക ഗ്രാമിക പുരസ്കാരം
• വിവർത്തനത്തിനുള്ള കേരള സാഹിത്യ അക്കാദമിയുടെ 2022 ലെ പുരസ്കാരം

വിവർത്തനങ്ങൾ

• ഈസോപ്പുകഥകൾ
• മഴ നനയുന്ന പൂച്ച
• ലിറ്റിൽ പ്രിൻസ് (അന്ത്വാൻ ദി സാങ്ത് എക്സ്യൂപെരി)
• കഥ കൈ ചൂണ്ടുന്നത് നിങ്ങളെ (ഹാൻസ് ആൻഡേഴ്സൺ)
• സെ‌ൻ സാരം
• കാഫ്കയുടെ കഥകൾ
• ഇലക്കുടിലുകളും മഞ്ഞുവീടുകളും (ഉലാവ് എച്ച്. ഹേഗ് )
• റിൽക്കെയുടെ " ഒരു യുവ കവിക്കുള്ള കത്തുകൾ"
• ബോദ്‌ലേർ 1821 - 2021
• സ്വപ്നവ്യാഘ്രങ്ങൾ- ബോർഹസിന്റെ മൂന്നു കഥാസമാഹാരങ്ങൾ ഒരുമിച്ചുള്ള ഒമ്നിബസ്.
• നിലാവുള്ള രാത്രിയിൽ - പ്രണയകഥകൾ
• പൂർണ്ണചന്ദ്രനും ചൂണ്ടുവിരലും - സെൻ കഥകൾ
• മൂന്നു മുറിവുകൾ നൂറു കവിതകൾ
• വീസ്വാവ ഷിംബോർസ്ക - അത്ഭുതങ്ങളുടെ മേള
• ദൈവം കണ്ട പോലെ ( ജർമ്മൻ കഥകൾ)