യുരൂബി ദേശീയോദ്യാനം
യുരൂബി ദേശീയോദ്യാനം ((Spanish: Parque nacional Yurubí))[1] തെക്കേ അമേരിക്കൻ രാജ്യമായ വെനിസ്വേലയുടെ വടക്കുഭാഗത്തുള്ള ദേശീയോദ്യാനമെന്ന പദവിയുള്ള[2] ഒരു സംരക്ഷിത പ്രദേശമാണ്.[3]
| Yurubí National Park Parque Nacional Yurubí | |
|---|---|
ഐ.യു.സി.എൻ. ഗണം II (ദേശീയോദ്യാനം) | |
 | |
.jpg)  Location | |
| Location |  Venezuela |
| Coordinates | 10°28′N 68°39′W / 10.467°N 68.650°W |
| Area | 236.7 കി.m2 (91.4 ച മൈ) |
| Established | മാർച്ച് 18, 1960 |
1960 മാർച്ച് 18 ന് യരാക്വേ സംസ്ഥാനത്തിലാണ് ഈ ദേശീയോദ്യാനം സ്ഥാപിക്കപ്പെട്ടത്.[4] സാൻ ഫിലിപ്പെ നഗരത്തിനു ശുദ്ധജലം ലഭ്യമാകുന്ന പ്രധാന ഉറവിടമായ യൂറുബി നദീതടം സംരക്ഷിക്കുകയെന്ന ലക്ഷ്യമാണ് ഈ ദേശീയോദ്യാന രൂപീകരണത്തിൻറെ പ്രധാന ഉദ്ദേശം. സിയേറ ഡി അറോവ മലനിരകളിലാണ് യുരൂബി ദേശീയോദ്യാനം സ്ഥിതിചെയ്യുന്നത്. ക്ലൗഡ് വനങ്ങളും താഴ്ന്ന പർവ്വതപ്രകൃത വനങ്ങളും ഉൾക്കൊള്ളുന്ന ഈ ദേശീയോദ്യാനത്തിനു ചുറ്റും കാർഷിക മേഖലകളാണ്. ദേശീയോദ്യാനത്തിനുള്ളിലെ ചെറിയ വഴിത്താരകൾ പ്രധാനമായി മൃഗവേട്ടക്കാരോ ഒറ്റപ്പെട്ട സന്ദർശകരോ ഗവേഷകരോ ഒക്കെയാണ് ഉപയോഗിക്കാറുള്ളത്. ദേശീയോദ്യാനത്തിൽ ജനവാസമില്ല. ഈ പ്രദേശത്തെ പഴയ കുടിയേറ്റക്കാരെ മറ്റ പ്രദേശങ്ങളിലേയ്ക്ക് അനവധി വർഷങ്ങൾക്കു മുമ്പ്തന്നെ മാറ്റിയിരുന്നു. ഈ ദേശീയോദ്യാനത്തിൻറെ ഭൂമിശാസ്ത്രപരമായ സ്ഥാനം കാരണം, ഇവിടെ ഉയർന്ന അളവിലുള്ള ജൈവവൈവിധ്യവും തനതുസസ്യജന്തുജാലങ്ങളും കണ്ടുവരുന്നു. എന്നിരുന്നാലും പരിമിതമായ തോതിലുള്ള ഗവേഷണങ്ങളാണ് നടത്തപ്പെട്ടിട്ടുള്ളതെന്നതിനാൽ ദേശീയോദ്യാനത്തെക്കുറിച്ച് പരിമിതമായ അറിവകളേയുള്ളു.
അവലംബം
തിരുത്തുക- ↑ Maddicks, Russell (2010-12-15). Venezuela: The Bradt Travel Guide (in ഇംഗ്ലീഷ്). Bradt Travel Guides. ISBN 9781841622996.
- ↑ Compilación legislativa sobre protección ambiental (in സ്‌പാനിഷ്). Ministerio del Ambiente, Consultoría Jurídica. 1978-01-01.
- ↑ (Venezuela), Instituto Nacional de Parques; (Venezuela), Fundación de Educación Ambiental (1983-01-01). Los Parques nacionales de Venezuela (in സ്‌പാനിഷ്). Instituto Nacional de Parques.
- ↑ Régimen jurídico-institucional de la ordenación y administración del ambiente: programa de investigación (in സ്‌പാനിഷ്). Universidad Catolica Andres. 1987-01-01. ISBN 9789802440108.