മാർഗരിറ്റ സവാല
മാർഗരിറ്റ സവാല ഡി കാൽഡെറോൺ (സ്പാനിഷ് ഉച്ചാരണം: [maɾɣaˈɾita saˈβala]; ജനനം. മാർഗരിറ്റ ഈസ്റ്റർ സവാല ഗോമെസ് ഡെൽ കാമ്പോ ഡി ബോറോളസ്. 1967 ജൂലൈ 25 ന്) ഒരു മെക്സിക്കൻ അഭിഭാഷകയും രാഷ്ട്രീയക്കാരിയുമാണ്. മെക്സിക്കോ മുൻ പ്രസിഡൻറ് ഫെലിപ്പ് കാൽഡെറോണിന്റെ ഭാര്യയാണ് അവർ. ഭർത്താവിന്റെ ഭരണകാലത്ത് മെക്സിക്കോയിലെ പ്രഥമ വനിതയായി സേവനമനുഷ്ഠിച്ചു. മെക്സിക്കോ പ്രസിഡന്റ് സ്ഥാനത്തേക്ക് 2017 ഒക്ടോബർ 12 നും 2018 മെയ് 16 നും ഇടയിൽ സവാല സ്വതന്ത്ര സ്ഥാനാർത്ഥിയായി മത്സരിച്ചിരുന്നു.
മാർഗരിറ്റ സവാല | |
|---|---|
.jpg) | |
| മെക്സിക്കോയിലെ പ്രഥമ വനിത | |
| In role 1 December 2006 – 30 November 2012 | |
| രാഷ്ട്രപതി | ഫെലിപ്പ് കാൽഡെറോൺ |
| മുൻഗാമി | മാർത സഹാഗൺ |
| പിൻഗാമി | ഏഞ്ചലിക്ക റിവേര |
| Member of the Mexican Chamber of Deputies | |
| ഓഫീസിൽ 29 August 2003 – 1 April 2006 | |
| ഫെഡറൽ ഡിസ്ട്രിക്റ്റ് ലെജിസ്ലേറ്റീവ് അസംബ്ലി അംഗം | |
| ഓഫീസിൽ 15 September 1994 – 14 September 1997 | |
| വ്യക്തിഗത വിവരങ്ങൾ | |
| ജനനം | മാർഗരിറ്റ ഈസ്റ്റർ സവാല ഗോമെസ് ഡെൽ കാമ്പോ 25 ജൂലൈ 1967 മെക്സിക്കൊ നഗരം, മെക്സിക്കൊ |
| രാഷ്ട്രീയ കക്ഷി | നാഷണൽ ആക്ഷൻ പാർട്ടി |
| പങ്കാളി | |
| കുട്ടികൾ | 3 |
| അൽമ മേറ്റർ | ഫ്രീ സ്കൂൾ ഓഫ് ലോ |
| വെബ്‌വിലാസം | Official website |
ആദ്യകാലജീവിതം
തിരുത്തുകമാർഗരിറ്റ സവാല 1967 ജൂലൈ 25 ന് മെക്സിക്കോ സിറ്റിയിൽ ജനിച്ചു. ഡീഗോ ഹിൽഡെബ്രാൻഡോ, മെഴ്‌സിഡസ്, പാബ്ലോ, ജുവാൻ ഇഗ്നേഷ്യോ, റാഫേൽ, മെനിക്ക എന്നീ സഹോദരങ്ങളിൽ അഞ്ചാമത്തേതാണ്. അഭിഭാഷകരായ ഡീഗോ സവാല പെരെസ്, മെഴ്‌സിഡസ് ഗോമസ് ഡെൽ കാമ്പോ എന്നിവരാണ് അവരുടെ മാതാപിതാക്കൾ.[1]അവളുടെ പിതാവ് ട്രിബ്യൂണൽ സുപ്പീരിയർ ഡി ജസ്റ്റിസിയ ഡെൽ ഡിസ്ട്രിറ്റോ ഫെഡറലിൽ മജിസ്‌ട്രേറ്റായിരുന്നു.[2] കന്യാസ്ത്രീകൾ നടത്തുന്ന ഇൻസ്റ്റിറ്റ്യൂട്ടോ അസുൻസിയോൺ എന്ന അക്കാദമിയിൽ മാർഗരിറ്റ പങ്കെടുത്തു. പതിനേഴാം വയസ്സിൽ പാർടിഡോ അക്സിയോൺ നാഷണലിന്റെ യുവ നേതാവായി.[2] 1984-ൽ ഫെലിപ്പ് കാൽഡെറോണിനെ അവർ ആദ്യമായി കണ്ടുമുട്ടിയപ്പോൾ ഇരുവരും പാൻ പാർട്ടിയുടെ പ്രവർത്തകരായിരുന്നു. സവാല എസ്ക്യൂല ലിബ്രെ ഡി ഡെറെച്ചോയിൽ നിയമം പഠിച്ചു. [1] അവിടെ 9.5 (പത്തിൽ) ഗ്രേഡ് പോയിന്റ് ശരാശരിയോടെ ബിരുദം നേടി.[2]അവരുടെ പ്രബന്ധം, ലാ കോമിസിയൻ നാഷനൽ ഡി ഡെറെക്കോസ് ഹ്യൂമനോസ്: ആന്റിസിഡെൻറ്സ്, എസ്ട്രക്ചുറ വൈ പ്രൊപ്പ്യൂസ്റ്റാസ്, ദേശീയ മനുഷ്യാവകാശ കമ്മീഷനെ കുറിച്ചായിരുന്നു.[2]
കരിയർ
തിരുത്തുകസ്വകാര്യ നിയമ സ്ഥാപനങ്ങളായ എസ്ട്രാഡ, ഗോൺസാലസ് വൈ ഡി ഓവെൻഡോ, സോഡി വൈ അസോസിയാഡോസ് എന്നിവയിൽ സവാല പ്രവർത്തിച്ചു.[3] 1994 സെപ്റ്റംബർ 15 നും 1997 സെപ്റ്റംബർ 14 നും ഇടയിൽ ഫെഡറൽ ഡിസ്ട്രിക്റ്റ് ലെജിസ്ലേറ്റീവ് അസംബ്ലിയുടെ ഡെപ്യൂട്ടി ആയിരുന്നു സവാല. സവാല യൂണിവേഴ്സിഡാഡ് ഐബറോഅമേരിക്കാനയിൽ (1991-1992) പ്രൊഫസറായിരുന്നു. കൂടാതെ അവരുടെ ഹൈസ്കൂൾ അൽമ മെറ്ററായ ഇൻസ്റ്റിറ്റ്യൂട്ടോ അസുൻസിയനിൽ (1990 മുതൽ 1999 വരെ) നിയമം പഠിപ്പിക്കുകയും ചെയ്തു.[4] എൽ യൂണിവേഴ്സലിലേക്ക് സ്ഥിരമായി സംഭാവന ചെയ്യുന്നയാളാണ് സവാല.[5]
നാഷണൽ ആക്ഷൻ പാർട്ടിയുടെ നേതൃത്വപരമായ റോളുകൾ
തിരുത്തുക1991 മുതൽ നാഷണൽ ആക്ഷൻ പാർട്ടി (പാൻ) യുടെ ദേശീയ കൗൺസിലറാണ് സവാല,[6] 1993 മുതൽ 1994 വരെ ദേശീയ എക്സിക്യൂട്ടീവ് കമ്മിറ്റിയുടെ പാൻ ലീഗൽ ഡയറക്ടറായിരുന്നു.[7]1995-ൽ നാലാം ലോക വനിതാ സമ്മേളനത്തിൽ മെക്സിക്കൻ പ്രതിനിധിയായിരുന്നു.[3] 1999 മുതൽ 2003 വരെ സേവനമനുഷ്ഠിച്ച രാഷ്ട്രീയത്തിൽ സ്ത്രീകളുടെ പങ്കാളിത്തം പ്രോത്സാഹിപ്പിക്കുന്നതിനുള്ള പാർട്ടിയുടെ ഓഫീസായ സെക്രട്ടേറിയ ഡി പ്രൊമോസിയൻ പോളിറ്റിക്ക ഡി ലാ മുജറിന്റെ തലവനായി ലൂയിസ് ഫെലിപ്പ് ബ്രാവോ മേനയാണ് സവാലയെ നാമകരണം ചെയ്തത്.[7]തലവനായ നാല് വർഷത്തിനിടയിൽ, വനിതാ പാൻ ഫെഡറൽ ഡെപ്യൂട്ടിമാരുടെ അനുപാതം 19% ൽ നിന്ന് 32% ആയി ഉയർന്നു. ഇത് ഏതെങ്കിലും രാഷ്ട്രീയ പാർട്ടിയുടെ ഏറ്റവും വലിയ അനുപാതം ആണ്. [3]
സ്ത്രീകളുടെ പ്രശ്നങ്ങളെക്കുറിച്ച് ഉപദേശിക്കുന്ന വിസെൻറ് ഫോക്സിന്റെ ട്രാൻസിഷൻ ടീമിന്റെ ഭാഗമായിരുന്നു അവർ.[3]ജൂണ്ട ഡി ഗോബിയേർനോ ഡെൽ ഇൻസ്റ്റിറ്റ്യൂട്ടോ നാഷനൽ ഡി ലാസ് മുജെരെസ് (2001),[2] ന്റെ സ്ഥാപകാംഗമായിരുന്നു അവർ. ഇത് ലിംഗസമത്വത്തിനും സ്ത്രീകൾക്കെതിരായ വിവേചനവും അക്രമവും ഇല്ലാതാക്കുന്നതിനായി പ്രവർത്തിക്കുന്ന സർക്കാർ ഓഫീസാണ്.
അവലംബം
തിരുത്തുക- ↑ 1.0 1.1 Sefchovich, Sara. "Margarita Zavala, la primera dama que no usaba maquillaje". Milenio. Archived from the original on 2018-04-28. Retrieved 15 December 2015.
- ↑ 2.0 2.1 2.2 2.3 2.4 "Margarita Zavala, de primera dama a aspirante presidencial". www.univision.com. Univision. Retrieved 16 December 2016.
- ↑ 3.0 3.1 3.2 3.3 "Presidente Calderón: Margarita Zavala, esposa del Presidente". archivo.eluniversal.com.mx. El Universal. 1 December 2006.
- ↑ Becerril, Andres (16 May 2011). "La progresión de Zavala; sus bonos, más altos que nunca". Excélsior. Retrieved 16 December 2016.
- ↑ "Margarita Zavala". El Universal. Archived from the original on 2020-10-03. Retrieved 2 February 2016.
- ↑ Ferrer, Angélica. "Margarita Zavala: la abogada que desea ser presidenta". Milenio. Retrieved 2016-11-22.
- ↑ 7.0 7.1 "Semblanza Margarita Zavala". calderon.presidencia.gob.mx. Archived from the original on 2017-10-22. Retrieved 2016-12-18.
പുറത്തേക്കുള്ള കണ്ണികൾ
തിരുത്തുക- Yo con México Archived 2019-07-23 at the Wayback Machine. - Campaign website
- Margarita Zavala Gómez del Campo Archived 2019-07-03 at the Wayback Machine. - Presidencia de la República (Calderón Administration)
- 3de3 financial records released: Statement of assets Archived 2016-12-25 at the Wayback Machine. - Possible conflicts of interest Archived 2017-04-30 at the Wayback Machine. - Proof of tax payments Archived 2016-12-22 at the Wayback Machine.