ലാൽസലാം

കമ്യൂണിസ്റ്റുകാർ പരസ്പരം അഭിവാദനം ചെയ്യാൻ ഉപയോഗിക്കുന്ന പദമാണ് ലാൽ സലാം.

പദത്തിന്റെ അർത്ഥം

ഉറുദു ഭാഷയിലുള്ള ലാൽ എന്നും സലാം എന്നുമുള്ള രണ്ട് വാക്കുകൾ ചേർത്താണ് ഈ അഭിവാദനപദം നിർമ്മിക്കപ്പെട്ടത്. ചുവപ്പ്, അഭിവാദനം ഇങ്ങനെയാണ് ഈ വാക്കുകളുടെ അർത്ഥം. ആംഗലഭാഷയിലെ റെഡ് സല്യൂട്ട് എന്ന കമ്യൂണിസ്റ്റ് അഭിവാദനപദത്തിന്റെ വിവർത്തനമായാണ് ഈ സമസ്തപദം ഉണ്ടാക്കിയിട്ടുള്ളത്. ഇന്ത്യയിലെ കമ്യൂണിസ്റ്റകൾ സാമാന്യേന ഉപയോഗിക്കുന്ന പദമാണെങ്കിലും ഈ പദം തന്നെ ഉപയോഗിച്ച് അഭിവാദനം ചെയ്യണം എന്ന് നിർബ്ബന്ധമില്ല. എല്ലാ മതവിശ്വാസങ്ങൾ പുലർത്തുന്നവർക്കും ഈ അഭിവാദനം ഉപയോഗിക്കാവുന്നതാണ്. പ്രത്യഭിവാദനം നിർബ്ബന്ധമാണ്. ലാൽ സലാം എന്നതാണ് പ്രത്യഭിവാദനത്തിനും ഉപയോഗിക്കുന്നത്.

അഭിവാദനരീതി

ഇടതു മുഷ്ടി ചുരുട്ടി ഉയർത്തിപ്പിടിച്ച് അഭിവാദനം ചെയ്യുക എന്നതാണ് പ്രയോഗരീതി. പ്രത്യഭിവാദനത്തിനും ഇതേ രീതി തന്നെ ഉപയോഗിക്കുന്നു. പ്രത്യഭിവാദനമായി മതപരമായ അഭിവാദനപദങ്ങൾ ഉപയോഗിക്കുന്നത് നിഷിധമാണ്.

നിത്യജീവിതത്തിൽ പരസ്പരം കണ്ടുമുട്ടുന്ന സന്ദർഭത്തിൽ മാത്രമല്ല പ്രസംഗവേദികളിലും ഈ പദം ഉപയോഗിക്കും. പ്രസംഗത്തിന്റെ തുടക്കത്തിലും ഒടുക്കത്തിലും ഇത് ഉപയോഗിക്കും. എന്നാൽ അങ്ങനെ ചെയ്യണമെന്നു നിർബ്ബന്ധമില്ല.