രാമായണം (പൈകോ ചിത്രകഥ)
ഈ ലേഖനം ഏതെങ്കിലും സ്രോതസ്സുകളിൽ നിന്നുള്ള വേണ്ടത്ര തെളിവുകൾ ഉൾക്കൊള്ളുന്നില്ല. ദയവായി യോഗ്യങ്ങളായ സ്രോതസ്സുകളിൽ നിന്നുമുള്ള അവലംബങ്ങൾ ചേർത്ത് ലേഖനം മെച്ചപ്പെടുത്തുക. അവലംബമില്ലാത്ത വസ്തുതകൾ ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
രാമായണത്തെ അടിസ്ഥാനമാക്കി പൈകോ പബ്ലീഷിംഗ് ഹൗസ്, എറണാകുളം പ്രസിദ്ധീകരിച്ച് പൈ ആന്റ് കമ്പനി വിതരണം ചെയ്ത ഒരു മലയാള ചിത്രകഥാപുസ്തകമാണ് രാമായണം. വാല്മീകിരാമായണത്തെ ഉപജീവിച്ചാണ് ഈ ചിത്രകഥ തയ്യാറാക്കിയിരുന്നത്. കുട്ടികളുടെ സ്വഭാവരൂപീകരണത്തിൽ ഏറ്റവുമധികം സ്വാധീനം ചെലുത്താൻ കഴിയുന്ന ഉത്തമകഥയെന്ന നിലയ്ക്ക്, രാമായണം കുട്ടികൾക്ക് എളുപ്പം മനസ്സിലാക്കാൻ പറ്റിയ ചിത്രകഥാരൂപത്തിൽ പൂർണമായി പൈകോ അവതരിപ്പിച്ചു. 1986-ലാണ് ഈ ചിത്രകഥ ആദ്യമായി പ്രസിദ്ധീകരിക്കപ്പെട്ടത്. 1988-ൽ റീപ്രിന്റ് ചെയ്തു. ദശരഥൻ നടത്തുന്ന പുത്രകാമേഷ്ടി യാഗം മുതൽ അയോധ്യാരാജാവായി ശ്രീരാമൻ അഭിഷേകം ചെയ്യപ്പെടുന്നതുവരെയുള്ള ഭാഗങ്ങളാണ് ചിത്രകഥയിൽ ഉള്ളത്. വർണാഭമായ സുന്ദര ചിത്രങ്ങൾ ഈ പുസ്തകത്തെ മനോഹരമാക്കുന്നു. ബോംബെയിലെ ഐ.ബി.എച്ച്.പ്രസാധകരുമായുള്ള ധാരണയിന്മേലാണ് മലയാളത്തിലുള്ള ഈ ചിത്രകഥാപുസ്തകം പ്രസാധനം ചെയ്യപ്പെട്ടത്. ചിത്രങ്ങൾ വരച്ചത് പ്രതാപ് മല്ലികും സ്ക്രിപ്റ്റ് രചിച്ചത് സുബ്ബറാവുവും ആയിരുന്നു. മലയാളം പതിപ്പ് അച്ചടിച്ചത് കൊച്ചിയിലെ 'പൂമ്പാറ്റ പബ്ലിക്കേഷൻസ് ആന്റ് പ്രിന്റിംഗ് ഡിവിഷനി'ലായിരുന്നു. കേരളത്തിലെ കുട്ടികളുടെയിടയിൽ പ്രചാരത്തിലുണ്ടായിരുന്ന 'പൂമ്പാറ്റ' എന്ന ബാലമാസികയിലൂടെ ഈ പുസ്തകത്തിന് ധാരാളം പരസ്യവും പ്രസാധകർ നൽകി. 15രൂപയായിരുന്നു പുസ്തകത്തിന്റെ വിപണനമൂല്യം.
