ലിസ ഒമോറോഡിയൻ
നൈജീരിയൻ നടിയും ചലച്ചിത്ര നിർമ്മാതാവും വ്യവസായിയുമാണ് ലിസ ഒമോറോഡിയൻ രാജകുമാരി ലിസ ഒമോറോഡിയൻ എന്നുമറിയപ്പെടുന്നു. ജോസഫ് ബെഞ്ചമിൻ, മൊണാലിസ ചിന്ത എന്നിവർക്കൊപ്പം 2013-ൽ പുറത്തിറങ്ങിയ ഫസ്റ്റ് കട്ട് എന്ന ചിത്രത്തിലെ പ്രധാന വേഷത്തിലൂടെയാണ് അവർ കൂടുതൽ അറിയപ്പെടുന്നത്.[1][2]
Lisa Omorodion | |
|---|---|
| ജനനം | London, England |
| തൊഴിൽ | Actor, movie producer, entrepreneur |
മുൻകാലജീവിതം തിരുത്തുക
ലണ്ടനിലാണ് ഒമോറോഡിയൻ ജനിച്ചത്.[3] എഡോ വംശജനായ അവരുടെ പിതാവ് ഒരു എഞ്ചിനീയറും ഹെൻസ്‌മോർ ഓയിൽ ആൻഡ് ഗ്യാസിന്റെ [4] സ്ഥാപകനുമാണ്. അമ്മ ഒരു അഭിഭാഷകയുമാണ്. അവർ ആറ് മക്കളിൽ അഞ്ചാമത്തേതാണ്.
ഒമോറോഡിയൻ നൈജീരിയയിലെ ലാഗോസിലെ കൊറോണ പ്രൈമറി സ്കൂളിൽ ചേർന്നു.[4]പ്രൈമറി സ്കൂളിൽ പഠിക്കുമ്പോൾ, അവർ സ്കൂളിലെ നാടക ക്ലബ്ബിൽ ചേർന്നു. അവിടെ കലയോടുള്ള അവരുടെ അഭിനിവേശം ജ്വലിച്ചു. അതിനുശേഷം അവർ മൂന്ന് വർഷം കമാൻഡ് സെക്കൻഡറി സ്കൂളിലും തുടർന്ന് അറ്റ്ലാന്റിക് ഹാളിലും പോക്ക എപെ സെക്കൻഡറി സ്കൂളിലും സീനിയർ സെക്കൻഡറി സ്കൂൾ വർഷങ്ങളിൽ പഠിച്ചു. അവിടെ അവർ നാടക ക്ലബ്ബിന്റെ ഭാഗമായിരുന്നു. തുടർന്ന് അവർ ലാഗോസ് യൂണിവേഴ്സിറ്റിയിൽ ചേർന്നു. അവിടെ സാമ്പത്തിക ശാസ്ത്രത്തിൽ ബിരുദം നേടി.[3]
കരിയർ തിരുത്തുക
ഒമോറോഡിയൻ 2013-ൽ തന്റെ ആദ്യ ഫീച്ചർ ഫിലിം ഫസ്റ്റ് കട്ട് നിർമ്മിക്കുകയും അഭിനയിക്കുകയും ചെയ്തു.[5] ബലാത്സംഗം, ഗാർഹിക പീഡനം തുടങ്ങിയ സെൻസിറ്റീവ് വിഷയങ്ങളിൽ സാമൂഹിക അവബോധം സൃഷ്ടിച്ചതിലൂടെ ചിത്രം ശ്രദ്ധിക്കപ്പെട്ടു. അതേ വർഷം, അവർ നൈജീരിയൻ ഫിലിം പ്രൊഡക്ഷൻ കമ്പനിയായ പ്ലാറ്റിനം സ്റ്റുഡിയോസ് [3] സ്ഥാപിച്ചു. അതിനുശേഷം അവർ Schemers (2015), The Inn (2016) Karma is Bae (2017) തുടങ്ങിയ മറ്റ് സിനിമകൾ നിർമ്മിക്കുകയും അഭിനയിക്കുകയും ചെയ്തിട്ടുണ്ട്. 2014-ൽ ഒബി എമെലോണി സംവിധാനം ചെയ്ത ദി കാലാബാഷ് എന്ന പരമ്പരയിൽ ചെറിയ സ്‌ക്രീൻ അഭിനയത്തിൽ അരങ്ങേറ്റം കുറിച്ച അവർ 2015-ൽ, എൻഡാനി ടിവി നിർമ്മിച്ച സ്കിന്നി ഗേൾ ഇൻ ട്രാൻസിറ്റ് എന്ന നിരൂപക പ്രശംസ നേടിയ ടെലിവിഷൻ പരമ്പരയിൽ ഫോലാകെമിയായി അഭിനയിക്കാൻ തുടങ്ങി.
സ്വകാര്യ ജീവിതം തിരുത്തുക
ചലച്ചിത്രനിർമ്മാണത്തിനും അഭിനയത്തിനും പുറമെ, ഓമോറോഡിയൻ അവരുടെ പിതാവ് സ്ഥാപിച്ച ഓയിൽ ആൻഡ് ഗ്യാസ് സ്ഥാപനമായ ഹെൻസ്‌മോർ ഓയിലിന്റെ ബോർഡിൽ ഡയറക്ടറായി പ്രവർത്തിക്കുന്നു.[3]
അവാർഡുകളും അംഗീകാരവും തിരുത്തുക
2016-ൽ, നൈജീരിയ മെറിറ്റോറിയസ് അവാർഡ് ഈ വർഷത്തെ ഏറ്റവും മികച്ച നടിക്കുള്ള അവാർഡ് ഒമോറോഡിയോണിന് ലഭിച്ചു.[6]2016-ൽ SME100 ആഫ്രിക്കയുടെ നൈജീരിയയിലെ 25 വയസ്സിന് താഴെയുള്ള സംരംഭകരായ സ്ത്രീകളിൽ ഒരാളായി അവർക്ക് അംഗീകാരം ലഭിച്ചു.[3] അതേ വർഷം തന്നെ, സിറ്റി പീപ്പിൾ അവാർഡുകൾ ഈ വർഷത്തെ ഏറ്റവും മികച്ച നടിയായി നാമനിർദ്ദേശം ചെയ്യപ്പെട്ടു.[7]
2014-ലെ ഹൗസ് ഓഫ് മാലിക്,[8] 2016-ലെ വാൻഗാർഡ് അല്ലൂർ,[9] 2018-ലെ ലാ 'മോഡ് എന്നിവയുൾപ്പെടെ നിരവധി ശ്രദ്ധേയമായ നൈജീരിയൻ മാസികകൾ ഒമോറോഡിയോൺ കവർ ചെയ്തിട്ടുണ്ട്. [10]
അവലംബം തിരുത്തുക
- ↑ "Who is Lisa Henry Omorodion". Vanguard Newspaper. Retrieved 5 April 2018.
- ↑ "Lisa Omorodion Cover Personality for La Mode Magazine March 2018 Issue Chic and Curvy 28th Edition". LaMode Magazine. Retrieved 5 April 2018.
- ↑ 3.0 3.1 3.2 3.3 3.4 "7 things you should know about actress, producer". PulseNG. Retrieved 5 April 2018.
- ↑ 4.0 4.1 "I am a Go-Getter – Lisa Omorodion". The Punch Newspaper. Retrieved 5 April 2018.
- ↑ "The Enigmatic Nollywood diva Lisa Omorodion". The Nation Newspaper. Retrieved 5 April 2018.
- ↑ "Congrats to Lisa Omorodion as she wins the most Promising Actress award at the NIGMA AWARDS 2016". The Daily Times Newspaper. Retrieved 6 April 2018.
- ↑ "City People Entertainment Awards 2016 "Suru L'ere," "Tinsel," Adeniyi Johnson, Mide Martins among nominees". The PulseNG. Retrieved 6 April 2018.
- ↑ "Ice Prince & Lisa Omorodion cover the September 2014 issue of House of MaliQ". Bella Naija. Retrieved 6 April 2018.
- ↑ "Actress-Producer Lisa Henry Omorodion Covers Vanguard Allure, See The Sultry Photos!". Ono Bello. Archived from the original on 2021-11-21. Retrieved 6 April 2018.
- ↑ "Chic & Curvy! Nollywood Actress Lisa Omorodion covers La Mode Magazine's Latest Issue". Bella Naija. Retrieved 6 April 2018.