വിക്കിപീഡിയ

മനോജ് കുറൂർ

ഇന്ത്യയിലെ ഒരു എഴുത്തുകാരന്‍

കവിയും നോവലിസ്റ്റും കഥകളിവാദ്യ കലാകാരനും മലയാളത്തിലെ ഉത്തരാധുനികകവികളിൽ ഒരാളുമാണ് മനോജ് കുറൂർ (ജനനം - 1971). കേരളത്തിന്റെ സാംസ്കാരികചരിത്രത്തിലെ വിവിധഘട്ടങ്ങളെ ആധാരമാക്കി നിലം പൂത്തുമലർന്ന നാൾ (ISBN: 978-81-264-6404-3), മുറിനാവ് (ISBN: 978-93-5390-514-9), മണൽപ്പാവ (ISBN: 978-93-6254-127-7) എന്നീ നോവലുകൾ രചിച്ചിട്ടുണ്ട്.

നിലം പൂത്തുമലർന്ന നാൾ (நிலம் பூத்து மலர்ந்த நாள் ISBN 978-93-84598-23-5),  മുറിനാവ് (முறிநாவு ISBN 978-93-93725-42-4) എന്നീ നോവലുകൾ കെ. വി. ജയശ്രീ തമിഴിലേക്ക് മൊഴി മാറ്റിയിട്ടുണ്ട്.

നിലം പൂത്തുമലർന്ന നാളിന്റെ തമിഴ് വിവർത്തനം 2020ലെ കേന്ദ്ര സാഹിത്യ അക്കാദമി അവാർഡിന് അർഹമായി.[1]

നിലം പൂത്തുമലർന്ന നാൾ ഡോ. ജെ. ദേവിക The Day the Earth Bloomed[2] എന്ന പേരിൽ ഇംഗ്ലീഷിലേക്കു വിവർത്തനം ചെയ്തിട്ടുണ്ട്.

അദ്ദേഹത്തിന്റെ ആദ്യത്തെ കവിതാസമാഹാരം ആയ “ഉത്തമപുരുഷൻ കഥപറയുമ്പോൾ” (ചെങ്ങന്നൂർ റെയിൻബോ ബുൿസ്, ഐ.എസ്.ബി.എൻ: 81-881-4676-5)എന്ന കൃതിയിൽ 30 കവിതകളാണുള്ളത്. ഇ.പി. രാജഗോപാലനും എ.സി. ശ്രീഹരിയും ഈ കവിതകളെ കുറിച്ച് നടത്തിയ പഠനത്തിൽ അദ്ദേഹം ഉപയോഗിക്കുന്ന കവിതയിലൂടെ കഥപറയുന്ന ശൈലി ആധുനിക മലയാള കവിതയിൽ വിരളം ആണെന്നു പറയുന്നു. [3] 2005-ൽ ഈ കൃതിക്ക് എസ്.ബി.റ്റി. കവിതാ പുരസ്കാരം ലഭിച്ചു[4]. മനോജ് കുറൂരിന്റെ കവിതകൾ കേരളത്തിലെ സർവ്വകലാശാലകളിൽ പാഠപുസ്തകമായിട്ടുണ്ട്[5]

ജീവിതരേഖ

തിരുത്തുക

1971 മേയ് 31-ന് കോട്ടയത്ത് കുറൂർ മനയിൽ ജനിച്ചു. അച്ഛൻ പ്രസിദ്ധ ചെണ്ടമേള വിദ്വാൻ കുറൂർ ചെറിയ വാസുദേവൻ നമ്പൂതിരി. അമ്മ ശ്രീദേവി. അച്ഛനിൽ നിന്ന് തായമ്പകയും കഥകളിമേളവും അഭ്യസിച്ചു. കോട്ടയം ബസേലിയസ് കോളേജ്, ചങ്ങനാശേരി എസ് ബി കോളേജ്, എന്നിവിടങ്ങളിൽ വിദ്യാഭ്യാസം. താളസംബന്ധമായ വിഷയത്തിൽ മഹാത്മാഗാന്ധി സർവ്വകലാശാലയിലെ സ്കൂൾ ഓഫ് ലെറ്റേഴ്സിൽ ഗവേഷണം നടത്തി. 1997-ൽ പന്തളം എൻ.എസ്. എസ് കോളേജിൽ‍ മലയാളം അദ്ധ്യാപകനായി ചേർന്നു. ധനുവച്ചപുരം, ചേർത്തല എന്നീ എൻ.എസ്. എസ് കോളേജുകളിൽ‍ ജോലി നോക്കിയതിനു ശേഷം ഇപ്പോൾ‍ ചങ്ങനാശ്ശേരി എൻ. എസ്.എസ്. ഹിന്ദു കോളേജിൽ‍ മലയാള വിഭാഗത്തിൽ അസ്സോസ്സിയെറ്റ് പ്രൊഫസറായി ജോലി ചെയ്യുന്നു.

പടിഞ്ഞാറൻ ക്ലാസിക്കൽ സംഗീതം, ക്ലാസിക്കൽ കലകൾ‍, ജനപ്രിയ സംഗീതം നാടോടികലകൾ, സിനിമ, സാഹിത്യം, സൈബർ സംസ്കാരം എന്നീ വിഷയങ്ങളിലായി അൻപതോളം ലേഖനങ്ങൾ പ്രസിദ്ധീകരിച്ചിട്ടുണ്ട്. വാനപ്രസ്ഥം എന്ന ചലച്ചിത്രത്തിൽ നായികക്ക് വേണ്ടി എഴുതിയ മൂന്ന് രംഗങ്ങൾ ഉള്ള ആട്ടക്കഥയും അതിലെ മൂന്ന് പദങ്ങളും രചിച്ചത് മനോജാണ്.

കോമ എന്ന അദ്ദേഹത്തിന്റെ കഥാകാവ്യം ഭാഷാപോഷിണി മാസികയിൽ പ്രസിദ്ധീകരിച്ചു (ഒക്ടോബർ 2005). ഈ കൃതി 2006-ൽ പുസ്തകമായി പ്രസിദ്ധീകരിച്ചിട്ടുണ്ട് (കോട്ടയം: ഡി. സി. ബുക്സ്). തൃത്താളക്കേശവൻ എന്ന കവിതയ്ക്ക് യുവകവികൾക്കുള്ള 1997-ലെ കുഞ്ചുപിള്ള സ്മാരക പുരസ്കാരം ലഭിച്ചിട്ടുണ്ട്.

ഭാര്യ: സന്ധ്യാദേവി. എൽ[6][7]. ശ്രീദേവി, വിശാഖ് എന്നീ രണ്ട് മക്കളുണ്ട്.

പ്രധാന കൃതികൾ

തിരുത്തുക
  • നിലം പൂത്തു മലർന്ന നാൾ (നോവൽ) [8] [9]
  • മുറിനാവ് (നോവൽ) [10] [11]
  • മണൽപ്പാവ (നോവൽ) [12] [13] [14]
  • നതോന്നത നദിവഴി 44: നദികളെക്കുറിച്ചുള്ള കവിതകൾ (പ്രസാധകർ). ചെങ്ങന്നൂർ: റെയിൻ‌ബോ ബുക്സ്.2003. ഐ.എസ്.ബി.എൻ 81-881-4630-7
  • അഞ്ചടി ജ്ഞാനപ്പാന ഓണപ്പാട്ട് : ഡി.സി.ബുക്ക്സ്. 1996 ഐ.എസ്.ബി.എൻ 81-7130-598-9
  • കോമ ഡി.സി.ബുക്സ്. 2006.
  • ഷന്മുഖവിജയം ആട്ടക്കഥ
  • ഉത്തമപുരുഷൻ കഥപറയുമ്പോൾ (കവിതകൾ)
  • റഹ്മാനിയ, ഇന്ത്യൻ സംഗീതത്തിന്റെ ആഗോള സഞ്ചാരം (സംഗീതപഠനം)
  • നിറപ്പകിട്ടുള്ള നൃത്തസംഗീതം (സംഗീതപഠനം)

പുരസ്കാരങ്ങൾ

തിരുത്തുക
  • തൃത്താള കേശവൻ എന്ന കവിതക്ക് 1997-ലെ കുഞ്ചുപിള്ള സ്മാരക കവിതാ അവാർഡ്.
  • ഉത്തമപുരുഷൻ കഥപറയുമ്പോൾ എന്ന കൃതിക്ക് 2005-ലെ എസ്.ബി.ടി. കവിത അവാർഡ്‌.
  • കോമാ എന്ന കൃതിക്ക് 2007-ലെ സാഹിത്യ അക്കാദമി കനകശ്രീ അവാർഡ്.‌[15][16]
  • മുറി നാവ് എന്ന നോവലിന് 2021 ലെ പത്മരാജൻ പുരസ്കാരം[17]

പുറത്തുനിന്നുള്ള കണ്ണികൾ

തിരുത്തുക

അവലംബം

തിരുത്തുക
  1. ↑ Saju, M T (2020-02-26). "Tamil Nadu: KV Jeyasri wins Sahitya Akademi Award". Times of India Chennai City Edition. Times of India. Retrieved 2024-11-06.
  2. ↑ Kuroor, Manoj (2024-07-30). The Day the Earth Bloomed. Translated by Devika, J. Bloomsbury India. ISBN 978-9-3564-0743-5.
  3. ↑ (ഇ.പി. രാജഗോപാലൻ, എ.സി. ശ്രീഹരി. 'വിവർത്തനത്തിൽ നഷ്ടപ്പെടുന്നത്: കവിതയുടെ സാംസ്കാരികസംവാദം'. ഉത്തമപുരുഷൻ കഥപറയുമ്പോൾ. പേജ്.82, 83).
  4. ↑ "ആർക്കൈവ് പകർപ്പ്". Archived from the original on 2007-03-13. Retrieved 2006-12-10.
  5. ↑ http://www.universityofcalicut.info/syl/Malayalam_Sylla_16.pdf Archived 2013-02-27 at the Wayback Machine. പേജ് 59
  6. ↑ "ആർക്കൈവ് പകർപ്പ്". Archived from the original on 2012-07-12. Retrieved 2012-03-12.
  7. ↑ "ആർക്കൈവ് പകർപ്പ്". Archived from the original on 2012-10-08. Retrieved 2012-03-12.
  8. ↑ കുറൂർ, മനോജ് (2015). നിലം പൂത്തുമലർന്ന നാൾ. DC Books. ISBN 978-81-264-6404-3.
  9. ↑ "സംഘകാലഘട്ടത്തിലെ മലയാണ്മയുടെ കഥ". ഡി. സി. ബുക്ക്സ്. Archived from the original on 2016-03-05. Retrieved 2 സെപ്റ്റംബർ 2015.
  10. ↑ കുറൂർ, മനോജ്. മുറിനാവ്. ഡി.സി. ബുക്സ്. ISBN 978-93-5390-514-9.
  11. ↑ മോഹൻദാസ്, കെ കെ (2021-10-30). "'മുറിനാവ്' ലാഘവത്തോടെയുള്ള ഒരു വായനക്ക് വഴങ്ങിത്തരാത്തൊരു നോവൽ". DCB News. DC Books. Retrieved 2024-11-06.
  12. ↑ കുറൂർ, മനോജ് (2024). മണൽപ്പാവ. Kottayam: DC Books (published 2024-08-28). ISBN 978-93-6254-127-7.
  13. ↑ കുറൂർ, മനോജ് (2024-10-09). "ചരിത്രത്തിൽ നിന്ന് പുറത്തായവരുടെ ചരിത്രം!". DCB News. DC Books. Retrieved 2024-11-06.
  14. ↑ ജീവൻകുമാർ, കെ. (2024-09-25). "ചിതറിയ നിഴലുകളുടെ ആരവം: കെ ജീവൻകുമാർ | ഇതിൽ വിപ്ലവവും ലഹരിയും സംഗീതവും ഇന്ത്യയുമുണ്ട്". DCB News. DC Books. Retrieved 2024-11-06.
  15. ↑ Kerala Sahitya Akademi Awards announced[പ്രവർത്തിക്കാത്ത കണ്ണി]
  16. ↑ "Sahitya Akademi awards for 2007 announced". Archived from the original on 2008-12-02. Retrieved 2012-03-12.
  17. ↑ "ജിയോ ബേബിക്കും ജയരാജിനും മനോജ് കുറൂരിനും കെ.രേഖക്കും പദ്മരാജൻ പുരസ്‌കാരം" (in ഇംഗ്ലീഷ്). Retrieved 2021-12-29.
 

ഇന്ത്യയിലെ എഴുത്തുകാരെ കുറിച്ചുള്ള ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക.  

"https://ml.wikipedia.org/w/index.php?title=മനോജ്_കുറൂർ&oldid=4133762" എന്ന താളിൽനിന്ന് ശേഖരിച്ചത്