മാർഗരറ്റ് ഫെയർലി
ഒരു സ്കോട്ട്ലൻറ് സ്വദേശിയായ അക്കാദമിക്കും, ഗൈനക്കോളജിസ്റ്റായിരുന്നു മാർഗരറ്റ് ഫെയർലി FRCOG FRCSE (1891-1963). മാർഗരറ്റ് ഫെയർലി തന്റെ ഔദ്യോഗിക ജീവിതത്തിൽ ഭൂരിഭാഗവും ഡണ്ടി റോയൽ ഇൻഫർമറിയിൽ ജോലി ചെയ്യുകയും ഡണ്ടിയിലെ യൂണിവേഴ്സിറ്റി കോളേജിലെ മെഡിക്കൽ വിദ്യാലയത്തിൽ അദ്ധ്യാപനം നടത്തുകയും ചെയ്തു (പിന്നീട് ക്യൂൻസ് കോളേജ്, ഡണ്ടി). 1940-ൽ സ്കോട്ട്ലൻഡിൽ പ്രൊഫസറൽ ചെയർ വഹിക്കുന്ന ആദ്യ വനിതയായി അവർ മാറി.[1][2]
മാർഗരറ്റ് ഫെയർലി | |
|---|---|
 | |
| ജനനം | 1891 ആംഗസ്, സ്കോട്ട്ലൻഡ് |
| മരണം | 1963 (വയസ്സ് 71–72) ഡൺഡീ, സ്കോട്ട്ലൻഡ് |
| വിദ്യാഭ്യാസം | യൂണിവേഴ്സിറ്റി ഓഫ് സെന്റ് ആൻഡ്രൂസ് സ്കൂൾ ഓഫ് മെഡിസിൻ യൂണിവേഴ്സിറ്റി കോളേജ്, ഡണ്ടി |
| തൊഴിൽ | ഗൈനക്കോളജിസ്റ്റ്, പ്രൊഫസർ |
| അറിയപ്പെടുന്നത് | സ്കോട്ട്ലൻഡിലെ ആദ്യത്തെ വനിതാ യൂണിവേഴ്സിറ്റി പ്രൊഫസർ |
| Medical career | |
| Institutions | ഡണ്ടി റോയൽ ഇൻഫർമറി |
ആദ്യകാല ജീവിതവും വിദ്യാഭ്യാസവും
തിരുത്തുകമാർഗരറ്റ് ഫെയർലി 1891 ൽ ജനിച്ചു. അവരുടെ മാതാപിതാക്കൾ മിസ്റ്റർ ആൻഡ് മിസ്സിസ് ജെയിംസ് ഫെയർലി ആയിരുന്നു. ആംഗസിലെ വെസ്റ്റ് ബാൽമിർമർ ഫാമിലാണ് അവർ വളർന്നത്.[1][3] അവർ അർബിർലോട്ട് പൊതുവിദ്യാലയം സ്കൂൾ, ഡൺഡീയിലെ ഹാരിസ് അക്കാദമി, സ്കെറിസ് കോളേജ് എന്നിവിടങ്ങളിൽനിന്ന് വിദ്യാഭ്യാസം നേടി.[4] 1910 മുതൽ 1915 വരെ അവർ യൂണിവേഴ്സിറ്റി ഓഫ് സെന്റ് ആൻഡ്രൂസ് സ്കൂൾ ഓഫ് മെഡിസിനിലും ഡണ്ടിയിലെ യൂണിവേഴ്സിറ്റി കോളേജിലും പഠിച്ചു.[1] സെന്റ് ആൻഡ്രൂസ് സർവകലാശാലയിൽ നിന്ന് എംബിസിഎച്ച്ബിയിൽ ബിരുദം നേടിയ ശേഷം, ഡണ്ടി, പെർത്ത്, എഡിൻബർഗ് എന്നിവിടങ്ങളിലെ വിവിധ വൈദ്യശാസ്ത്ര തസ്തികകളും മാഞ്ചസ്റ്ററിലെ സെന്റ് മേരീസ് ഹോസ്പിറ്റലിലും അവർ തന്റെ വിഷയത്തിൽ പ്രത്യേക പരിശീലനവും നേടി.
കരിയർ
തിരുത്തുക1919-ൽ ഡണ്ടിയിൽ തിരിച്ചെത്തിയ അവർ അവിടെ ഗൈനക്കോളജിയിൽ ഒരു കൺസൾട്ടന്റ് പരിശീലനം നടത്തി.[1][3][5]
ഡണ്ടി റോയൽ ഇൻഫർമറിയും ഡണ്ടി മെഡിക്കൽ സ്കൂളും
തിരുത്തുക1920-ൽ, അവർ ഡൺഡീസ് മെഡിക്കൽ സ്കൂളിൽ അധ്യാപന ജീവിതം ആരംഭിച്ചു. അത് ഏകദേശം നാല് പതിറ്റാണ്ടോളം നീണ്ടുനിന്നു. 1920-കളുടെ മധ്യത്തിൽ, അവർ ഡണ്ടി റോയൽ ഇൻഫർമറിയിലെ സ്റ്റാഫിൽ ചേർന്നു. അവിടെ അവളുടെ കരിയർ മുഴുവൻ ജോലി ചെയ്തു. 1926-ൽ അവർ പാരീസിലെ മേരി ക്യൂറി ഫൗണ്ടേഷൻ സന്ദർശിച്ചു. ഇത് റേഡിയത്തിന്റെ ക്ലിനിക്കൽ ആപ്ലിക്കേഷനുകളിൽ അതീവ താൽപര്യം വളർത്തിയെടുക്കാൻ കാരണമായി. ഇതിന്റെ ഫലമായി മാരകമായ ഗൈനക്കോളജിക്കൽ രോഗങ്ങളുടെ ചികിത്സയിൽ ഇത് ഉപയോഗിക്കാൻ തുടങ്ങി. അങ്ങനെ സ്കോട്ട്ലൻഡിൽ അതിന്റെ ക്ലിനിക്കൽ ഉപയോഗത്തിന് തുടക്കമിട്ടു. അവർ റേഡിയം ചികിത്സിച്ച രോഗികൾക്കായി ഡണ്ടി റോയൽ ഇൻഫർമറിയിൽ ഫോളോ അപ്പ് ക്ലിനിക്കുകളും സംഘടിപ്പിച്ചു.[1] 1930-കളിൽ, സ്വന്തം സമ്പാദ്യം ഉപയോഗിച്ച് അവർ ആശുപത്രിക്കായി റേഡിയം വാങ്ങി.[6] ആശുപത്രിയിൽ നിന്ന് മാറി, അവർ അർബ്രോത്ത് ഇൻഫർമറി, ബ്രെച്ചിൻ ഇൻഫർമറി, മോൺട്രോസ് റോയൽ ഇൻഫർമറി, ഫോർഫാർ ഇൻഫർമറി എന്നിവിടങ്ങളിൽ ഓണററി ഗൈനക്കോളജിസ്റ്റായി പ്രവർത്തിച്ചു.[1][3]
1949-ൽ മേരിഫീൽഡ് ഹോസ്പിറ്റലിലെ ഗൈനക്കോളജി ഡിപ്പാർട്ട്‌മെന്റിന്റെ ചുമതലയുള്ള കൺസൾട്ടന്റായ ജീൻ എന്നറിയപ്പെട്ടിരുന്ന ആഗ്നസ് ഹെറിംഗ്, ഡൺഡിയിലെ അവരുടെ വിദ്യാർത്ഥികളിൽ ഉൾപ്പെടുന്നു.[7][8]
സ്വകാര്യ ജീവിതം
തിരുത്തുക1933-ൽ തന്റെ സഹപ്രവർത്തകനായ പ്രൊഫസർ ലോയ്ഡ് ടർട്ടൺ പ്രൈസുമായി വിവാഹനിശ്ചയം നടത്തിയിരുന്നെങ്കിലും അദ്ദേഹത്തിന്റെ അപ്രതീക്ഷിത മരണത്താൽ ഫെയർലി ഒരിക്കലും വിവാഹം കഴിച്ചിരുന്നില്ല.[9] അവർ ജോലി ചെയ്തിരുന്ന വിദ്യാർത്ഥികൾക്കും ജീവനക്കാർക്കും ഇടയിൽ ഒരു ജനപ്രിയ വ്യക്തിയായിരുന്നു. കൂടാതെ അവരുടെ ഊഷ്മളമായ ആതിഥ്യമര്യാദയാൽ ശ്രദ്ധിക്കപ്പെടുകയും ചെയ്തു.[1] പ്രൊഫസർ ഫെയർലി ദക്ഷിണാഫ്രിക്ക, ഗ്രീസ്, ഇറ്റലി, കാനഡ, യുണൈറ്റഡ് സ്റ്റേറ്റ്സ് എന്നിവയുൾപ്പെടെ നിരവധി രാജ്യങ്ങൾ സന്ദർശിക്കാൻ താൽപ്പര്യമുള്ള ഒരു സഞ്ചാരിയായിരുന്നു. ഒഴിവുസമയങ്ങളിൽ അവർ തന്റെ പൂന്തോട്ടം കൃഷി ചെയ്യുകയും പെയിന്റിംഗ് ആസ്വദിക്കുകയും ചെയ്തു. അവൾ ഒരു തത്തയെയും സൂക്ഷിച്ചിരുന്നു.[10]
മരണവും പാരമ്പര്യവും
തിരുത്തുക1963 ജൂലൈയിൽ ഫെയർലിക്ക് അസുഖം ബാധിച്ചപ്പോൾ ഫ്ലോറൻസ് സന്ദർശിക്കുകയായിരുന്നു. സ്‌കോട്ട്‌ലൻഡിലേക്ക് മടങ്ങിയ അവളെ ഡണ്ടി റോയൽ ആശുപത്രിയിൽ പ്രവേശിപ്പിച്ചു. താമസിയാതെ അവർ മരിച്ചു.[5]
അവരുടെ നേട്ടങ്ങൾക്കുള്ള അംഗീകാരമായി, സെന്റ് ആൻഡ്രൂസ് യൂണിവേഴ്സിറ്റി 1957-ൽ ഫെയർലിക്ക് ഓണററി ബിരുദം നൽകി.[10] 1963-ൽ മരിക്കുന്നതുവരെ അവർ യൂണിവേഴ്സിറ്റിയിലും ആശുപത്രിയിലും അതീവ താല്പര്യം നിലനിർത്തി.[1]
അവലംബം
തിരുത്തുക- ↑ 1.0 1.1 1.2 1.3 1.4 1.5 1.6 1.7 "Notable University Figures (3): Professor Margaret Fairlie". Archives Records and Artefacts at the University of Dundee. 19 August 2011. Retrieved 23 June 2014.
- ↑ Baxter, Kenneth (2010). ""Matriarchal" or "Patriarchal"? Dundee, Women and Municipal Party Politics in Scotland c.1918-c.1939". International Review of Scottish Studies. 35: 99. doi:10.21083/irss.v35i0.1243.
- ↑ 3.0 3.1 3.2 Watson, Norman (1997). Daughters of Dundee. Dundee: Linda McGill. p. 1.
- ↑ "Harris Academy Admissions 1885 to 1919, F" (PDF). Retrieved 17 September 2020.
- ↑ 5.0 5.1 "Obituary Dr Margaret Fairlie Former St Andrews Professor". The Glasgow Herald. 13 July 1963. Retrieved 22 July 2016.
- ↑ Watson, Norman (1997). Daughters of Dundee. Dundee: Linda McGill. p. 3.
- ↑ Blair, J. G. S. (1990). Ten Tayside Doctors. Edinburgh: Scottish Academic Press. pp. 97–99. ISBN 0-7073-0600-0.
- ↑ "Dr Agnes Herring". The Herald. 6 December 1997. Retrieved 18 January 2017.
- ↑ Lowe, Graham (December 2008 – January 2009). "DRI Memorial Wall – the missing plaque" (PDF). Spectra: 8.
- ↑ 10.0 10.1 Watson, Norman (1997). Daughters of Dundee. Dundee: Linda McGill. p. 2.
കൂടുതൽ വായനയ്ക്ക്
തിരുത്തുക- Fairlie M. OVARIAN AND PITUITARY HORMONES. British Medical Journal. 1935;2(3898):533-536.
- Henderson, M., Dundee Women's Trail (Scotland: Dundee Women's Trail, 2008)
- Shafe, M., University Education in Dundee 1881–1981: A Pictorial History (Dundee: University of Dundee, 1982).
- Southgate, D., University Education in Dundee: A Centenary History (Edinburgh: Edinburgh University Press, 1982).
- Watson, N., Daughters of Dundee (Dundee: Linda McGill, 1997)