വിദ്വേഷക്കുറ്റങ്ങൾ

വംശീയമോ മതപരമോ സാമൂഹികമോ മറ്റോ ആയ മുൻവിധികളാലോ വിദ്വേഷത്താലോ പ്രേരിതമായി നടത്തപ്പെടുന്ന കുറ്റകൃത്യങ്ങളെ വിദ്വേഷക്കുറ്റങ്ങൾ എന്ന് പറയപ്പെടുന്നു. പലപ്പോഴും കുറ്റവാളി ഒരു പ്രത്യേകവിഭാഗത്തിലെ അല്ലെങ്കിൽ വംശത്തിലെ അംഗങ്ങളെ ഇരകളാക്കുന്നതായാണ് കണ്ടുവരുന്നത്. വംശം, വൈകല്യം, ഭാഷ, ദേശീയത, ശരീരപ്രകൃതി, മതം, ലൈംഗികാഭിമുഖ്യം എന്നിവയൊക്കെ ഇത്തരം അതിക്രമങ്ങൾക്ക് കാരണമാകാറുണ്ട്. ഈ തരത്തിലുള്ളതും എന്നാൽ ക്രിമിനൽ കുറ്റകൃത്യങ്ങളല്ലാത്തവയുമായ പ്രവർത്തനങ്ങളെ വിദ്വേഷത്തിലധിഷ്ഠിതമായ സംഭവങ്ങൾ എന്ന് വ്യവഹരിക്കപ്പെടുന്നു.