മഡോണ ആന്റ് ചൈൽഡ് വിത് സെയിന്റ്സ് ജൂലിയൻ ആന്റ് ലോറൻസ്
മധ്യകാലഘട്ടത്തിൻറെ അവസാനത്തിലെ ഇറ്റാലിയൻ കലാകാരനായിരുന്ന ജെന്റൈൽ ഡാ ഫാബ്രിയാനോ 1423–1425 നും ഇടയിൽ വരച്ച ടെമ്പറ-ഓൺ-ഗോൾഡ് ലീഫ് പാനൽ പെയിന്റിംഗാണ് മഡോണ ആന്റ് ചൈൽഡ് വിത് സെയിന്റ്സ് ജൂലിയൻ ആന്റ് ലോറൻസ്. ഈ ചിത്രം ഇപ്പോൾ ന്യൂയോർക്കിലെ ഫ്രിക് ശേഖരത്തിലാണ്. ഇടതുവശത്ത് ഡീക്കൻസ് ഡാൽമാറ്റിക് വിശുദ്ധ ലോറൻസ് ഒരു രക്തസാക്ഷിത്വത്തിന്റെ ഗ്രിഡിറോൺ പിടിച്ചിരിക്കുന്നു. അതേസമയം വലതുവശത്ത് സെന്റ് ജൂലിയനെയും കാണാം.[1]
ഗോതിക് ചിത്രകല ഉൾക്കൊള്ളുന്ന അഡോറേഷൻ ഓഫ് ദി മാഗിയ്ക്കും നവോത്ഥാന പരാമർശമുള്ള ക്വാറസി പോളിപ്റ്റിച്ചിന്റെയും ഇടയിലുള്ള ഈ ചിത്രം ജെന്റൈലിന്റെ ഫ്ലോറൻ‌ടൈൻ കാലഘട്ടം മുതലുള്ളതാണ്. ഇതിന്റെ യഥാർത്ഥ ഫ്രെയിമിൽ ടസ്കാനിയുടെ ചെറിയ തൂണുകൾ, കൂർത്ത ഇലകൾ, "എസ് [ആൻ] സി [ടസ്] ലോറെ [എൻ] ടിയസ്" ഇ "എസ് [സി] യൂലിയാനസ്" ( സെന്റ് ലോറൻസും സെന്റ് ജൂലിയനും) തുടങ്ങിയ ലിഖിതങ്ങളും കാണാം.
മഡോണയുടെ സിംഹാസനത്തിന്റെ പുറംചട്ട ആർട്ടിസ്റ്റിന്റെ കൊറോണേഷൻ ഓഫ് ദി വിർജീനിലെ സമ്പന്നമായ തുണിത്തരങ്ങളേക്കാൾ ലളിതമാണ്. പകരം ലോറെൻസോ മൊണാക്കോയുടെ ചിത്രങ്ങളെ അനുസ്മരിപ്പിക്കുന്ന വിധത്തിൽ കൂടുതൽ ശിൽപവും ലളിതവുമായ ചുവന്ന മനോഹരമായ തുണി കൊണ്ടലങ്കരിച്ചിരിക്കുന്നതായി കാണിക്കുന്നു. മസാസിയോയുടെ, പ്രത്യേകിച്ച് സാൻ ജിയോവെനലെ ട്രിപ്റ്റിക്ക് പോലുള്ള ഫ്ലോറന്റൈൻ ചിത്രങ്ങളെ പരാമർശിച്ച് വിശുദ്ധരുടെ ഘടന ഏതാണ്ട് ഒരു വശത്താണ്.