മഡോണ ഡെൽ ഗ്രാൻഡുക
ഇറ്റാലിയൻ നവോത്ഥാന കലാകാരനായ റാഫേലിൻറെ ഒരു മഡോണ ചിത്രം ആണ് മഡോണ ഡെൽ ഗ്രാൻഡുക. 1505-ൽ, റാഫേൽ ഫ്ലോറൻസിൽ എത്തിച്ചേർന്നതിനുശേഷം കുറച്ചുകാലത്തിനുള്ളിൽ വരച്ചതാകാം ഈ ചിത്രം എന്നു കരുതുന്നു. ലിയോനാർഡോ ഡാവിഞ്ചിയുടെ സ്വാധീനം, അദ്ദേഹത്തിന്റെ ചിത്രങ്ങൾ കൂടുതൽ അറിയപ്പെടാൻ തുടങ്ങിയിരുന്നു. സ്ഫുമാട്ടോ ശൈലി ഉപയോഗിച്ചുള്ള ചിത്രീകരണത്തിലൂടെ ഇത് മനസ്സിലാക്കാൻ സാധിക്കുന്നതാണ്. ടസ്കാനിയിലെ ഗ്രാൻഡ് ഡ്യൂക്ക് ആയിരുന്ന ഫെർഡിനാൻഡ് മൂന്നാമൻറെ കലാശേഖരത്തിലാണ് ഈ ചിത്രം ഇപ്പോൾ കാണപ്പെടുന്നത്.
| Madonna del Granduca | |
|---|---|
 | |
| കലാകാരൻ | Raphael |
| വർഷം | 1505 |
| Medium | Oil on wood |
| അളവുകൾ | 84 cm × 55 cm (33 ഇഞ്ച് × 22 ഇഞ്ച്) |
| സ്ഥാനം | Palazzo Pitti, Florence |
ചിത്രകാരനെക്കുറിച്ച്
തിരുത്തുക
നവോത്ഥാനകാല ഇറ്റലിയിലെ ചിത്രകാരനും ശില്പിയുമായിരുന്നു റാഫേൽ. പിതാവായ ജിയോവാനി സാന്റി ഡ്യൂക്കിന്റെ കൊട്ടാരം ചിത്രകാരനായിരുന്നു. പിതാവ് തന്നെയായിരുന്നു റാഫേലിന്റെ ആദ്യ ഗുരു. പതിനഞ്ചാം വയസ്സിൽ റാഫേൽ പ്രശസ്ത ചിത്രകാരനായിരുന്ന പിയെട്രോ പെറുഗിനോയുടെ കീഴിൽ പരിശീലനം നേടി. 1502-ൽ പെറുഗിനോയുടെ ശിഷ്യനായിരുന്ന പിന്റുറിക്ക്യോയുടെ ക്ഷണം സ്വീകരിച്ച് റാഫേൽ സിയേനയിലേക്ക് പോയി. 1504-ലെ കന്യകയുടെ വിവാഹം (Wedding of the Virgin) ആണ് അദ്ദേഹത്തിന്റെ ആദ്യത്തെ പ്രധാന രചനയായി കണക്കാക്കുന്നത്. റാഫേൽ തന്റെ ജീവിതത്തിന്റെ അവസാനത്തെ 12 വർഷങ്ങൾ കഴിച്ചുകൂട്ടിയതും പ്രശസ്തമായ രചനകളിലധികവും നടത്തിയതും റോമിൽ വച്ചായിരുന്നു. രൂപത്തിന്റെ വ്യക്തത, രചനാരീതി, മനുഷ്യന്റെ ആഡംബരത്തിന്റെ നിയോപ്ലാറ്റോണിക് ആദർശത്തിന്റെ ദൃശ്യനേട്ടം എന്നിവയിലൂടെ അദ്ദേഹത്തിന്റെ ചിത്രങ്ങൾ പ്രശംസിക്കപ്പെടുന്നു.[1] റാഫേൽ ഒരു "നാടോടികളുടെ" ജീവിതം നയിച്ചു, വടക്കൻ ഇറ്റലിയിലെ വിവിധ കേന്ദ്രങ്ങളിൽ പ്രവർത്തിച്ചിരുന്നു. 1504 മുതൽ ഫ്ലോറൻസിൽ കൂടുതൽ സമയം ചെലവഴിച്ചു.
അവലംബം
തിരുത്തുക- Art critique [1] Archived 2010-08-08 at the Wayback Machine.
- ↑ On Neoplatonism, see Chapter 4, "The Real and the Imaginary", in Kleinbub, Christian K., Vision and the Visionary in Raphael, 2011, Penn State Press, ISBN 0271037040, 9780271037042