മാധവിവർമ്മ (നാടകം)

മാധവിക്കുട്ടി രചിച്ച മലയാള നാടകമാണ് മാധവിവർമ്മ. പ്രൊഫഷണൽ നാടകവേദിക്ക് വേണ്ടി ഒരു സ്ത്രീ തയ്യാറാക്കിയ ആദ്യ നാടകമാണിത്. ഇബ്രാഹിം വേങ്ങരയുടെ ചിരന്തന തീയേറ്റേഴ്സിനു  വേണ്ടി 1986  ലാണ് ഈ നാടകം എഴുതിയത്. അറുപതോളം വേദികളിൽ ഈ നാടകം അവതരിപ്പിച്ചിട്ടുണ്ട്. സംവിധാനം നെല്ലിക്കോട് ഭാസ്ക്കരനായിരുന്നു.

ഇതിവൃത്തം

മാധവിവർമ്മയെന്ന നാടകത്തിൽ അഞ്ചു രംഗങ്ങളാണുള്ളത്. കഥാ പാത്രങ്ങളുടെ സ്വഭാവം പരിചയപ്പെടുത്തുന്നതാണ് ആദ്യരംഗം. ഡോക്ടർമാരായ ദീപ, സുശീൽ മാധവി, വിനായക്, എന്നിവരും രോഗിയായ അബ്ദള്ളിന്റെ അച്ഛനും ദീപയുടെ കാമുകനായ സന്ദീപും ആണ് ഈ രംഗത്ത് പ്രധാനമായി പ്രത്യക്ഷപ്പെടുന്ന കഥാപാത്രങ്ങൾ.