മാർക്കോവ് മാതൃക

ക്രമമില്ലാപ്രക്രിയയിൽ മാർക്കോവ് സവിശേഷത അനുസരിക്കുന്ന പ്രക്രിയ മാതൃകയെ മാർക്കോവ് മാതൃക എന്നു പറയുന്നു. ഒരു വ്യൂഹത്തിന്റെ ഭാവി മൂല്യം ആ വ്യൂഹത്തിന്റെ ഇപ്പോഴത്തെ മൂല്യത്തെ മാത്രം ആശ്രയിക്കുകയും വ്യൂഹത്തിന്റെ കഴിഞ്ഞുപോയ മൂല്യങ്ങളെ ആശ്രയിക്കാതിരിക്കുകയും ചെയ്യുന്ന സവിശേഷതയാണ് മാർക്കോവ് സവിശേഷത.

പ്രധാന മാർക്കോവ് മാതൃകകൾ

മാർക്കോവ് ചങ്ങല

മാർക്കോവ് സവിശേഷത ഉള്ള ഒരു കൂട്ടം ക്രമമില്ലാത്ത മൂല്യങ്ങളെ മാർക്കോവ് ചങ്ങല എന്നു പറയുന്നു.അതായത് ഒരു വ്യൂഹത്തിന്റെ ഭാവി മൂല്യം ആ വ്യൂഹത്തിന്റെ ഇപ്പോഴത്തെ മൂല്യത്തെ മാത്രം ആശ്രയിക്കുകയും വ്യൂഹത്തിന്റെ കഴിഞ്ഞുപോയ മൂല്യങ്ങളെയോ വരാൻ പോകുന്ന മൂല്യങ്ങളെയോ ആശ്രയിക്കാതിരിക്കുകയും ചെയ്യുന്നു.

 $\Pr(X_{n+1}=x|X_{1}=x_{1},X_{2}=x_{2},\ldots ,X_{n}=x_{n})=\Pr(X_{n+1}=x|X_{n}=x_{n}).\,$