മെർസാബാക്കർ തടാകം
കിർഗിസ്ഥാനിൽ എത്തിപ്പെടാൻ വളരെ ബുദ്ധിമുട്ടുള്ള ടിയാൻ ഷാൻ മലനിരകളിലെ ഒരു മഞ്ഞുതടാകമാണ് മെർസാബാക്കർ തടാകം (Lake Merzbacher).[1] മഞ്ഞുകൊണ്ടുള്ള ഒരു ഭിത്തിയുള്ളതിനാൽ അത് എപ്പോഴും നിറഞ്ഞിരിക്കും. എന്നാൽ ഓരോ വേനലിലും ചൂട് അധികമാവുന്ന ഒരു ദിവസം മഞ്ഞുരുകി ആ ഭിത്തിയിൽ ഒരു തുള വീഴുകയും തടാകത്തിലെ ജലം മുഴുവൻ സെക്കന്റിൽ ആയിരം ഘനമീറ്റർ തോതിൽ അതിൽ നിന്നും താഴേക്ക് ഒഴുകുകയും ചെയ്യും.[2] ആ ഒഴുക്കിൽ വഴിയിൽ ഉള്ളതെല്ലാം ആ ജലപാതം തകർത്തുകളയുകയും ചെയ്യും. കേവലം മൂന്നുനാൾ കൊണ്ട് കാലിയാവുന്ന തടാകത്തിന്റെ ഭിത്തിയിൽ ഉള്ള ഈ തുള തണുപ്പിൽ മഞ്ഞുറഞ്ഞ് അടഞ്ഞുപോവുന്നു. തുടർന്ന് ദിവസേന രണ്ടുമീറ്റർ തോതിൽ തടാകത്തിൽ ജലം ഉയർന്നുകൊണ്ടിരിക്കും. 1903 -ൽ ഇങ്ങോട്ട് പര്യവേഷണം നടത്തിയ ജർമൻകാരനായ ഗോറ്റ്രീഡ് മെർസാബാക്കറുടെ പേരിലാണ് ഈ തടാകം അറിയപ്പെടുന്നത്.[1][3] തടാകമുള്ള പ്രദേശത്തേക്കെത്തുന്നത് അതീവ കഠിനമായതിനാലും യാത്രയ്ക്ക് നാലോളം ദിവസങ്ങൾ നടക്കേണ്ടതിനാലും മിക്കവാറും ആഗസ്ത് മാസത്തിലാണ് ഇത് സംഭവിക്കുന്നത് എന്നറിയാമെന്നല്ലാതെ വളരെ അപൂർവ്വം പേർമാത്രമേ ഈ തടാകം അപ്രത്യക്ഷമാകുന്ന പ്രതിഭാസം കണ്ടിട്ടുള്ളൂ.[3]
| മെർസാബാക്കർ തടാകം | |
|---|---|
| നിർദ്ദേശാങ്കങ്ങൾ | 42°12′N 79°52′E / 42.200°N 79.867°E |
| Lake type | Glacier lake |
| പ്രാഥമിക അന്തർപ്രവാഹം | Glaciers |
| Primary outflows | Engilchek River |
| Basin countries | Kyrgyzstan |
| ഉപരിതല ഉയരം | 3,304 മീറ്റർ (10,840 അടി) |
അവലംബം
തിരുത്തുക- ↑ 1.0 1.1 Bormudoi, A; Shabunin, A; Hazarika, M; Zaginaev, V; Samarakoon, L. "Studying the outburst of the Merzbacher lake of Inylchek glacier, Kyrgyzstan with Remote Sensing and field data". Retrieved 20 June 2015.
{{cite journal}}: Cite journal requires|journal=(help) - ↑ "The Merzbacher Lake". Tourist Information Center. Retrieved 20 June 2015.
- ↑ 3.0 3.1 Curwood, Steve. "Almanac/Merzbacher Lake". Living on Earth. Retrieved 20 June 2015.