ലുബ്ന അൽ ഖുർതുബ

അന്തലൂഷ്യൻ പണ്ഡിതയും ഗണിതജ്ഞയുമായിരുന്നു ലുബ്ന അൽ ഖുർതുബ( അറബി: لبنى القرطبية‬ ). വ്യാകരണം, കവിത, ഗണിതം എന്നിവയായിരുന്നു ലുബ്നയുടെ ഇഷ്ടവിഷയങ്ങൾ.

ചരിത്രം

പത്താം നൂറ്റാണ്ടിന്റെ രണ്ടാം പകുതിയിലായിരുന്നു ലുബ്ന ജീവിച്ചിരുന്നത്. സ്പാനിഷ് വംശജയായിരുന്ന അടിമപ്പെൺകുട്ടിയായിരുന്നു ലുബ്ന. കൊർദോവയിലെ അൽ ഹകം രണ്ടാമന്റെ കീഴിൽ സേവനമനുഷ്ഠിച്ചു വന്നു.

കൊർദോവയിലെ ലൈബ്രറിയിൽ കയ്യെഴുത്തുപ്രതികൾ കൈകാര്യം ചെയ്യാൻ ചുമതലപ്പെട്ട ലുബ്ന, അവ പകർത്തുന്നതിലും വിവർത്തനം ചെയ്യുന്നതിലും ശ്രദ്ധിച്ചുവന്നു. അഞ്ച് ലക്ഷത്തോളം ഗ്രന്ഥങ്ങൾ ഉൾക്കൊള്ളുന്ന മദീന അൽ സഹ്റ ലൈബ്രറിയുടെ രൂപീകരണത്തിൽ നിർണ്ണായക പങ്കാളിത്തം അവർ വഹിച്ചിരുന്നു.