റോബർട്ട് ഡ്രമ്മൺഡ്

മലയാളവ്യാകരണം സമാഹരിക്കുകയും പ്രസിദ്ധീകരിക്കുകയും ചെയ്ത ആദ്യ ഇംഗ്ലീഷുകാരനാണ് റോബർട്ട് ഡ്രമ്മൺഡ്. 1799 ൽ ബോംബെയിലെ കുറിയർ പ്രസ്സാണ് അദ്ദേഹം രചിച്ച 'Grammar of the Malabar Language' എന്ന പുസ്തകം പ്രസിദ്ധീകരിച്ചത്.^[1] ഈ പുസ്തകത്തിനു വേണ്ടിയാണ് ഇന്ത്യയിൽ ആദ്യമായി മലയാള അച്ചുകൾ കൊത്തിയുണ്ടാക്കിയത്. ശസ്ത്രക്രിയാ വിദഗ്ദ്ധനായിരുന്ന അദ്ദേഹം ഇന്ത്യയിൽ പ്രവർത്തിച്ചിരുന്ന ബ്രിട്ടീഷ് ഈസ്റ്റ് ഇന്ത്യ കമ്പനി ഉദ്യോഗസ്ഥരുടേയും കത്തോലിക്കാ മിഷണറിമാരുടേയും സഹായത്താലും പ്രേരണയാലുമാണ് ഈ ഗ്രന്ഥം രചിച്ചത്.^[2] വളരെ അപൂർവ്വവമായ ഈ കൃതിയുടെ പതിപ്പ് കൊൽക്കത്തയിലെ ഭാരതീയ ദേശീയ ഗ്രന്ഥശാലയിൽ ലഭ്യമാണ്.^[3]

ഡ്രമ്മണ്ടിന്റെ പുസ്തകത്തിലെ ഭാഷ ഇംഗ്ലീഷാണെങ്കിലും ഉദാഹരണങ്ങൾ മലയാളത്തിലുള്ള കൃതികളിൽ നിന്നാണ് ഉദ്ധരിച്ചിരിക്കുന്നത്. ക്ലമന്റിന്റെ സംക്ഷേപവേദാർത്ഥത്തിലുള്ള നിരവധി വാക്യങ്ങൾ ഇതിനായി ഉപയോഗിച്ചിട്ടുണ്ട്. മറ്റു വരാപ്പുഴ പാതിരിമാരുടെ വ്യാകരണം തുടങ്ങിയ ഭാഷാ ശാസ്ത്ര സംബന്ധിയായ ഗ്രന്ഥങ്ങളോടും ഈ കൃതിക്ക് കടപ്പാടുണ്ട്.^[4]

അവലംബം

↑ ഡ്രമ്മൺഡ്, റോബർട്ട്. Grammar of the Malabar Language (PDF) (in ഇംഗ്ലീഷ്) (പ്രഥമ പതിപ്പ് ed.). ബോംബെ: കുറിയർ പ്രസ്സ്. Retrieved 1 ജൂൺ 2013. {{cite book}}: Cite has empty unknown parameter: |chapterurl= (help)
↑ കേരള ചരിത്രം, പ്രൊഫ: എ ശ്രീധരമേനോൻ
↑ ഭാരതീയ ദേശീയ ഗ്രന്ഥശാല - മലയാള ഭാഷാ സമാഹാരങ്ങൾ
↑ ഉള്ളൂർ (1964). കേരള സാഹിത്യ ചരിത്രം. കേരള സാഹിത്യ അക്കാദമി. p. 680.

പുറത്തേക്കുള്ള കണ്ണികൾ

[bio-1] ഡ്രമ്മൺഡ്, റോബർട്ട്. Grammar of the Malabar Language (PDF) (in ഇംഗ്ലീഷ്) (പ്രഥമ പതിപ്പ് ed.). ബോംബെ: കുറിയർ പ്രസ്സ്. Retrieved 1 ജൂൺ 2013. {{cite book}}: Cite has empty unknown parameter: |chapterurl= (help)

[2] കേരള ചരിത്രം, പ്രൊഫ: എ ശ്രീധരമേനോൻ

[3] ഭാരതീയ ദേശീയ ഗ്രന്ഥശാല - മലയാള ഭാഷാ സമാഹാരങ്ങൾ

[4] ഉള്ളൂർ (1964). കേരള സാഹിത്യ ചരിത്രം. കേരള സാഹിത്യ അക്കാദമി. p. 680.

[1]

[2]

[3]

[4]