വന്ദനമു രഘുനന്ദന

ത്യാഗരാജസ്വാമികൾ സഹാനരാഗത്തിൽ ചിട്ടപ്പെടുത്തിയ ഒരു കീർത്തനമാണ് വന്ദനമു രഘുനന്ദന. പ്രഹ്ലാദഭക്തിവിജയത്തിൽ നിന്നുമുള്ള ഈ ഭാഗം നാടകത്തിൽ പ്രഹ്ലാദൻ രാമനോട് വരാൻ അപേക്ഷിക്കുന്നതുപോലെയാണ് എഴുതപ്പെട്ടിട്ടുള്ളത്.

വരികളും അർത്ഥവും

	വരികൾ	അർത്ഥം
പല്ലവി	വന്ദനമു രഘുനന്ദന സേതു ബന്ധന ഭക്ത ചന്ദന രാമ	സമുദ്രത്തിനു കുറുകേ പാലമുണ്ടാക്കിയ രാമാ ഭക്തർക്ക് ചന്ദനമായ അങ്ങേക്ക് വന്ദനം
ചരണം 1	ശ്രീദമാ നാതോ വാദമാ നേ ഭേദമാ ഇദി മോദമാ രാമ	ഐശ്വര്യദായകനായ രാമാ, എന്നോടെന്താണ് പ്രശ്നം അത് അങ്ങേക്ക് സന്തോഷം നൽകുന്നുണ്ടോ?
ചരണം 2	ശ്രീ രമാ ഹൃച്ചാരമാ ബ്രോവ ഭാരമാ രായഭാരമാ രാമ	ലക്ഷ്മിയുടെ ഹൃദയത്തിൽ വസിക്കുന്നവനായ രാമാ എന്നെ രക്ഷിക്കുന്നത് അത്രയ്ക്ക് ഭാരമാണോ
ചരണം 3	വിണ്ടിനി നമ്മുകൊണ്ടിനി ശരണണ്ടിനി രമ്മണ്ടിനി രാമ	ഞാൻ അങ്ങയെ കേട്ടു, വിശ്വസിച്ചു, അങ്ങയിൽ ആശ്വാസം തേടി, അങ്ങു വരാനായി ആഗ്രഹിച്ചു.
ചരണം 4	ഓഡനു ഭക്തി വീഡനു ഒരുല വേഡനു നീവാഡനു രാമ	ഞാൻ തോൽവി അംഗീകരിക്കില്ല, ഭക്തി ഉപേക്ഷിക്കില്ല മറ്റുള്ളവരെ അന്വേഷിച്ചുപോകില്ല, ഞാൻ അങ്ങയുടേതാണ്
ചരണം 5	കമ്മനി വിഡെമിമ്മനി വരമു കൊമ്മനി പലുകു രമ്മനി രാമ	എന്നോടു വരാൻ പറയൂ, ഞാൻ അങ്ങേക്ക് സുഗന്ധമുള്ള വെറ്റില തന്ന് പകരം അങ്ങയുടെ അനുഗ്രഹം സ്വീകരിക്കാം
ചരണം 6	ന്യായമാ നീകാദായമാ ഇങ്ക ഹേയമാ മുനി ഗേയമാ രാമ	മാമുനിമാരാൽ പുകഴ്ത്തുന്ന രാമാ, ഇതു ന്യായമാണോ? എന്താണിതുകൊണ്ടു ഗുണം? എന്താണ് ഇനിയും അനിഷ്ടം?
ചരണം 7	ചൂഡുമീ കാപാഡുമീ മമ്മു പോഡിമിഗാ കൂഡുമീ രാമ	ഓ! ഭഗവാനേ, എന്നെയൊന്നു നോക്കൂ, എന്നെ രക്ഷിക്കൂ, എന്നോടു ചേർന്നുനിൽക്കൂ
ചരണം 8	ക്ഷേമമു ദിവ്യ ധാമമു നിത്യ നേമമു രാമ നാമമു രാമ	രാമാ! അങ്ങയുടെ നാമമാണെനിക്ക് ആശ്വാസം, രക്ഷസ്ഥലം, നിത്യവും അങ്ങയുടെ നാമം ജപിക്കുന്നതാണെന്റെ വാഗ്ദാനം
ചരണം 9	വേഗ രാ കരുണാ സാഗരാ ശ്രീ ത്യാഗരാജ ഹൃദയാഗാരാ രാമ	ഓ! കാരുണ്യത്തിന്റെ കടലേ, ത്യാഗരാജന്റെ ഹൃദയത്തിൽ വസിക്കുന്നവനേ, ദയവായി വേഗം വരൂ.

പുറത്തേക്കുള്ള കണ്ണികൾ

• പാവനി കോട്ടാ ആലപിച്ചത്
• ബാലമുരളീകൃഷ്‌ണ ആലപിച്ചത്
• എസ് പി രാം ആലപിച്ചത്