മഹ്ബൂബ് അലി ഖാൻ (മുഗൾ ഉദ്യോഗസ്ഥൻ)

1857-ലെ ലഹളക്കാലത്ത് ദില്ലിയിലെ ചെങ്കോട്ടയിലെ ഒരു ഉദ്യോഗസ്ഥനായിരുന്നു മഹ്ബൂബ് അലി ഖാൻ (മരണം: 1857). കൊട്ടാരത്തിലെ അന്തഃപുരത്തിന്റെ കാര്യക്കാരനായിരുന്ന ഇദ്ദേഹം, അന്നത്തെ രാജ്ഞിയായിരുന്ന സീനത്ത് മഹലിന്റെ രാഷ്ട്രീയനീക്കങ്ങൾക്കുപിന്നിലെ പണിയാളായിരുന്നു. കൊട്ടാരത്തിലെ ബ്രിട്ടീഷ് അനുകൂലവിഭാഗത്തിലെ പ്രധാനികളിലൊരാളിയിരുന്നു മഹ്ബൂബ് അലി ഖാൻ. അസുഖബാധിതനായി 1857 ജൂൺ 14-ന് ഇദ്ദേഹം മരിച്ചു. പക്ഷേ ഇദ്ദേഹത്തിനെ വിഷം കൊടുത്ത് കൊന്നതാണെന്ന കിംവദന്തി പരന്നിരുന്നു.