മൈക്രൊഫോട്ടോഗ്രാഫ്
വലിയ വസ്തുക്കളെ വളരെ ചെറിയ (മൈക്രോസ്കോപ്പിക് സ്കെയിലിലേക്ക്) വലുപ്പത്തിലേക്ക് ചുരുക്കിയ ഫോട്ടോകളാണ് മൈക്രൊഫോട്ടോഗ്രാഫ് എന്ന് അറിയപ്പെടുന്നത്.[2] അത്തരം ചിത്രങ്ങൾ നിർമ്മിക്കുന്ന കലയാണ് മൈക്രോഫോട്ടോഗ്രാഫി. ചിലർ ചെറിയ വസ്തുക്കളെ വലുതാക്കി പകർത്തുന്ന രീതിയാണ് മൈക്രൊഫോട്ടോഗ്രഫി എന്ന് തെറ്റിദ്ധരിക്കാറുണ്ട്. ചെറിയ വസ്തുക്കളെ വലുതാക്കുന്ന ഫോട്ടോഗ്രഫി രീതികൾ മാക്രൊ ഫോട്ടോഗ്രഫി, ഫോട്ടോമൈക്രോഗ്രഫി എന്നിവയാണ്.
ഡാഗുറോടൈപ്പ് പ്രക്രിയ ഉപയോഗിച്ച്, 1839 ൽ മൈക്രോഫോട്ടോഗ്രാഫുകൾ നിർമ്മിച്ച ആദ്യത്തെ വ്യക്തികളിൽ ഒരാളാണ് ജോൺ ബെഞ്ചമിൻ ഡാൻസർ.[3] 160:1 എന്ന റിഡക്ഷൻ അനുപാതത്തിൽ ചിത്രങ്ങൾ നിർമ്മിക്കാൻ അദ്ദേഹത്തിന് കഴിഞ്ഞു. ഫ്രെഡറിക് സ്കോട്ട് ആർച്ചർ 1850–51 ൽ വികസിപ്പിച്ചെടുത്ത വെറ്റ് കൊളോഡിയൻ പ്രക്രിയ ഉപയോഗിച്ച് ഡാൻസർ തന്റെ റിഡക്ഷൻ നടപടിക്രമങ്ങൾ കൂടുതൽ മെച്ചപ്പെടുത്തി. പക്ഷേ മൈക്രോ ഫോട്ടോഗ്രാഫുകളെക്കുറിച്ചുള്ള തന്റെ പതിറ്റാണ്ടുകളായി നടത്തിയ പ്രവർത്തനങ്ങളെ അദ്ദേഹം ഒരു വ്യക്തിഗത ഹോബിയായി മാത്രം കരുതി. 1858 ലെ ഫോട്ടോഗ്രാഫി നിഘണ്ടു, ഈ പ്രക്രിയയെ "നിസ്സാരവും ബാലിശവുമായത്" എന്നാണ് വിശേഷിപ്പിച്ചത്.[4]
മൈക്രോഫോട്ടോഗ്രാഫുകൾ കൊണ്ടുപോകുന്നതിനും കാണുന്നതിനുമുള്ള ഒരു ജനപ്രിയ മാർഗമായിരുന്നു സ്റ്റാൻ‌ഹോപ്പ്സ് പോലുള്ള കാഴ്ച ഉപകരണങ്ങൾ.[2]
മൈക്രോഫോട്ടോഗ്രാഫിയുടെ ഒരു പ്രധാന ആപ്ലിക്കേഷൻ മൈക്രോഫോമുകളാണ്.
ഇതും കാണുക
തിരുത്തുകപരാമർശങ്ങൾ
തിരുത്തുക- ↑ Kristi Finefield (June 13th, 2012), "Caught Our Eyes: On the Head of a Pin", Picture This: Library of Congress Prints and Photos
- ↑ 2.0 2.1 Focal encyclopedia of photography By Michael R. Peres Focal Press, 2007 ISBN 9780240807409, 846 pages
- ↑ Lance Day and Ian McNeil (1998). Biographical Dictionary of the History of Technology. Taylor & Francis. p. 333–334. ISBN 9780415193993.
- ↑ Sutton, Thomas (1976). "Microphotography". In Veaner, Allen B. (ed.). Studies in micropublishing, 1853–1976: documentary sources. Westport, Conn: Microform Review Inc. p. 88. ISBN 0-913672-07-6. Originally published in Dictionary of Photography (1858).