റാൽഫ് ബീറ്റി ബ്ലാക്കെറ്റ്
ഓസ്‌ട്രേലിയയിലെ ന്യൂ സൗത്ത് വെയിൽസ് സർവ്വകലാശാലയിലെ ഒരു ഓസ്‌ട്രേലിയൻ ഫൗണ്ടേഷൻ മെഡിസിൻ പ്രൊഫസറായിരുന്നു റാൽഫ് ബീറ്റി ബ്ലാക്കെറ്റ് AO (ജൂലൈ 11, 1919 - 2010) .[1] ബെറിബെറി, ഹൃദ്രോഗം തുടങ്ങിയ രോഗങ്ങളെക്കുറിച്ചുള്ള സുപ്രധാന ഗവേഷണങ്ങൾ അദ്ദേഹത്തിന്റെ ചുമതലയിലായിരുന്നു.
ആദ്യകാല ജീവിതവും വിദ്യാഭ്യാസവും
തിരുത്തുകറാൽഫ് ബീറ്റി ബ്ലാക്കെറ്റ് 1935-ൽ സിഡ്‌നി ബോയ്‌സ് ഹൈസ്‌കൂളിൽ നിന്ന് ബിരുദം നേടി. അദ്ദേഹം സിഡ്‌നി സർവ്വകലാശാലയിൽ ഉപരിപഠനത്തിന് ചേരുകയും[2] 1941-ൽ വൈദ്യശാസ്ത്രത്തിൽ ബിരുദം സർവ്വകലാശാലയിലെ മെഡൽ സഹിതം കരസ്ഥമാക്കി
ഔദ്യോഗിക ജീവിതം
തിരുത്തുകരണ്ടാം ലോകമഹായുദ്ധകാലത്ത്, ന്യൂ ഗിനിയയിലെ റോയൽ ഓസ്‌ട്രേലിയൻ ആർമി മെഡിക്കൽ കോർപ്‌സിൽ ചേർന്ന ബ്ലാക്കെറ്റ് 1942-ൽ 45 ന്യൂ ഗിനിയ 9ത് ഡിവിഷനിൽ മേജർ പദവി നേടിയിരുന്നു.
യുദ്ധാനന്തരം ബ്ലാക്കറ്റ് റോയൽ പ്രിൻസ് ആൽഫ്രഡ് ഹോസ്പിറ്റലിൽനിന്ന് റസിഡൻസി പൂർത്തിയാക്കി. കാർഡിയോളജിയിൽ ഹാൾസ്‌ട്രോം ഫെല്ലോ ആയിരുന്ന അദ്ദേഹം, സിഡ്‌നി സർവ്വകലാശാലയിൽ പാർട്ട് ടൈം ലെക്ചറിങ് സമയത്തും പഠനം നടത്തിക്കൊണ്ട് 1957-ൽ ഡോക്‌ടർ ഓഫ് മെഡിസിൻ ബിരുദം നേടി. ബെറിബെറി എന്ന രോഗത്തെക്കുറിച്ച് ഗവേഷണം നടത്തിയ അദ്ദേഹത്തിന്റെ പ്രബന്ധത്തിന് പീറ്റർ ബാൻക്രോഫ്റ്റ് പുരസ്കാരം ലഭിച്ചു.[3] ദി ബെറി-ബെറി ഹാർട്ട് എന്ന പേരിൽ അദ്ദേഹം ഇതിനെക്കുറിച്ച് ഒരു പുസ്തകവും എഴുതി.(The Beri-beri Heart)
ന്യൂ സൗത്ത് വെയിൽസ് സർവ്വകലാശാലയിൽ വൈദ്യശാസ്ത്ര പ്രൊഫസറായും[4] മറ്റ് രണ്ട് ആശുപത്രികളിൽ മെഡിസിൻ വിഭാഗത്തിൻറെ മേധാവിയായും അദ്ദേഹം ജോലി ചെയ്തു.[5] ഹൃദ്രോഗത്തിന്റെ കാരണങ്ങളെക്കുറിച്ച് പഠനം നടത്തിയ അദ്ദേഹം കൊളസ്ട്രോൾ [6]ഹൃദ്രോഗത്തിന് ഒരു മുഖ്യ ഘടകമാണെന്ന് നിർദ്ദേശിക്കുകയും കൂടാതെ ഓസ്‌ട്രേലിയയിലെ നാഷണൽ ഹാർട്ട് ഫൗണ്ടേഷന്റെ സഹസ്ഥാപകനാകുകയും ചെയ്തു.[7]
വൻകിട ആശുപത്രികളുടെ ക്ലിനിക്കൽ മാനേജ്മെന്റിനെക്കുറിച്ചുള്ള ബൺബറി ലൈഫ് പഠനത്തിൽ പങ്കെടുത്ത അദ്ദേഹം, മെഡിക്കൽ ഉപദേശക സമിതികളോടൊപ്പം പ്രവർത്തിക്കുകയും[8] മെഡിക്കൽ ജേണലുകളിൽ ഏകദേശം 120 ഓളം പ്രബന്ധങ്ങൾ പ്രസിദ്ധീകരിക്കുകയും ചെയ്തു.
വൈദ്യശാസ്ത്ര മേഖലയ്ക്ക് അദ്ദേഹം നൽകിയ സംഭാവനകൾ കണക്കിലെടുത്ത് 1984-ൽ ബ്ലാക്കെറ്റിനെ ഓർഡർ ഓഫ് ഓസ്‌ട്രേലിയയുടെ ഒരു ഓഫീസറായി നിയമിച്ചു.[9][10]
1999-ൽ ന്യൂ സൗത്ത് വെയിൽസ് സർവ്വകലാശാല ബഹുമാനാർത്ഥം ബ്ലാക്കെറ്റിന് ഓണററി ബിരുദം നൽകി.[11]
സ്വകാര്യജീവിതം
തിരുത്തുകബ്ലാക്കെറ്റ് മാർഗരറ്റ് മക്‌ൽറത്തിനെ വിവാഹം കഴിക്കുകയും, ദമ്പതികൾക്ക് അഞ്ച് കുട്ടികളുണ്ടാവുകയും ചെയ്തു.
അവലംബം
തിരുത്തുക- ↑ G. H Brown; William Munk; Richard Robertson Trail; Gordon Ethelbert Ward Wolstenholme (1984). Lives of the Fellows of the Royal College of Physicians of London. Royal College of Physicians. ISBN 9780904147681.
- ↑ Who's who in Australia. Herald and Weekly Times Limited. 1988. p. 121.
- ↑ "Beri-beri Prize wins prize and doctorate". The Sydney Morning Herald - Jan 25, 1957.
- ↑ "For new settlers, loyalty is gradually acquired". The Sydney Morning Herald, Sydney, New South Wales, January 26, 1984, page 36.
- ↑ Robin Berwick Walker; Dave Roberts (December 1988). From scarcity to surfeit: a history of food and nutrition in New South Wales. New South Wales University Press. p. 127. ISBN 9780868400112.
- ↑ "Jests By Doctors Under Attack" The Sydney Morning Herald - May 29, 1977 Peter Mahoney .
- ↑ "Doctor made breakthrough on heart disease'. Sydney Morning Herald, January 26, 2009
- ↑ Thomas Bourne Turner (1981). Part of medicine, part of me: musings of a Johns Hopkins dean. Johns Hopkins Medical School. p. 229.
- ↑ ""Australia Day1984 Honours". Commonwealth of Australia Gazette" (PDF). Archived from the original (PDF) on 2018-04-08. Retrieved 2014-10-12.
- ↑ Medical Journal of Australia. Australasian Medical Publishing Company. 1984. p. 368.
- ↑ "Honorary Degree and Fellowship holders". University of New South Wales website.
പുറത്തേയ്ക്കുള്ള കണ്ണികൾ
തിരുത്തുക- Ralph Beattie Blacket (1955). The Beri-beri Heart. University of Sydney.