മങ്ങണം

മണ്ണ് കൊണ്ടുള്ള ഒരുതരം പാത്രമാണ് 'മങ്ങണം'. 'മൺകിണ്ണം' എന്ന പദം ലോപിച്ച് മങ്ങണം ആയിത്തീർന്നതാവാം. വടക്കൻ കേരളത്തിൽ; പ്രത്യേകിച്ച് കാസർകോഡ് ജില്ലയിലെ ഗ്രാമപ്രദേശങ്ങളിൽ ഉപയോഗിച്ചുവരുന്നു. നഗരവാസികൾക്ക് പരിചയപ്പെടുത്തുന്നതിന് കാർഷികോപകരണങ്ങളുടെയും നാട്ടറിവുകളുടേയും പ്രദർശനങ്ങളിൽ ഇത് ഉൽപ്പെടുത്താറുണ്ട് .,

മങ്ങണം

പാലക്കുന്ന് കലംകനിപ്പ് ഉത്സവത്തിന് മങ്ങണത്തിൽ നേർച്ചക്കഞ്ഞി നൽകുന്നു

കുശവസമുദായത്തിൽപ്പെട്ടവരാണ് കുലത്തൊഴിലായി മങ്ങണം നിർമ്മിക്കുന്നത്. കളിമണ്ണ് കുഴച്ച് കിണ്ണത്തിന്റെ ആകൃതിയിൽ പാത്രം നിർമ്മിച്ചശേഷം, ചൂളയിൽ ചുട്ടെടുക്കുന്നു. പരിസ്ഥിതി സൗഹൃദപരമായ ഇത്തരം പാത്രങ്ങൾ, ആയുർവ്വേദചികിത്സകരും മറ്റും ഉപയോഗിക്കുന്നു.