യോഗ്യകാർട്ടാ പ്രമാണങ്ങൾ

മനുഷ്യാവകാശങ്ങൾ സംരക്ഷിക്കപെടുന്നതിന് അന്തർദേശീയ തലത്തിലുള്ള മനുഷ്യാവകാശ മുന്നേറ്റങ്ങളും , എൽ.ജി .ബി. റ്റി സമുദായവുമായി ബന്ധപെട്ടിട്ടുള്ള നിയമങ്ങളും അനുബന്ധ വകുപ്പുകളും ഇത്യാദി ഉൾപ്പെടുന്ന ഒരു പ്രമാണസംഹിത ആണ് യോഗ്യകാർട്ടാ പ്രമാണങ്ങൾ. വ്യക്തിസ്വത്വവും വ്യക്തിസ്വാതന്ത്ര്യവും മനുഷ്യാവകാശം എന്ന നിലക്ക് കണ്ടുകൊണ്ടു ഉടലെടുത്ത ഈ സംഹിത 2006 നവംബർ 6 മുതൽ 9 വരെ ഇൻഡോനേഷ്യയിലെ ജാവയിൽ നടന്ന നിയമവിദഗ്‌ദ്ധരുടേയും നിയമജ്ഞരുടേയും അഭിഭാഷകരുടേയും മനുഷ്യാവകാശപ്രവർത്തകരുടെയും അന്തർദേശീയ സമിതിയിൽ നിന്നുമാണ് രൂപംകൊണ്ടത്. ലൈംഗികതയുമായി ബന്ധപെട്ടുള്ള തദ്ദേശജന്യമായ മുന്നേറ്റങ്ങളും ലോകത്താകമാനമുള്ള മനുഷ്യാവകാശ പ്രസ്ഥാനങ്ങളും ഈ സംഹിതയ്ക്ക് ആക്കം കൂട്ടുകയും ചെയ്തു.

ആഗോളമായി മനുഷ്യാവകാശങ്ങളുമായി ബന്ധപെട്ടിട്ടുള്ള വിഷയങ്ങളായ ലൈംഗികപീഡനം, ബലാൽസംഘം, ഗാർഹീകപീഡനം, അഭിമാനഹത്യ, സ്വകാര്യതയിലുള്ള കടന്നുകയറ്റം, അനിയന്ത്രിതമായ ബന്ധനവും കാരാഗൃഹവാസവും, മത-വർഗ്ഗ-ലിംഗ വിവേചനം, കുടിയേറ്റം എന്നിവയൊക്കെ പ്രതിപാദിക്കുന്ന യോഗ്യകാർട്ടാ പ്രമാണങ്ങൾ പ്രധാനമായും ലിംഗചായ്‌വിനെയും ലിംഗതന്മയുയെയുംകൂടി അഭിസംബോധന ചെയ്യുന്നു എങ്കിൽ കൂടി വിവിധങ്ങളായ കാരങ്ങൾ മൂലം ഐഖ്യരാഷ്ട്രസഭ തത്ത്വത്തിൽ ഇതിനെ അംഗീകരിക്കുകയുണ്ടായില്ല. . യോഗ്യകാർട്ടാ പ്രമാണങ്ങളെ അനുകൂലിച്ചും പ്രതികൂലിച്ചുമുള്ള നിലപാടുമായി അനേകം സംഘടനകൾ രംഗത്ത് വരികയും ചർച്ചകൾ നടക്കുകയുമുണ്ടായപ്പോൾ 2014ഇൽ ഇന്ത്യയിലെ പരംമോന്നത നീതിപീഠം അപരലിംഗത്തിൽ പെട്ടവരെ മൂന്നാംലിംഗക്കാരായി അംഗീകരിച്ചുകൊണ്ടുള്ള വിധി പുറപ്പെടുവിച്ചപ്പോൾ യോഗ്യകാർട്ടാ പ്രമാണങ്ങളെ അവലംബിച്ചു പരാമർശി ക്കുകയുണ്ടായി.