ഇന്ത്യയിലെ ഇന്നത്തെ മധുരയിലെ മധുര നായക് രാജവംശത്തിലെ റാണി മങ്കമ്മാൾ (മരണം 1705) 1689—1704നും ഇടയിൽ അവരുടെ ചെറുമകനുവേണ്ടി ഭരിച്ചിരുന്ന ഒരു റീജന്റ് രാജ്ഞിയായിരുന്നു. ഒരു ജനപ്രിയ ഭരണാധിപതിയായിരുന്നു അവർ. റോഡുകളുടെയും വഴികളുടെയും നിർമ്മാതാവ്, ക്ഷേത്രങ്ങൾ, ടാങ്കുകൾ, വഴിയമ്പലങ്ങൾ എന്നിവയുടെ നിർമ്മാതാവ് എന്ന നിലയിലും ഇന്നും വ്യാപകമായി ഓർമ്മിക്കപ്പെടുന്നു. നയതന്ത്ര, രാഷ്ട്രീയ വൈദഗ്ദ്ധ്യത്തിനും വിജയകരമായ സൈനിക പ്രചാരണത്തിനും അവർ പ്രശസ്തയാണ്. തിരുച്ചി ആയിരുന്നു മധുര രാജ്യത്തിന്റെ തലസ്ഥാനം.

റാണി മങ്കമ്മാൾ
Queen Regent of മധുര നായക് സാമ്രാജ്യം
ഭരണകാലം1689– 1704 C.E.
ജന്മസ്ഥലംമധുര
മരണംCirca 1705
മരണസ്ഥലംമധുര , ഇന്നത്തെ തമിഴ്‌നാട്, ഇന്ത്യ
മുൻ‌ഗാമിരംഗകൃഷ്ണ മുത്തു വിരപ്പ നായക്
പിൻ‌ഗാമിവിജയരംഗ ചോക്കനാഥ നായക്
ജീവിതപങ്കാളിചോക്കനാഥ നായക്
രാജകൊട്ടാരംമധുര നായക്കുകൾ
പിതാവ്തുപാകുല ലിംഗാമ നായക
Kings and Queen Regents of
Madurai Nayak Dynasty
Part of History of Tamil Nadu
Tirumalai Nayak Palace
Madurai Nayak rulers
Viswanatha Nayak1529–1563
Kumara Krishnappa Nayak1563–1573
Joint Rulers Group I 1573–1595
Joint Rulers Group II1595–1602
Muttu Krishnappa Nayak1602–1609
Muttu Virappa Nayak1609–1623
Tirumalai Nayak1623–1659
Muthu Alakadri Nayak1659–1662
Chokkanatha Nayak1662–1682
Rangakrishna Muthu Virappa Nayak1682–1689
Rani Mangammal1689–1704
Vijaya Ranga Chokkanatha Nayak1704–1731
Queen Meenakshi1731–1736
‡ Regent Queens
Capitals
Madurai1529–1616
Tiruchirapalli1616–1634
Madurai1634–1665
Tiruchirapalli1665–1736
Major forts
Madurai 72 Bastion Fort
Tiruchirapalli Rock Fort
Dindigul Fort
Thirunelvelli Fort
other Military forts
Namakkal Fort
Sankagiri Fort
Attur Fort
Palaces
Thirumalai Nayak Mahal, Madurai
Chokkanatha Nayak Palace a.k.a. Durbar Hall, Tiruchirapalli
Rani Mangammal Tamukkam palace Madurai

പശ്ചാത്തലംതിരുത്തുക

മധുര ഭരണാധികാരി ചോക്കനാഥ നായകിന്റെ (1659–1682) ജനറലായ തുപാകുല ലിംഗാമ നായകയുടെ മകളായിരുന്നു മങ്കമ്മാൾ. ചോക്കനാഥൻ മങ്കമ്മാളിനെ നേരത്തെ വിവാഹം കഴിച്ചുവെങ്കിലും തഞ്ചാവൂർ ഭരണാധികാരി വിജയരാഘവ നായകയുടെ മകളെ വിവാഹം കഴിക്കാനുള്ള ശ്രമം പരാജയപ്പെട്ടതിനുശേഷമാണ് അവർ പ്രധാന രാജ്ഞിയായത്. കിരീടം ഏറ്റെടുത്ത ശേഷം 1682-ൽ ചോക്കനാഥ മരിച്ചു.

റീജൻസിതിരുത്തുക

മങ്കമ്മാളിന്റെ മകൻ പതിനഞ്ചു വയസ്സുള്ള രംഗകൃഷ്ണ മുത്തു വിരപ്പ നായക് (1682—1689), ചോക്കനാഥന് ശേഷം പിൻഗാമിയായി. രാജ്യത്തിന്റെ ദുർബലമായ സമ്പത്ത്‌ വീണ്ടെടുക്കാൻ അദ്ദേഹം ശ്രമിച്ചു. ഔറംഗസീബിനെ ധൈര്യപൂർവ്വം അവഗണിച്ചുകൊണ്ട് തനിക്കായി ഒരു പേര് ഉണ്ടാക്കി. 1689-ൽ രാജ്ഞി ഗർഭിണിയായപ്പോൾ രംഗകൃഷ്ണ മരിച്ചു. വിജയരംഗ ചോക്കനാഥൻ എന്ന മകനെ പ്രസവിച്ച ശേഷം, അമ്മായിയമ്മ മങ്കമ്മാളിന്റെ ശക്തമായ പ്രതിഷേധം അവഗണിച്ച് അവർ സതി അനുഷ്ഠിച്ചു. 1689-ൽ മൂന്നുമാസം പ്രായമുള്ളപ്പോൾ കിരീടമണിഞ്ഞ ശിശുവായ ചെറുമകനായ വിജയ രംഗ ചോക്കനാഥയ്ക്ക് വേണ്ടി മങ്കമ്മാളിന് റീജന്റ് ആകാൻ നിർബന്ധിതയാകുകയും ദളാവോയ് (ഗവർണർ ജനറൽ) നരസപ്പയ്യയുടെ നേതൃത്വത്തിലുള്ള ഭരണപരമായ ഒരു കൗൺസിലിന്റെ സഹായത്തോടെ 1705 വരെ ഭരിക്കുകയും ചെയ്തു.

പടയോട്ടങ്ങൾതിരുത്തുക

അവളുടെ മുൻഗാമികളേക്കാൾ മങ്കമ്മാൾ പലപ്പോഴും യുദ്ധത്തിൽ ഏർപ്പെട്ടിരുന്നുവെങ്കിലും അയൽവാസികളുമായുള്ള പതിവ് കലഹങ്ങളിൽ നിന്ന് അവൾക്ക് രക്ഷപെടാനായില്ല. മധുര രാജ്യത്തിന് ചുറ്റും മറാത്തക്കാർ, മൈസൂർ സൈന്യം, ഡെക്കാൻ സുൽത്താനുമൊത്തുള്ള മുഗൾ സൈന്യം, തുടങ്ങിയ ശത്രുക്കൾ ഉണ്ടായിരുന്നു. തഞ്ചാവൂർ രാജ്യത്തിന്റെ ഇടയ്ക്കിടെയുള്ള ആക്രമണങ്ങളും സംഭവിച്ചിരുന്നു. തെക്ക് തിരുവിതാംകൂറിലെ രാജാവ് പാട്ടം നൽകുന്നത് നിർത്തുകയും രാംനാഥിലെ ഭരണാധികാരിയായ കിലവൻ സേതുപതി സ്വാതന്ത്ര്യത്തിനായി കലാപം നടത്തുകയും ചെയ്തു. ബാഹ്യ സഹായമില്ലാതെ മങ്കമ്മാളിന് ഈ അവസ്ഥ നേരിടേണ്ടിവന്നു. രാഷ്‌ട്രീയ വിവേകം, നയതന്ത്ര വൈദഗ്ദ്ധ്യം, ഭരണപരമായ കഴിവ്, അപകടത്തെ അഭിമുഖീകരിക്കുന്ന ശാന്തമായ ധൈര്യം എന്നിവയാൽ മധുരയുടെ അന്തസ്സ് നിലനിർത്താനും തിരുമലനായ്ക്കന്റെ കാലത്ത് വഹിച്ചിരുന്ന പദവിയുടെ ഭൂരിഭാഗവും വീണ്ടെടുക്കാനും അവർക്ക് കഴിഞ്ഞു.

സിവിൽ അഡ്മിനിസ്ട്രേഷൻതിരുത്തുക

മങ്കമ്മാൾ കാര്യക്ഷമവും ജനപ്രിയവുമായ ഒരു ഭരണാധികാരിയായിരുന്നു. അവരുടെ ഓർമ്മകൾ ജില്ലയിലെ ഗ്രാമപ്രദേശങ്ങളിൽ ഇന്നും വിലമതിക്കപ്പെടുന്നു. ജലസേചനത്തിനും ആശയവിനിമയത്തിനും പ്രത്യേക ശ്രദ്ധ നൽകി മങ്കമ്മാൾ സിവിൽ അഡ്മിനിസ്ട്രേഷൻ, വ്യാപാരം, വ്യവസായം എന്നിവയിൽ കഠിനമായി പ്രവർത്തിച്ചു.

പൊതുമരാമത്ത്തിരുത്തുക

നിരവധി ജലസേചന മാർഗങ്ങൾ നന്നാക്കുകയും പുതിയ റോഡുകൾ നിർമ്മിക്കുകയും അവന്യൂ മരങ്ങൾ നട്ടുപിടിപ്പിക്കുകയും ചെയ്തു. കേപ് കൊമോറിനിൽ നിന്നുള്ള ദേശീയപാത യഥാർത്ഥത്തിൽ മങ്കമ്മാളിന്റെ കാലത്താണ് നിർമ്മിച്ചത്. ഇത് മങ്കമ്മാൾ സലായ് എന്നാണ് അറിയപ്പെട്ടിരുന്നത്.[1]അവർ നിരവധി പൊതുമരാമത്തുകൾ നിർമ്മിച്ചു. പ്രത്യേകിച്ച് തീർഥാടകർക്കുള്ള വഴിയമ്പലങ്ങൾ, അതിൽ റെയിൽ‌വേ സ്റ്റേഷന് സമീപമുള്ള മധുരയിലെ മങ്കമ്മാൾ ചതാരം [2] (വഴിയമ്പലം) ഒരു സ്മാരകമാണ്. മധുരയിലും തിരുനെൽവേലിയിലും തമിഴ്‌നാട്ടിലെ മറ്റ് ചെറിയ പട്ടണങ്ങളിലും നിർമ്മിച്ച എല്ലാ പഴയ വിശാലവീഥികൾ അവരുടെ ജനപ്രിയ വിശ്വാസം സ്ഥാപിക്കുന്നു.

അവലംബംതിരുത്തുക

  1. "The Hindu Rani Mangammal Salai". മൂലതാളിൽ നിന്നും 2010-02-17-ന് ആർക്കൈവ് ചെയ്തത്. ശേഖരിച്ചത് 2020-02-13.
  2. Rani Mangammal Chathram

പുറത്തേക്കുള്ള കണ്ണികൾതിരുത്തുക

"https://ml.wikipedia.org/w/index.php?title=മങ്കമ്മാൾ&oldid=3777228" എന്ന താളിൽനിന്ന് ശേഖരിച്ചത്